1 Lkorinto 14:3 - Samburu

³ Kake kore lolo ooitai naibon e Nkai naa ltung'ana eirorie aaitogol, nerreten, neilejilej.

1 Lkorinto 14:3 ပူးပေါင်းရင်းမြစ်များ

Luka 3:18

Neliki ꞉Yoana ltung'ana Lomon Supati areki eitaarriyian too lomon kumo.

Asat 13:15

Kore tesiedi nochi kata naisomi mbuku ee nkitanapat o loibonok le Nkai, neirruaaya ꞉lkutuaa le Sinagogi meipotuni ninche ejo, <>

Asat 14:22

Neitogol ninche ltauja loo lolo ooiteng'eni aarreten payie ewueni taatua inia nkurukoto ejoki, <>

Asat 15:32

Kore Yudas o Silas oaara loibonok le Nkai, neirorie lolo ooiruko Kristo aaitogol oleng.

Asat 4:36

Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni.

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.

Rroman 12:8

Kore ilo oitogol lkulie, nchoo eitogol te inia kichooroto enye, naa kore ilo oichooyo, nchoo eichooyo ta ltau supat, kore ilo oitacheki lkulie ta nkanisa, nchoo eitacheki to nyuata, kore ilo oing'er, nchoo eing'er te ng'ida.

Rroman 14:19

Naaku naa, matonyok aas mbaa naayau sotua o mbaa nikirretenare.

Rroman 15:2

Meatae lobo lang lemeyiere neiting'id likae eitaas supat payie erreten ninye.

1 Lkorinto 10:23

Keidim lobo lang nejo, <> Ee nejia etiu, kake mara ntoki pooki naas naaret. Neidim sii aitoki nejo, <> Ee, kake mara pooki naitogol lkulie.

1 Lkorinto 14:12

Kore naa amu iatata yieuna payie itumtum nenia kichoorot naichoru Ltau Sinyati, entonyok naa eng'oru niasicherere oleng nenia kichoorot naaitogol nkanisa.

1 Lkorinto 14:17

Keisupat oleng inia omono ino e nache, kake meatae ltung'ani oitogol ꞉inia.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

1 Lkorinto 14:31

Iatata pooki mpaach nimbonichiere, kake embonicho ma obo obo payie itumtum nkiteng'ena neitogoli ltauja le pooki ng'ae.

1 Lkorinto 8:1

Kore taa mbaa naaipirita ndaa naitakaki nkaitok e sapare naa kesipa nchere, ikiyelo pooki sipata e ana bae. Kore ng'eno naa keilachie ltung'ani, kake kore nchaman neitogol lkulie.

2 Lkorinto 1:4

Ninye oitogol iyioo te sina pooki likiata, payie kitum sii aaitogolo lkulie teneimaa sina oje, te inia rreten naterretenie iyioo.

2 Lkorinto 2:7

Kake kore naa taata keichiaakino payie ipalikiki nirretenten ninye payie minchocho metanyamala oleng ana meture katukul.

Epeso 4:29

Emiimunyie rereii lemeichiaakino nkutukie inchi, kake eroro nenia baa supati naareticho, neichiaakino te inia kata, payie eret lolo ooning.

Epeso 6:22

Kaipaawua ꞉nanu ninye nitii tankaraki ana, payie itumtum lomon lang o payie etum sii ninye aitogolo ltauja linchi.

Lkolosae 4:8

Kore payie aterewua ninye nitii, naa payie iyielouu nikitiu iyioo netum sii ninye aitogolo ntae ltauja.

1 Ltesalonike 2:11

Kore aitoki ana niyielolo, meatae lobo linchi leitu kimbung ana neiko menye teneibung nkera enyena.

1 Ltesalonike 2:3

Kore nkitaarriyiana aang, naa meing'uaa sapare, nemeing'uaa yieunot torrok, nemetii sii loseg.

1 Ltesalonike 3:2

nikimpaaki ntae Timoti, lalache lang oisiaai Nkai tenebo o iyioo te likoroto ee Lomon Supati le Kristo, meitogolo neitaarriyian ntae to nkurukoto inchi.

1 Ltesalonike 4:1

Kore naa aitoki lalachera o nkanachera, ikilej ntae nikintaarriyian ta Laitoriani Yeso payie iwuenini te nkichon naiting'id Nkai ana nikinteng'enita ntae. Kore ana niwuenitata aaiko nejia, enchom naa kue oleng inkoko nejia!

1 Ltesalonike 4:18

Tankaraki inia, entogoloto naa ltauja linchi too lolo rereii.

2 Ltesalonike 3:12

Kore ltung'ana ootuwuana lolo, naa ikintanap, nikireki ta Laitoriani Yeso Kristo meitirring'ata aas siaai, nenya nkinyinyiret enche.

1 Timoti 1:4

anaa ejing atua natinin o mbaa naaipirita lmakui nemeata nkiting'oto. Kore nenia atinin o nenia baa, naa keyau nkipara nemeata tipat, alang teneyau nkiteng'ena e Nkai nayielouni to nkurukoto.

1 Timoti 4:13

Kore nias ana mayeu, tonyuaa somaki ltung'ana Lkigerot Sinyat, nintaarriyian, niteng'en.

1 Timoti 6:2

Naa kore lolo ooiruko ꞉lkutuaa lenche Kristo, naa meyiere payie emen ninche tankaraki nara lalachera lenche taatua Kristo. Kake kore nayiere naa payie enyok abaki oleng aasaki ninche siaai, amu kore lolo kutuaa ooretito naa lairukok oaachami. Nteng'enicho nintarrapicho kuna mbaa.

2 Timoti 4:2

tilikoi rerei le Nkai. Tonyuaa tilikoi ta nkata naichiaakino o ta nkata nemeichiaakino, tobuaaki ltung'ana, ntaarriyiana, nintogol. Taasa kuna baa, te ng'iriata kitok ninteng'enicho mbaa pooki.

Tito 1:9

Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori.

Tito 2:15

Kore inteng'enicho kuna baa, ntaarriyiana ltung'ana, ning'ode ninche te nkitoria pooki niata. Mincho hooyia ltung'ani kimenu.

Tito 2:6

Nejia aitoki nkuna lewa leleru, ntaarriyiana metaa lootemu mbaa.

Tito 2:9

Nteng'ena rrindiki meitodoi ate too lkutuaa lenche taa mbaa pooki, neiting'id ninche nemeitooliki,

Lburania 10:25

Nimikipal mikitumo tenebo ana neasita lkulie, kake entogoloto, naleng idolitata aajo ketinyikua Mparri e Laitoriani.

Lburania 13:22

Kaomon naa ntae lalachera o nkanachera payie ing'iriri kuna baa naitaarriyianaka ntae tana palai, amu kaigeroka ake ntae to ndorropo.

Lburania 3:13

Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki.

1 Petero 5:12

Kaigeroka ntae ana palai dorrop aretito Silas, lalache laiken ajo kera lalache oisiligai. Kaigero aitaarriyian ntae nalimu sipata ajo munyani nadede e Nkai ana. Entacho naa teinia munyani!

Yuda 1:20

Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.