1 Lkorinto 14:27 - Samburu

²⁷ Kore tanaa keiro ltung'ani to nkutuk naidimie ꞉Ltau Sinyati, enchoo ltung'ana oare nemerepaa okuni eiro eijiparo, neatae likae oibalunyie nejoito ninche.

1 Lkorinto 14:27 ပူးပေါင်းရင်းမြစ်များ

1 Lkorinto 12:10

Neicho likae nkidimata naasie ne nking'asia, kore likae neicho nkichooroto e naibon, neicho likae nkidimata naorie Ltau Sinyati o lairiruani, neicho likae nkidimata nairorie too nkulie kutukie naaidimie ninye, neicho likae nkidimata nalimunyie nejo nenia kutukie.

1 Lkorinto 14:13

Naaku kore ltung'ani oiro too nkutukie naaidimie ꞉Ltau Sinyati, keyiere naa neomon Nkai meichoo nkidimata naibalunyie inia najoito.

1 Lkorinto 14:2

Kore ltung'ani pooki oiro too nkutukie naaidimie Ltau Sinyati, naa mara ltung'ana eirorie kake Nkai. Meitoki nayielo nejo amu keiro ninye mbaa naaisudoro to ngolon e Ltau Sinyati.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

1 Lkorinto 14:28

Kake tanaa meatae ltung'ani olimu aibalunyie inia najoitoi, entigirata naa ta nkanisa neirorie ake ꞉ltung'ani makoon Nkai.

1 Lkorinto 14:5

Kore naa taata, kayieu niroro pooki too nkutukie naaidimie ꞉Ltau Sinyati, kake kore nayieu oleng naa payie imbonichocho pooki. Amu kore naibon e Nkai naa ninye naata tipat alang nkiroroto ee nkutukie naaidimie ꞉Ltau Sinyati, peechu naa keatae ltung'ani olimu aibalunyie payie eitogoli nkanisa.