1 Lkorinto 14:26 - Samburu

²⁶ Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

1 Lkorinto 14:26 ပူးပေါင်းရင်းမြစ်များ

Rroman 1:13

Kayieu niyielouu lalachera o nkanachera aajo mara nkata nabo atanape alotu nitii, kake naaiboori ana metabaki taata. Kore payie ayieu nalotu nitii, naa payie etum Lomon Supati lalikorita aatiuu lng'anayio taatua ntae, ana payie etiutua too lkulie oreren.

Rroman 12:7

Kore ilo oata nkichooroto e nkisiayiare, nchoo eisiaaichiere inia kichooroto. Kore laiteng'enani nchoo eiteng'enichiere nkichooroto enye.

Rroman 14:19

Naaku naa, matonyok aas mbaa naayau sotua o mbaa nikirretenare.

Rroman 15:2

Meatae lobo lang lemeyiere neiting'id likae eitaas supat payie erreten ninye.

1 Lkorinto 14:15

Naaku kaa sa aas? Kaicho Ltau Sinyati maatirikoi to nkomono, naomon sii taa mparrunot ainien. Naicho maatirikoi ta ranyare, narany sii taa mparrunot ainien.

1 Lkorinto 14:2

Kore ltung'ani pooki oiro too nkutukie naaidimie Ltau Sinyati, naa mara ltung'ana eirorie kake Nkai. Meitoki nayielo nejo amu keiro ninye mbaa naaisudoro to ngolon e Ltau Sinyati.

1 Lkorinto 14:27

Kore tanaa keiro ltung'ani to nkutuk naidimie ꞉Ltau Sinyati, enchoo ltung'ana oare nemerepaa okuni eiro eijiparo, neatae likae oibalunyie nejoito ninche.

1 Lkorinto 14:40

kake entaas ntoki pooki aaiririki o to nkoitiei naichiaakino.

2 Lkorinto 12:19

Amaa teneisomakini taata ntae ana palai, ijoijo ntae nkata pooki ikinyokita iyioo aang'oroo ate? Metiu nejia! Ikiro iyioo ana laisiaayiak le Kristo tekue Nkai, naa kore pooki nikijo, sotuatin lainien lacham naa payie eitogol ntae.

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

Epeso 4:12

payie erreteni sinyat meisiayia Nkai, neitubulu sesen le Kristo,

Epeso 4:16

Laa te ninye ebulu sesen pooki te nchaman, nerubi neibung'a tenebo netum rubat pooki inia nayieu aimu mpit naaibung'uta. Nemeata rubata nemeas siaai enye ana naichooki metaasa.

Epeso 4:29

Emiimunyie rereii lemeichiaakino nkutukie inchi, kake eroro nenia baa supati naareticho, neichiaakino te inia kata, payie eret lolo ooning.

Epeso 5:19

irorie likae likae too sinkoliotin le Nkai o le nkisisa o le nkiyeng'et, iranyakiki Laitoriani taa ltauja linchi,

1 Ltesalonike 5:11

Naaku entaarriyianata, nintogololo ltauja ana ninkunitata.