1 Lkorinto 14:15 - Samburu

¹⁵ Naaku kaa sa aas? Kaicho Ltau Sinyati maatirikoi to nkomono, naomon sii taa mparrunot ainien. Naicho maatirikoi ta ranyare, narany sii taa mparrunot ainien.

1 Lkorinto 14:15 ပူးပေါင်းရင်းမြစ်များ

Asat 21:22

Naa kaa sa kias, amu meata ajo mening'i aajo iyewuo?

Rroman 1:9

Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

Rroman 3:5

Keidim ltung'ani neiparu ajo, <> Kukoino! Tanajo nchi, naa kairo ake ana neiko ltung'ana teneiro. Kore tanaa nejia etiu, aji naa eiko Nkai teneiguanare nkop?

Rroman 8:31

Kaa hae, nyo naa taata kijo naaipirita kuna baa? Amaa tanaa keti Nkai mbata aang, ng'ae ilo oidim atarere iyioo?

1 Lkorinto 10:19

Nyo dei ajoito tana bae? Keitoki sa lasar oitakaki nkaitok e sapare, tanaa keitoki sii nkaitok e sapare?

1 Lkorinto 14:14

Amu kore tanaomon too nkutukie naaidimie ꞉Ltau Sinyati, naaku Ltau Sinyati ake apeny laarikorita kake metii mparrunot ainien inie.

1 Lkorinto 14:19

Kake kore to ntumo e nkanisa, naikach tanairo rereii imiet ooning'unoi, payie aiteng'en lkulikae, alang tanairo rereii 10,000 to nkutuk naidimie ꞉Ltau Sinyati.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Lpilipi 1:18

Kake menya naa inia! Kelikoritae Kristo pooki kata, o eitaakinoi o meitaakinoi, naa kang'ida nanu teinia. Naa kalo naa kue ang'ida,

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

Yakobo 5:13

Keatae lonyamal taatua ntae? Enchoo eomon. Keatae long'ida? Enchoo erany sinkoliotin le nkisisa.

Yuda 1:20

Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.