1 Lkorinto 14:12 - Samburu

¹² Kore naa amu iatata yieuna payie itumtum nenia kichoorot naichoru Ltau Sinyati, entonyok naa eng'oru niasicherere oleng nenia kichoorot naaitogol nkanisa.

1 Lkorinto 14:12 ပူးပေါင်းရင်းမြစ်များ

Rroman 14:19

Naaku naa, matonyok aas mbaa naayau sotua o mbaa nikirretenare.

1 Lkorinto 12:31

Entonyok enteyiai nenia kichoorot e Ltau Sinyati naata tipat oleng. Naa kore taata kaitodol ntae nkoitiei nalus too pooki.

1 Lkorinto 12:7

Meatae lemeicho ꞉Nkai Ltau Sinyati metelioi to nkoitiei naidim ateretie pooki.

1 Lkorinto 14:1

Entonyok oleng eng'oru nchaman. Kake enchoo metaa iatata yieuna ee nkichoorot e Ltau Sinyati, naleng nkichooroto e naibon.

1 Lkorinto 14:13

Naaku kore ltung'ani oiro too nkutukie naaidimie ꞉Ltau Sinyati, keyiere naa neomon Nkai meichoo nkidimata naibalunyie inia najoito.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

1 Lkorinto 14:5

Kore naa taata, kayieu niroro pooki too nkutukie naaidimie ꞉Ltau Sinyati, kake kore nayieu oleng naa payie imbonichocho pooki. Amu kore naibon e Nkai naa ninye naata tipat alang nkiroroto ee nkutukie naaidimie ꞉Ltau Sinyati, peechu naa keatae ltung'ani olimu aibalunyie payie eitogoli nkanisa.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.