1 Lkorinto 13:8 - Samburu

⁸ Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.

1 Lkorinto 13:8 ပူးပေါင်းရင်းမြစ်များ

Luka 22:32

kake kaatoomonoka nanu iyie, payie meichunye nkurukoto ino. Naa kore payie iwuatuwuata kenya, ntogolo naa lalachera linono.>>

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Asat 19:6

neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho.

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

1 Lkorinto 12:10

Neicho likae nkidimata naasie ne nking'asia, kore likae neicho nkichooroto e naibon, neicho likae nkidimata naorie Ltau Sinyati o lairiruani, neicho likae nkidimata nairorie too nkulie kutukie naaidimie ninye, neicho likae nkidimata nalimunyie nejo nenia kutukie.

1 Lkorinto 13:10

Kake kore teneibalunyieki mbaa pooki e Nkai, naaku meng'or aitoki yielounoto o naibon ang.

1 Lkorinto 13:13

Naaku taa kebik kuna uni, nkurukoto o siligi o nchaman. Naa kore nalang pooki naa nchaman.

1 Lkorinto 14:39

Naaku taa lalachera o nkanachera ainien, entum yieuna nimbonichierere, nimimitmit eirori too nkutukie naaidimie ꞉Ltau Sinyati,

1 Lkorinto 8:2

Kore ilo ojo keing'en, naa ewuon ake meyielo inia sipata naichiaakino payie eata.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Lburania 8:13

Kore tenejo Nkai lning'o <>, naa keikena ilo lekue ajo keimusana, naa kore ntoki natumusana, nemerokure eata tipat naa ketaa keichunye.