1 Lkorinto 13:2 - Samburu

² Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

1 Lkorinto 13:2 ပူးပေါင်းရင်းမြစ်များ

Matayo 13:11

Newoliki ꞉Yeso ninche ajoki, <

Matayo 17:20

Newoliki ajoki, < naa keiwuang alo, nemeata mbae nemeidimai taa ntae.>>

Matayo 21:19

Kore payie edol lng'aboli tabata nkoitiei, neiwuang'aki, kake eitu etum toki mara ake mbene. Nejoki ilo ng'aboli, <> Netoii ilo cheni nabokata.

Matayo 21:21

Newoliki ꞉Yeso ajoki, < Naa keasai inia.

Asat 13:1

Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

1 Lkorinto 11:4

Naaku kore lpayian pooki oamonito Nkai neibonicho tenetumore ltung'ana le Nkai eisiapa nkue, naaku meyanyit Kristo.

1 Lkorinto 12:28

Kore ta nkanisa enye, naa ketegelua Nkai ltung'ana lbata metaa, kore lekue naa lkipaareta le Yeso, kore le oare naa loibonok le Nkai, kore le okuni naa laiteng'enak le nkanisa, neitoki agelu lkulie metaa loaata ngolon naasie mbaa e nking'asia, o loaata ngolon naichiunyie ltamoyia, o loaata nkidimata naretichiere, o loaata nkichoorot e rikore o loiro too nkulie kutukie.

1 Lkorinto 13:1

Kore tanaa kairo nkutukie naairo ltung'ana o naairo lmalaikani namaata nchaman, naaku nchi atuwuana senkei nairu tanaa ltuala oiru.

1 Lkorinto 13:3

Kaidim sii aichooi ntoki pooki naata, naichooyo abaki sesen lai metepeji, kake kore tanaa maata nchaman naaku maaret inia.

1 Lkorinto 13:8

Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.

1 Lkorinto 14:29

Enchoo loibonok le Nkai oare anaa okuni ooichooki lkilikuai oing'uaa Nkai eibonicho, kore lkulie tung'ana pooki nesipu nejoitoi.

1 Lkorinto 14:39

Naaku taa lalachera o nkanachera ainien, entum yieuna nimbonichierere, nimimitmit eirori too nkutukie naaidimie ꞉Ltau Sinyati,

1 Lkorinto 14:4

Kore lolo ooiro too nkutukie naaidimie Ltau Sinyati, naa ate eitogol, kake kore lolo ooitai naibon e Nkai naa nkanisa eitogol.

1 Lkorinto 15:51

Entacho maibalakinye ntae mbae naisudoro. Mikiye pooki kake keibelekenyi iyioo pooki.

1 Lkorinto 16:22

Kore ltung'ani pooki lemecham Laitoriani, enchoo eaku lodiaa! Laitoriani lang, wou!

1 Lkorinto 4:1

Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

1 Lkorinto 7:19

Mara muratare toki, namara sii toki teneitu kimurati, kake kore ntoki nara toki naa tinimbung nkitnanapat e Nkai.

1 Lkorinto 8:4

Naaku kore ta mbae naipirita ndaa naitakaki nkaitok e sapare, ikiyiolo ajo kore nkaitok e sapare tana kop naa meitoki, amu nabo ake Nkai nadede.

2 Lkorinto 12:11

Katutuwuana ana lmadai naa ntae likinkuna nejia, amu ntae apa eyiere payie kirreprrep nanu. Kore abaki tanaa meitoki ara, mara nanu kini too lolo lkipaareta kulda ooji le tipat oleng.

Lgalatia 5:16

Kake kajoki ntae, enchom erikoo ntae Ltau Sinyati, naa mintabayaya kenyaake nayieu mpukunoto inchi torno.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Lgalatia 6:3

Naa kore tenedol ltung'ani koon ajo kera toki, nemeitoki era, naaku koon esapita.

Epeso 3:4

Tinisomsom ana, indimdim aateyielo ning'unoto naata tana bae naisudoro naipirita Kristo,

Epeso 6:19

nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Lkolosae 1:26

Kore inia naa mbae e Nkai naisudoyie taa ng'amat o too ntowuon e apa, kake kore taata keibalakinyieki taata sinyat lenyena.

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Yoana 4:8

Kore pooki lemechamicho naa meyielo Nkai, amu kore Nkai naa nchaman.