1 Lkorinto 12:8 - Samburu

⁸ Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

1 Lkorinto 12:8 ပူးပေါင်းရင်းမြစ်များ

Matayo 13:11

Newoliki ꞉Yeso ninche ajoki, <

Asat 6:3

Naaku naa lalachera, entegelu taatua ntae lewa sapa liyielolo aajo keipida mbaa nebore Ltau Sinyati o ng'eno, likipik nkaik enche ele siaai.

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 1:5

Kore itii atua ninye neitiemua ntae Nkai to ntoki pooki, aaku arriyiak, niakuku ng'eni,

1 Lkorinto 13:2

Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

1 Lkorinto 13:8

Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

1 Lkorinto 14:6

Amaa taa lalachera o nkanachera ainien, nyo eret ntae tanalotu nitii nairo to nkutuk naaidimie ꞉Ltau Sinyati namaliki ntae najoito? Meret hoo ntae. Kake kore naret ntae naa tanayaki ntae mbolunoto naing'uaa Nkai tanaa yielounoto ee mbaa e Nkai tanaa naibon tanaa sii nkiteng'ena.

1 Lkorinto 2:11

Ng'ae oidim ateyielo mbaa naatii atua ltung'ani mara ake ilo tau otii atua ninye? Nejia sii etiu, meatae looidim ateyielo naatii atua Nkai mara ake Ltau le Nkai.

1 Lkorinto 2:16

Ana naigero too Lkigerot Sinyat nchere, <> Kake kore iyioo naa ikiyielo mparrunot e Kristo.

2 Lkorinto 1:12

Kore to nkop pooki aa oleng taatua ntae, ikitowuana ana ltung'ana supati ltauja o ana ltung'ana oong ana nayieu Nkai. Neitu kirukurukore inia najo ltung'ana le nkop ng'eno, kake munyani e Nkai kirukurukore. Ikiyielo taa ltauja lang aajo nejia etiu, naa inia ntoki niking'idare.

2 Lkorinto 11:6

Keidim naa mara arriyia to nkiroroto, kake kayielo netiu mbaa. Naa /ikimbalakinyie ntae chiaake to nkoitiei pooki nenia baa nikiyielo.

2 Lkorinto 2:14

Kake kaicho Nkai nache amu kore taatua Kristo, keisula ninye, nerikoo iyioo, neasichere iyioo meteyielo ltung'ana ninye to ng'oji pooki ana lasar orropili.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Lkorinto 6:6

Ikintodolu aajo ikira laisiaayiak le Nkai, aaku ltung'ana oowong nikiata ng'eno o ng'iriata o lng'er nerikoo iyioo Ltau Sinyati, nikintodol ltung'ana nchaman nadede.

2 Lkorinto 8:7

Kore ana niborere taa mbaa pooki, aata nkurukoto kitok, nera lkumo linchi ltung'ana arriyiak to nkuroroto, niatata ng'eno kitok nirara ltung'ana ooterretenete katukul, naa keikitok nchaman inchi tee iyioo, naaku keichiaakino payie iakuku looleng te ele siaai le nchaman.