1 Lkorinto 12:28 - Samburu

²⁸ Kore ta nkanisa enye, naa ketegelua Nkai ltung'ana lbata metaa, kore lekue naa lkipaareta le Yeso, kore le oare naa loibonok le Nkai, kore le okuni naa laiteng'enak le nkanisa, neitoki agelu lkulie metaa loaata ngolon naasie mbaa e nking'asia, o loaata ngolon naichiunyie ltamoyia, o loaata nkidimata naretichiere, o loaata nkichoorot e rikore o loiro too nkulie kutukie.

1 Lkorinto 12:28 ပူးပေါင်းရင်းမြစ်များ

Marko 16:17

Naa kuna nkitodolunot naaku tenebo o lolo laairuk nanu. Kore ta nkarna ai naa kearaa lairiruani meipung'o neiro too nkutukie ng'ejuko,

Luka 6:14

Aa Simon oinyiaka ajo nkarna Petero o Andirea lalache lenye o Yakobo o Yoana o Pilipo o Batolomayo,

Asat 11:27

Kore tee nenia perot, nepuonu loibonok le Nkai ooing'uaa Yerusalem Antiok.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

1 Lkorinto 10:32

Entaa lemeata nakurrieki tekue Lyiaudi o Lgirriki o ltung'ana le Nkai.

1 Lkorinto 12:18

Kore natiu, meata rubat neitu epik Nkai mpaach enche te sesen ana nayieu ninye.

1 Lkorinto 12:29

Kore naa, mara ltung'ana pooki oara lkipaareta le Yeso, namara pooki oara loibonok le Nkai, namara pooki oara laiteng'enak le nkanisa, namara pooki oata nkidimata naasie ne nking'asia,

1 Lkorinto 12:30

tanaa ngolon naichiunyie ltamoyia, namara sii pooki ooiro too nkulie kutukie naaidimie Ltau Sinyati, namara pooki ng'ae oidim aibalunyie nejo nenia kutukie.

1 Lkorinto 14:2

Kore ltung'ani pooki oiro too nkutukie naaidimie Ltau Sinyati, naa mara ltung'ana eirorie kake Nkai. Meitoki nayielo nejo amu keiro ninye mbaa naaisudoro to ngolon e Ltau Sinyati.

1 Lkorinto 14:4

Kore lolo ooiro too nkutukie naaidimie Ltau Sinyati, naa ate eitogol, kake kore lolo ooitai naibon e Nkai naa nkanisa eitogol.

1 Lkorinto 14:5

Kore naa taata, kayieu niroro pooki too nkutukie naaidimie ꞉Ltau Sinyati, kake kore nayieu oleng naa payie imbonichocho pooki. Amu kore naibon e Nkai naa ninye naata tipat alang nkiroroto ee nkutukie naaidimie ꞉Ltau Sinyati, peechu naa keatae ltung'ani olimu aibalunyie payie eitogoli nkanisa.

Epeso 2:20

Irara ntae nkaji naa Lkipaareta o loibonok le Nkai nkitamanyunoto enye, nera Kristo Yeso koon soit le tipat oirichiu nkaji,

Epeso 3:5

inia neitu apake eiteyielo ꞉Nkai ltung'ana loo ntowuoitin e apa ana natoboloka taata ta Ltau lenye Sinyati, Lkipaareta o loibonok lenyena sinyat.

1 Timoti 5:17

Kore lolo payiani oorikorita nkanisa aaitibiraki naa keichiaakino neichori nkanyit neitokini aalak, nelus lolo oonyok aalikoo rerei le Nkai, neiteng'enicho.

Lburania 13:17

Entining larikok linchi nintodoyioyio ate taabori ninche, amu ntae eirrita eyielo aajo keipar kenya ꞉Nkai. Entining ninche payie etumoki ninche aataas siaai lenche te ng'ida meata long'unyung'unyi, amu mesupataki ntae inia.

Lburania 13:24

Eroroki larikok linchi pooki o sinyat le Nkai. Keiroroki sii ntae lolo ooing'uaa nkop e Itali.