1 Lkorinto 12:27 - Samburu

²⁷ Kore ntae pooki naa sesen le Kristo irara, nemeatae linchi lamara rubata enye.

1 Lkorinto 12:27 ပူးပေါင်းရင်းမြစ်များ

Rroman 12:5

nejia siake etiu, kore iyioo kira kumo, ikira sesen obo taatua Kristo, nemeata sii tee iyioo lamara rubata e likae.

1 Lkorinto 1:2

Ikiroroki nkanisa e Nkai natii lkerenket le Korinto, lolo ooitaa ꞉Nkai metaa ltung'ana lenyena etii atua Laitejeunoni Yeso, neipoto metaa sinyat tenebo o lolo pooki ooipot nkarna e Laitoriani lang Yeso Kristo to ng'oji netii, ilo Aitoriani lenche naa lalang.

1 Lkorinto 10:17

Amu nabo ake mukate, naaku kore abaki iyioo oaara kumo nikiaku sesen obo, amu inia mukate nabo ake king'ar pooki.

1 Lkorinto 12:12

Ntacho maichoo ntae nkitanyanyukoto, nchere kore ana naata sesen obo lo ltung'ani rubat kumo nera nenia rubat sesen obo, nejia sii etiu Kristo.

1 Lkorinto 12:26

Kore tenemei rubata nabo e sesen, nemei rubat pooki tenebo o inia, kore payie etum rubata nabo rrepet, neng'ida rubat pooki.

1 Lkorinto 6:15

Amaa, miyielolo aajo kore seseni linchi naa rubat e sesen le Kristo? Keichiaakino sa tanaya rubat e sesen le Kristo naitaa rubat e milayoi? Nakaiting'o, meichiaakino!

Epeso 1:23

Nkanisa nara sesen lenye, inia naaiput ꞉ninye neiput sii pooki toki taatua pooki.

Epeso 4:12

payie erreteni sinyat meisiayia Nkai, neitubulu sesen le Kristo,

Epeso 5:23

amu lpayian nkue e ntomononi ana pee era Kristo nkue e nkanisa, ilo sesen lenye laa ninye koon Laitejeunoni.

Epeso 5:30

amu ikira iyioo rubat e sesen lenye.

Lkolosae 1:18

Ninye nkue e sesen, aa taa nkanisa, naa ninye ng'asunoto, Nkerai e Nkai natipiwua aing'uaa lmeneng'a tekue nemeye aikata, peaku ninye oituruk to ntoki pooki,

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

Lkolosae 2:19

Nemeibung'are ꞉ninye Kristo, laa ninye nkue naa te ninye ebulu sesen pooki ana naitubulu Nkai. Keitubulu ilo sesen eramat neruburub too mpit o too marloochi.