1 Lkorinto 11:16 - Samburu

¹⁶ Kake teneatae ltung'ani oata nchankar, naaku mikiata likae kerreti tana mbae, nemeatae sii taa nkanisani e Nkai pooki.

1 Lkorinto 11:16 ပူးပေါင်းရင်းမြစ်များ

Asat 21:21

Neitabakaki iyioo lomon likimpirita eji kore iyie naa inteng'en Lyiaudi pooki otii nkopi ee lkulie oreren payie eing'uaa nkitanapat e Musa, ijoki payie memurat nkera enche tanaa eirukurukore lkerreti loo Lyiaudi.

Asat 21:24

Rukurukore ninche tama ntasim e nkitorropiloto, nilaaki ninche ntoki nayieuni, payie eidim ꞉ninche aatabarn nkuechi enche. Kore tiniaas inia neyielou ltung'ana pooki aajo, kore taatua ntoki pooki natejoki te iyie naa sapare amu imbung'uta, nirukurukore nkitanapat ee Lyiaudi.

1 Lkorinto 11:15

Naa kore teneodoo ntomononi lpapit neaku sikar, amu Nkai naichoo ninye lpapit oodoo meisiapie nkue enye.

1 Lkorinto 16:1

Kore taa mbaa naaipirita nkuturrurroto ee ropiyiani tankaraki ltung'ana sinyat ootii Yerusalem, kayieu niasias ana natiaaka nkanisani ee Lgalatia.

1 Lkorinto 4:5

Naaku emidung'oki ltung'ani nkiguana ewuon eng'or nkata nachukunyie Laitoriani. Amu kore Laitoriani, naa keibalunyie nenia naaisudoro ta naimin, neibalunyie sii yieunot ee ltauja loo ltung'ana. Kore taa inia kata, neicho ꞉Nkai pooki ng'ae rrepet naichiaakino.

1 Lkorinto 7:17

Kore eyia enchoo pooki ng'ae metowuana ana nategelaka ꞉Laitoriani payie eipot ninye ꞉Nkai. Naa ana taa nkitanapata ai taa nkanisani pooki.

1 Lkorinto 9:1

Amaa, keatae sa ntoki naaibooyo payie maas nayieu? Mara nanu Lkipaaret la Laitoriani? Amaa, eitu adol nanu Laitoriani lang too nkonyek ainien? Amaa ntae, mara lng'anayio le siaai lai lataasa taatua Laitoriani irara?

1 Lkorinto 9:6

Tana Barnabas o nanu aapeny echi ooichiaakino payie eas siaai likitumie ndaa nikinya?

1 Ltesalonike 2:14

Amu kore ntae lalachera o nkanachera, naa ititiwuana ana nenia anisani e Nkai naatii Yudea, naawueni taatua Kristo Yeso. Amu kore ake ilo sina /oitamita ꞉Lyiaudi nenia anisani, /neitamita sii ꞉ltung'ana lo locho linchi ntae.