1 Lkorinto 1:9 - Samburu

⁹ Keisiligai Nkai naipotoka ntae nchula e nkerai enye Yeso Kristo, Laitoriani lang.

1 Lkorinto 1:9 ပူးပေါင်းရင်းမြစ်များ

Matayo 24:35

Kore keper o nkop naa keichunye, kake meichunye hooyia rereii lainien.

Rroman 11:17

Keteng'eruaki mbata ee sura e lng'erriyioi otuunoki nerubakini surai e lng'erriyioi le ntim metubulu tenebo o nkulie sura e ilo ng'erriyioi otuunoki. Kore naa ntae lamara Lyiaudi, itiuu ana inia surai e ntim naturubakaki ilo ng'erriyioi otuunoki payie ing'arng'ar parakuoicho e inia tanai e ilo ng'erriyioi,

Rroman 8:28

Ikiyielo nchere kore pooki naasai, naa kesupataki lolo oaacham Nkai, lolo ooipotoki ana nayieu ꞉Nkai.

Rroman 8:30

Naa kore lootegelua apake tekue, ninche sii eipoto, naa kore looipoto /neitaa sii ltung'ana loosipat, naa kore /looitaa loosipat neitoki sii aicho nkitoo.

Rroman 9:24

Keipoto sii iyioo Nkai, namara ake iyioo oaara loo Lyiaudi aapeny eipoto, kake abaki lolo oaara loo lkulie oreren.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

1 Lkorinto 10:13

Kore inia temata nitumo, taparru ajo ntemat ake naatiu nejia eimarita ltung'ana pooki. Naa keisiligai Nkai amu meicho ntae etum ntemat naalang nindimumu. Kore aitoki teneitemei ntae, naa keitibir Nkai nkoitiei nimpung'unyienyie taatua nenia temat payie itumtum aating'iria.

1 Lkorinto 10:16

Kore tinikimayian lkikompe lemayian nkata e ndaa e laitoriani, mara iking'arita lodo le Kristo te ilo kikompe? Naa kore tinikigil mukate nikinyia, mara iking'arita sesen le Kristo te inia mukate?

2 Lkorinto 1:18

Kake kore ana nara Nkai naisiligai, kore tinikiliki ꞉iyioo ntae ntoki naaku nejia.

Lgalatia 1:15

Kake Nkai naategelua ewuon atii nkocheke e yieyio lai, naaipot te munyani enye, nechamaa

Lgalatia 2:20

Kaatechoki nanu tenebo o Kristo. Merokure aa nanu oichu, kake Kristo oichu taatua nanu. Kore nkichon naichu taata te sesen, naa kapikita nkurukoto ai atua Nkerai e Nkai, ilo laatachama, neichoru nkichui enye tankaraki nanu.

Epeso 3:6

Kore inia neitu apake eyielouni naa ana, nchere kore aimu Lomon Supati, neng'amaa ltung'ana loo lkulie oreren, tenebo o Lyiaudi mayianat e Nkai naatum ltung'ana lenyena. Kera ninche o Lyiaudi rubat e sesen obo neikenakino sii lekutuk le Nkai etii atua Kristo Yeso.

Lkolosae 1:24

Kang'ida taata tee sinaitin laanyaita tankaraki natilika ntae Lomon Supati o sinaitin lewuon eng'or paatum laatiaka apa Kristo meata ajo maimaa tankaraki reteto natum sesen lenye, aa taa nkanisa, naa inia ake aitabarita.

1 Ltesalonike 2:12

Ikitasayia ntae, nikintogol ntae, nikintaarriyian ntae, payie iwuenini te nkichon naichiaakino tekue Nkai naipotoka ntae nkitoria o nkitoo enye.

2 Ltesalonike 2:14

Keipuotua ntae Nkai too lomon supati likitilikita ntae, payie itumtum nkitoo e Laitoriani lang Yeso Kristo.

2 Ltesalonike 3:3

Kake keisiligai Laitoriani, naa keitogol ntae, neirrita ntae te ilo torno.

2 Timoti 1:9

Keitejewua ninye iyioo, neipoto iyioo to nkupototo sinyati, namara tankaraki nikitaasa toki, kake tankaraki yieunoto o munyani enye. Kore ana munyani naa keichooki iyioo te Kristo Yeso ewuon meatae nkop,

2 Timoti 2:13

Naa tinimikisiligai iyioo, naa keisiligai ake ninye nkata pooki, amu meidim atanya ajo mera ilo oara.

Tito 1:2

Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai.

Lburania 10:23

Mikipal kilimu aaipidaki ilo siligi likijo ikiata, amu keisiligai ilo oichoo iyioo lekutuk.

Lburania 11:11

Naa to nkurukoto apa etumo abaki Sara nkidimata natang'asunyie ichoi o Abraam abaki etaarrarra ninye oleng, nera sii olipi, amu keiruko ilo oitaka Abraam lekutuk.

Lburania 2:17

Naaku tankaraki inia payie eitaaki too nkoitieii pooki ana lalachera o nkanachera enyena, payie etum ataa laitainoni la lasar oata lng'ur neisiligai te siaai le Nkai, netum Nkai atapaliki ltung'ana lenyena ng'ok.

Lburania 3:1

Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie.

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

Lburania 6:18

Naaku kore aimu kuna baa are nemeibelekenya aikata naataasa Nkai, neitu taa esapicho Nkai, kore iyioo ooisigakita ninye, nikitum rreten kitok nikimbung'ie aaitirrichaki ele siligi otipikaki tekue iyioo.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

1 Yoana 1:3

Ninye kitoduaa, nikitining'o, naa ninye kiliki ntae payie itumtum nchula o iyioo. Naa kore nchula ang naa nchula e Nkai Papa lang o ne Nkerai enye Yeso Kristo.

1 Yoana 1:7

Kake kore tinikitii atua wong'an ana payie etii ninye atua wong'an, naa ikiata nchula maate. Naa kore lodo le Nkerai enye Yeso, neitukoo ng'ok ang pooki.

1 Yoana 4:13

Ikiyielo aajo kewuon ninye taatua iyioo nikiwueni iyioo taatua ninye, tankaraki ketang'arie iyioo Ltau lenye.

Mbolunoto 19:11

Naitoki adol chumata etobole, naa ng'ura, eti mbarta naibor naitache teinie, naa kore lowuenita keji nkarna Loisiligai neji aitoki Lodede naa ndedei easichere tenedung nkiguana o tenenya larrabal o lmang'ati lenyena.