1 Lkorinto 1:6 - Samburu

⁶ tankaraki sipata nikitilimutua naipirita Kristo, naitodolua Nkai taatua ntae ajo kedede.

1 Lkorinto 1:6 ပူးပေါင်းရင်းမြစ်များ

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Asat 11:17

Amaa naa tanaa keichoo ꞉Nkai ninche inia kichooroto ana naichoo apa iyioo payie kiruk Laitoriani Yeso Kristo, ng'ae naa ara nanu payie aany inia nayieu Nkai?>>

Asat 11:21

Naa ketii nkaina e Laitoriani tenebo o ninche, neiruk ltung'ana kumo oleng neibelekenyakino Laitoriani.

Asat 18:5

Kore payie edou Silas o Timoti te Makedonia, neirrachu Paulo eitayia koon aliki Lyiaudi sipat nchere kore Yeso naa ilo Aitejeunoni oanyutae oji Kristo.

Asat 20:21

aliki Lyiaudi o Lgirriki nchere meata ajo meibelekenyakino Nkai, neiruk Laitoriani lang Yeso.

Asat 20:24

Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.

Asat 23:11

Kore inia kuarie neipung'oki Laitoriani Paulo nejoki, <>

Asat 28:23

Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede.

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

2 Lkorinto 12:12

Kataasa siaai lai pooki te ng'iriata taatua ntae, naa kore mbaa naaitodolu aajo kara lkipaaret odede le Yeso, naa mbaa naataasa Nkai taatua ntae. Ketaasa mbaa naaing'asicho o naaitodolu ngolon enye.

Lgalatia 3:5

Amaa ꞉ilo oicho ntae Ltau neas mbaa e nking'asia taatua ntae, keas nenia tankaraki nimbung'utata nkitanapat ana tankaraki iruko ilo rerei litining'o?

2 Ltesalonike 1:10

Kore kenya nenia baa naa keasai tenelotu Yeso inia parri, meichoo ꞉sinyat lenyena ninye nkisisa neicho lolo pooki ooiruko ninye nkanyit. Naa itii sii ntae inie amu iruko mbaa nikitilimutua naaipirita ninye.

1 Timoti 2:6

oitayia nkichui enye alakunyie ltung'ana pooki. Kore ana, naa payie eaku limunoto tenebau nkata nategeluaki.

2 Timoti 1:8

Naaku midol anyit tinimbalie inia sipata niata naipirita Laitoriani lang, tanaa sii kiduaaki nanu anyit, oena tankaraki ninye. Kake tama sina tenebo o nanu tankaraki Lomon Supati, te nkiririkinoto e ngolon nikinchoo ꞉Nkai.

Mbolunoto 1:2

Nelimu Yoana sipata e inia pooki natoduaa naipirita lomon ooing'uaa Nkai ootilika ꞉Yeso Kristo.

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

Mbolunoto 12:11

Netimira ꞉ninche ninye to lodo lo Lkuo leker o te limunoto naipirita Yeso. Neitu abaki echamu nkichoni enche metaa keturia eri metuata.

Mbolunoto 12:17

Negoro meu tankaraki inia tomononi, nelo aitai larrabal o nkulie kera e inia tomononi, naaning Nkitanapata e Nkai neata limunoto naipirita Yeso.

Mbolunoto 19:10

Narriakino nkejek enyena asai, kake naajoki, <>

Mbolunoto 6:9

Kore payie eitai Lkuo leker sarmag e imiet, nadol taabori lperere la lasar ltauja loo lolo pooki oaataraki apa metuata tankaraki rerei le Nkai o sipata naata e Kristo.