1 Lkorinto 1:5 - Samburu

⁵ Kore itii atua ninye neitiemua ntae Nkai to ntoki pooki, aaku arriyiak, niakuku ng'eni,

1 Lkorinto 1:5 ပူးပေါင်းရင်းမြစ်များ

Asat 2:4

Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

Rroman 11:12

Kore tankaraki neitu eiruk ninche, netum nkop pooki mayian, neaku inia ng'orikinoto enche dupoto too ltung'ana lamara loo Lyiaudi. Kewuaa sa mayian natumi, tenechukunyie Isirael pooki aairuk Yeso!

Rroman 15:14

Kore nanu lalachera o nkanachera ainien, kaata sipata naipirita ntae ajo, kebore ntae supaticho, nebore ng'eno, naa indimdim aaitaarriyianata maate.

Rroman 15:4

Amu kore pooki naaigeroki apake too Lkigerot naa keigeroki payie eiteng'en iyioo, paa kore te ng'iriata o rreten nikitum too lolo Kigerot, nikimbung siligi lang.

1 Lkorinto 12:10

Neicho likae nkidimata naasie ne nking'asia, kore likae neicho nkichooroto e naibon, neicho likae nkidimata naorie Ltau Sinyati o lairiruani, neicho likae nkidimata nairorie too nkulie kutukie naaidimie ninye, neicho likae nkidimata nalimunyie nejo nenia kutukie.

1 Lkorinto 12:8

Ltau le Nkai oicho ltung'ani obo nkidimata nairorie lkilikuai obore ng'eno e Nkai, naa ilo Tau siake oicho aitoki likae tung'ani nkidimata nayielounyie baa, neiro naaipirita nenia baa.

1 Lkorinto 13:2

Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

1 Lkorinto 13:8

Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

1 Lkorinto 8:11

Naaku kore ilo tung'ani oachal oatanang'a sii ninye ꞉Kristo, neidaaya tankaraki inia sipata niyielo!

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Lkorinto 6:10

ana looisinanio kake niking'ida nkata pooki, nedoli iyioo ana laisinak kake nikintaa lkumo parakuo meteyielo mbaa e Nkai, netuwuana meitoki kiata kake nkunanang ntokitin pooki.

2 Lkorinto 8:7

Kore ana niborere taa mbaa pooki, aata nkurukoto kitok, nera lkumo linchi ltung'ana arriyiak to nkuroroto, niatata ng'eno kitok nirara ltung'ana ooterretenete katukul, naa keikitok nchaman inchi tee iyioo, naaku keichiaakino payie iakuku looleng te ele siaai le nchaman.

2 Lkorinto 9:11

Keitaa ntae ltung'ana oaata nalang naayieu taa mbaa pooki, payie iakuku looleng taa mbaa pooki. Kore nenia kichoorot nintaitua te leng'on, neng'amaa ltung'ana tee iyioo, naa keicho ninche meichoo Nkai nache.

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Epeso 2:7

Paa kore taa ng'amat naapuonu, neitodolu ninye neba leng'on e munyani enye, eitaasita iyioo supati taatua Kristo Yeso. Nemeata inia munyani enye lnyanyukie.

Epeso 3:8

Kore abaki aa nanu lkini alang lkulie sinyat pooki, nanu eichoo Nkai ana munyani enye, matiliki ltung'ana loo lkulie oreren lamara loo Lyiaudi nowua mayianat naatii atua Kristo nemeata nkiting'oto,

Epeso 6:19

nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Lpilipi 1:9

Kaomonoki ntae metoponunye nchaman inchi aaku kitok oleng ining'ung'u nitemtem mbaa pooki.

Lkolosae 2:3

Amu te ninye eisudoyieki murdaicho pooki e kursaicho o ne ng'eno.

Lkolosae 3:10

ninchopokita ate mpukunoto ng'ejuk, inia naiteng'ejukutoi nkata pooki payie eyielou sipata naipirita Nkai, neinyunyukoreii Laitainoni lenye.

Yakobo 3:13

Kalo tung'ani taa ntae oara ng'en neata yielounoto? Nchoo eitodolu te lwuenet lenye supat asat enyena naas to mborron naing'uaa ng'eno nagut.

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.