1 Lkorinto 1:21 - Samburu

²¹ Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai.

1 Lkorinto 1:21 ပူးပေါင်းရင်းမြစ်များ

Matayo 11:25

Kore te inia kata nejo Yeso, <

Luka 10:21

Kore te inia kata, neiput Yeso ꞉ng'ida e Ltau Sinyati nejo, <>

Luka 12:32

<

Yoana 12:31

Kore taata, keiguanareki ana kop, naa taata emirari ilo oitore ana kop aaipung'ie aulo.

Rroman 1:28

Naa kore amu eitu edol ninche aajo keichiaakino payie eata Nkai mpaach to mparrunot enche, neicho ꞉Nkai ninche meirukurukore mparrunot enche naatarroitie payie eas mbaa nemeichiaakino.

Rroman 11:33

Kebaa siake nguton e parakuoicho o ne ng'eno o ne inia naa nemeitoki meyielo ꞉Nkai! Meidimai payie iyielou aichu mbaa naadung Nkai, nemeyielounoi nkoitieii enyena!

1 Lkorinto 1:18

Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai.

1 Lkorinto 1:23

Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi.

1 Lkorinto 1:24

Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai.

1 Lkorinto 1:25

Amu kore inia nalioo etuwuana madai e Nkai naa ng'eno nalang ng'eno e ltung'ani, naa kore inia nalioo etuawuana nchalan e Nkai naa ngolon nalang ngolon e ltung'ani.

1 Lkorinto 1:27

Kake etegelua ꞉Nkai ltung'ana oodol nkop etuwuana kemada payie eitukurru laing'eni, negelu loaachal payie eitukurru loogol.

1 Lkorinto 11:32

Kore teneiguanare iyioo Laitoriani, naa keiteme iyioo payie medung'okini iyioo nkiguana kenya tenebo o nkop.

1 Lkorinto 2:14

Kore ltung'ani lemeata Ltau le Nkai, nemeng'amaa sipat naing'uaa ninye amu madai nenia te ninye, nemeidim ateyielo amu mbaa nenia naasipuni ta ltau le Nkai.

1 Lkorinto 4:10

Kedol iyioo nkop ana lmada tankaraki Kristo, nedol ntae tana ltung'ana lenyena ng'eni! Nedol iyioo ana loaachal, nedol ntae ana loogol! Keyanyit ntae, nemen iyioo.

1 Lkorinto 6:2

Miyielolo aajo keiguanare ꞉sinyat le Nkai nkop? Naa amaa tanaa inguanarere kenya nkop, mara indimdim aaiguanare mbaa kunini taata?

Lgalatia 1:15

Kake Nkai naategelua ewuon atii nkocheke e yieyio lai, naaipot te munyani enye, nechamaa

Lgalatia 4:8

Kake kore apa ewuon miyielolo Nkai, naa isiaaita nenia namara abaki nkaitok.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Epeso 3:10

Neyielou taa taata ꞉lolo oaata nkitoria o nkitoo te chumata, ng'eno nagut e Nkai ee mpukunot kumo aimu nkanisa.

Lkolosae 1:19

amu ketachamayie Nkai ajo kemany atua ninye katukul.

Lburania 1:14

Amaa, mara lmalaikani pooki nkiyeng'eta naaisiai Nkai oorewi metereto lolo ootum kenya njeunoto?

Lburania 2:3

kaji kipokie iyioo tinikintololoki ana jeunoto nawuenyi natilimua apa Laitoriani, neitisipaki aitoki iyioo ꞉lolo ootining'o apa Laitoriani tee nkiyiaa enche?

Lburania 7:25

Naaku keidim ninye katukul aitejeu lolo oopuonu neti Nkai eimaa ninye, amu keomonoki ꞉ninye ninche nkata pooki Nkai.

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

Yakobo 5:15

Naa kore nkomono enche natoomono to nkurukoto, neichiunyie ilo tamoyiai, neinyoyie ꞉Laitoriani ninye. Naa kore tanaa ketaasa ng'oki, nepalikini.

Yakobo 5:20

keyiere neyielou ilo tung'ani otirrinyua nchere, kore ilo orrinyu laing'okoni metung'ai nkoitiei enye e mpong'ori, naa keitejewua nkichui e ilo tung'ani te lkiye netujutoyieki ng'ok enyena kumo.