1 Lkorinto 1:1 - Samburu

¹ Kore ana palai naa keing'uaa Paulo oipoto ꞉Nkai ana nayieu ninye metaa lkipaaret le Yeso Kristo, neing'uaa sii lalache lang Sositenes.

1 Lkorinto 1:1 ပူးပေါင်းရင်းမြစ်များ

Luka 6:13

Kore payie eikienyu, neipotu looiteng'eni lenyena, negelu tomon oare taatua ninche neicho nkarna naji Lkipaareta:

Yoana 15:16

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Yoana 20:21

Neitoki ꞉Yeso ajoki ninche, <>

Asat 1:15

Kore mparri nabo, neitache Petero taatua lalachera o nkanachera oaabaki ltung'ana ip nabo o tikitam, nejo,

Asat 1:2

ana metabau inia parri nailiepieki apa ninye aaya chumata, eidipa aitanapa Lkipaareta lenyena ta Ltau Sinyati.

Asat 18:17

Neibung taa ꞉ninche Sositenes lkitok le sinagogi neidong tekue inia kiguana. Kake kore Galio, naa eitu eya inia aitaa toki.

Asat 22:21

Kake naajoki ꞉Laitoriani, >>

Rroman 1:1

Kore ana palai, naa nanu Paulo eing'uaa, laisiaayiani la Laitejeunoni Yeso, naaipoto ꞉Nkai mataa Lkipaaret naategelua matilikoi Lomon Supati lenyena.

Rroman 1:10

Kore ntoki nabo chiaake naomonu, naa payie eidimai taata natum mpaach nalotunyie adol ntae echam Nkai,

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

1 Lkorinto 15:9

Amu kore nanu naa meitoki ara too lkipaareta pooki le Yeso, nemeichiaakino payie aaipoti aajo lkipaaret lenye, amu kaitama nkanisa e Nkai sina.

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

2 Lkorinto 11:5

Madol hoo nanu koon atuwuana kara kini too lolo kipaareta kulda ooji kutuaa.

2 Lkorinto 12:12

Kataasa siaai lai pooki te ng'iriata taatua ntae, naa kore mbaa naaitodolu aajo kara lkipaaret odede le Yeso, naa mbaa naataasa Nkai taatua ntae. Ketaasa mbaa naaing'asicho o naaitodolu ngolon enye.

2 Lkorinto 8:5

Neas ninche nalang nikisiligita apa aajo keas, amu kore te yieuna e Nkai, ate etang'asa tekue aicho Laitoriani, neitoki aaicho iyioo.

Lgalatia 1:1

Nanu Paulo Lkipaaret le Yeso oigero ana palai, namara ltung'ana laaitaa anaa ltung'ani aimua, kake kaimua Yeso Kristo o Nkai Papa, ilo oitipiwua ninye too lootuata.

Epeso 1:1

Nanu Paulo, oataa Lkipaaret le Yeso Kristo ana nayieu Nkai paaku, oiroroki sinyat otii Epeso, ooisiligai taatua ilo Aitejeunoni oaanyutae apa oji Yeso.

Epeso 4:11

Naa ninye oitaa lbata lkipaareta, neitaa lkulie loibonok, neitaa lkulie lalikorok loo Lomon Supati, neitaa lkulie lchekuti le nkanisa, neitaa lkulie laiteng'enak,

Lkolosae 1:1

Kore ana palai naa keing'uaa Paulo, oara Lkipaaret le Yeso, ilo Aitejeunoni oanyutae apa tankaraki nayieu Nkai payie eaku, neing'uaa sii Timoti, lalache lang.

1 Timoti 1:1

Kore ana palai naa nanu Paulo eing'uaa, ilo oataa Lkipaaret le Kristo Yeso te nkitanapata e Nkai nara Laitejeunoni lang o Kristo Yeso oara siligi lang.

1 Timoti 2:7

Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

2 Timoti 1:1

Nanu Paulo, oitaaki Lkipaaret le Kristo Yeso te yieunoto e Nkai, laairoroki iyie Timoti nkerai ai nacham. Kaaitaaki apa Lkipaaret payie aitabaki ltung'ana lkilikuai le lekutuk oitayia apa Nkai le nkichui natumi taatua Kristo Yeso. Metaa munyani o lng'ur o seriani, naing'uaa Nkai Papa o Kristo Yeso Laitoriani lang tenebo o iyie.