Tito 2:8 - Buglere

⁸ Ba kwian tke tangle no trate geru ulia alinge, ene kwian me ñage gerule me no badi me ñage ba gbe jiske sidri ba kle kwian tke tangle giti. Kwian gweale gerule ba dollale, amadi nga be chie ibule, be suge amage ba kle kwian tke tangle geru uliage, kwian gerule ba dollale me ñage gerule dare badi.

Tito 2:8 ပူးပေါင်းရင်းမြစ်များ

Marcos 12:17

Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege. Jesu jaindunga ene kwian kalen gire kwian chegu tañachuge tanre Jesu gerua no giti, ama me ñadu Jesu gbe jiske Jesu gerudu giti.

Marcos 12:28

Kwian gdaite daba tkanga tangle Moisés chadalla giti kledu ne ngwadi Jesu keruchuge geru trage kwian saduceo ulita ole, kaire ama kwian saduceo keruchugu gerule Jesu ole Jesu gbagda jiske Moisés chadalla giti, amage sugedu Jesu jaindunga no trate kwian saduceo kalen saduceo me ñadu gerule dare saduceo chegu kamne jo ngeru, gire kwian fariseo geru kadu Jesuge: —Moisés Chube gerua degu unsuialin tangle, geru e kle degaba che ta gbagda che toidale mine Chube gwa giti, ¿geru e miamne ma kweri geru na ulitage kwian gadale dage?

Marcos 12:32

Kwian daba tkanga tangle Moisés chadalla giti gerudu Jesu ole: —Ba gerudu no trate ulia, ulia Chube gdaitre alin allabi kle, Chube na me kle dale.

Marcos 12:34

Kwian daba tkanga tangle Moisés chadalla giti gerudu ene Jesu gerudu giti ama ole, gire Jesuge sugedu kwian e kledu jainnga ta no ulia ole Jesu kalen, Jesu gerudu ama ole: —Ulia ba kle tañachuge no trate, me sbali gire ba be Chube gai ulia mo Chugagwallale. Ne suiagebi ni kwian gdaite jaindu geru kade dare Jesuge ama kledu age kare diali Jesu gbagda jiske Moisés chadalla giti, sugedu kwian ulitage Jesu ta ole kwian me ñage kirachke Jesudi Jesu gbe jiske geru giti.

Lucas 13:17

Jesu gerudu ene gire kwian ulita bai Jesu dollale amadi nga chiu ibule, kwian na nglea ulita gwage Jesudi nga suga noare kwiandi Jesu giti, kwian e ulita gerudu: —Jesu kle age tanre noare Chube kirallaske che gwa giti.

2 Tesalonicenses 3:14

Daba gweale me cha gerua chada ai giti gbakalin gdadi me ta agekalin cha kle gerule kare, ba bai kle geru chada ai giti gai dage ulia, ba mo lingale siere daba me geru gakalinge, ba me skate amage age ama kle age kare, ene daba e be ibuchie kwian gwa giti me cha gerua gakalin gdale.

1 Timoteo 5:14

Malen cha takalin muinga kle biale me chege ñengulage ama mo jwandale, ene ama kirogwa molen ama kirogwa manade no ama lle boi no mo ullage. Ene kwian me Chube uñe me ñage gerule sidri me no muinga enedi kaire kwian Chubenu ulitadi.

1 Timoteo 6:3

Kwian gweale daba tke tangle geru ngwalege, me chada ai cha degu gerule kare, ama me gerule che geru jun che Chugagwalla Jesucristo gerua kle gerule trate kare, me gerule che geru gau ulia gerule kare.

Tito 3:14

Che ulita Chubenu daba chudaboadale no ulita ene. Kwian Chubenu gwage daba nadi, ulia daba na me lle molen mau alin, kwian Chubenu daba ene chudaboadale. Kwian Chubenu diali age no ene daba na alin ama me kle age ngwale, ama kle age no Chube gwa giti.

1 Pedro 2:12

Ba ulita mo ta gbadale toi no trate Chube takalin kare kwian me Chube uñe gwa giti, ba ulita mo ta gbe toi no ene trate kwian me Chube uñe gwa giti kwian me Chube uñe gerule me no badi ba kwian agenga me no kare agwa ba ulita mo ta gbe toi no kwian eneske diali age no kwian ole, ene bdagli Chube be kwian ene gerudu me no badi ta blite, ene be suge kwiange ba kledu age ulita ngeru no Chube takalin kare gire kwian ene be gerule no Chube giti.

1 Pedro 2:15

Chube takalin ba ulita Chubenu mo ta gbe toi age no diali kwian me Chube gerua uñeske, kwian e gweale ni ta Chube gerua uñakalin, ama tañachuge geru e ngwale, ama gerule geru e dollale. Ba toi age no kwian eneske Chube takalin kare, ene ba kle age no giti kwian e ulita mi ñage gerule dare me no Chube gerua dollale.

1 Pedro 3:16

Ba ulita Cristonu mo ta gbadale toi no trate Chube takalin kare diali, ene be suge trate trate ba tale ba kle age no Chube takalin kare ba me jiske Chube gwage, ene kwian agenga me no ba ole gerule me no badi ba kle age no giti gire be suge kwian na tanrege kwian kle gerule me no badi kle sole, gire bdagli kwian kle gerule ene badi be ibule tanre mi gerule dare me no badi.