Tito 1:4 - Buglere

⁴ Cha chada ai degange ba alin Tito, che boke Chubenu, cha kaire ba Chube gerua gau ulia mo tale, kaire ba cha alin ba salengwli cha kirolla kare. Cha takalin Chube che Ñenua kaire Jesucristo che jwannga siere ji chugege age me no gdale ama age no no ba alin ama ba ta gbe suga no diali.

Tito 1:4 ပူးပေါင်းရင်းမြစ်များ

Lucas 2:11

Cha geru kete ba ulitage, nege ba enusulian oña David unallaske kirogwa no no chku chebia kote, kirogwa e kwian ulita jwannga siere ji chugege kwian agedu me no gdale. Sbali Chube gerudu be ama kage, nege ama chku kwian ulita alin kaire agwe ba ulita alin, ama kada Cristo, ama che Chugagwalla.

Juan 4:42

Kwian Jesu ganga ulita gerudu muinga ole: —Nege cha geru gai ulia ma no Cristo giti me ba gerudu alin allabi gai ulia Cristo giti, agwa nege che ulita agali Cristo keruchugu gerule no Chube giti, nege uñale chege ulia Cristo kwian ulita jwannga siere ji chugege age me no gdale.

Romanos 1:12

Cha mo ta gbu Jesucristo gai ulia, ba ulita kaire mo ta gbu Jesucristo gai ulia, cha ta klekalin ule ba ole e ma no cha alin, ene che kira gai moge ule geru giti, ba cha ta gbe chage ngerugu Jesucristo ole cha ba ulita ta gbe chage ngerugu Jesucristo ole.

2 Corintios 12:18

Cha Tito kagu joge tienda badi, Tito ole cha daba Chubenu na kagu ule kaire. ¿Ba kle tañachuge Tito ba anblitu igi gai mo alin kaire cha alin? Me ene, Tito kaire cha ta salengwli no ba ulita ole, cha kle baske cha age no ba alin cha gerule ulia ba ole, kaire Tito kle baske Tito age no ba alin Tito gerule ulia ba ole.

2 Corintios 2:13

Cha jo chke una Troage cha tañachugu cha daballa Cristo giti kada Tito be skwen chage una ege ene Tito giti geru ba giti be chke uñale chage ba ulita kle mine, agwa Tito me kledu eni bebi chke. Cha kledu una ege cha ta olidu tanre chege tañachuge tanre ba ulita giti, cha tadukalin Tito chke blike geru trage cha ole ba ulita giti, malen cha me chegu manade sbali eni, cha jo siere kwian ulita una emuge, cha jo nga kweri Macedoniage Tito manade ngwange.

2 Corintios 4:13

Kwian unsuialin ta du no Chube ole, ama chada degu talla suge Chube ole giti, chada e gerule: “Cha Chube gai ulia, malen cha gerule no Chube giti kwian ole.” Kwian unsuialin chada degu ene, ama Chube gau ulia, ene kaire cha Chube gerua Jesu giti gai ulia, malen cha kle mo ta gbe gerule no trate Jesu giti kwian ulita ole.

2 Corintios 7:6

Cha kledu tañachuge tanre ene ta olire ole gire Chube cha ta gbu nga suga no ole Chube kle age no diali kare kwian ulita kle ta olire alin, Chube cha ta gbu nga suga no ole Tito giti, Tito chku aini cha kle ngwadi.

2 Corintios 8:16

Chube Tito ta gbu suge salengwli Chube cha ta gbu suge ba ulita giti kare, cha no no ba ulita ole, cha ta ba chudaboakalin suge ma no Chube takalin kare, ene kaire Tito ta suge ba ulita giti. E giti cha gerule no Chube ole Chube Tito ta gbu suge ene ba ulita giti.

2 Corintios 8:23

Kwian gweale baske geru kade bage Tito giti ba gerule Tito cha chudaboanga geru Cristo giti dbe, ama lle boanga cha ole Cristo gerua dbanga ba ulita alin. Kaire kwian gweale baske geru kade bage daba boke kle chage Tito ole giti ba gerule kwian Chubenu nga aimu daba e boke kagu ule Tito ole, daba e boke no no Cristo ole lle boanga Cristo alin kaire.

2 Corintios 8:6

Cha takalin ba ulita age ene kaire mo ta gbe igi lite ole ta no giti kwian Chubenu nga Macedoniamu kle age kare, malen cha gerudu Tito ole noare ama jogeni nakwaite ba ulita kle ngwadi ba ta gbale tachke igi na lite ole, Tito jogeni Tito ñage igi gai ulita ama agedu ngeru kare, ene igi ulita chke kwaitre alin dbadale kwian Chubenu una Jerusalénmu alin.

Gálatas 2:3

Tito kledu cha ole chugagwalla ngwadi, chugagwalla gwagedu Titodi Tito me kwian israelita Tito kwian griego, chugagwalla me ama gbu mo kwara tkangenga sidri kwian israelita suia kle age kare, chugagwallage uñale age ene e ngwale.

Gálatas 3:26

Ba ulita Jesucristo gau ulia mo tale, e giti ba ulita chege Chube oliale.

Gálatas 3:28

Cristo giti ba kwian israelita kwian me israelita, kaire ba kwian lle boanga mo mauña alin kwian lle boanga mo alin agali, kaire ba kwian onbre kwian muire, ulita salengwli, ba ulita Cristonu ba kwian gdaitre alin kare Jesucristo giti.

Efesios 1:2

Cha takalin Chube che Ñenua kaire Jesucristo che Chugagwalla age no no ba ulita toinga una Efesoge alin, Chube kaire Jesucristo ba ulita ta gbe nga suga no ole.

1 Timoteo 1:12

Jesucristo che Chugagwalla diali kira kete chage lle boi ama alin, nga suga noare chadi e giti. Uñale amage cha be lle boi no ama alin, malen ama cha gau ama cha gbu geru amanu trage no diali kwian ulita ole, nga suga noare chadi.

2 Timoteo 1:1

Cha Pablo chada ai degange ba alin Timoteo: Chube tale Chube cha gbu Jesucristo gerua ketangale, sbali Chube gerudu Jesucristo alin giti allabi kwian ñage toi chui tangle diali Chube ole, malen Chube cha gbu geru e trage kwian ole.

2 Timoteo 1:2

Timoteo, ba cha kirolla kare Jesucristo giti, cha noare ba ole, cha takalin Chube che Ñenua kaire Jesucristo che Chugagwalla age no ba alin tai dage bage ba ta gbe suga no diali, cha takalin ba toi Jesucristo talla ole diali.

2 Timoteo 4:10

Demas me ta boikalin daga ngwale cha ole ule, ama cha chugu ngwadi sugekare, ama jo una Tesalónicage lle na boi mau alin ama takalin kare. Crescente jo nga kweri Galaciage, Tito jo nga kweri Dalmaciage,

Tito 1:3

Chube gerudu ngeru chku uñale chege chui gwealege Chube chui gbu kare. Chube che jwannga siere ama tale ama cha gau, ama mo gerua ketu chage gire ama cha kagu ama gerua trage kwian ole ulita.

Tito 2:13

Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.

2 Pedro 1:1

Cha Simón-Pedro chada ai dege ba kwian Chubenu ulita alin: Cha lle boanga Jesucristo alin, cha Jesucristo gerua ketanga, cha chada ai dege ba ulita nu Jesucristo gaba ulia mo tale alin cha kle Jesucristo gai ulia kare, e no no ene mo ta gbe diali Jesucristo gai ulia. Che Chubea kaire che jwannga siere Jesucristo no no trate, ama agedu no che ulita alin, ama ba ulita ta gbu ama cha ta gbu kare, ene ba ulita ama gau ulia cha ama gau ulia kare.

2 Pedro 1:11

Ba age ene ulita nga dba ai giti, gire chui bdaglige nga no no be kle ba alin ba gangwa ngwange Chube kaire che Chugagwalla che jwannga siere Jesucristo kle ngwadige, ba be toi diali chui tangle nga ege Chube ole Jesucristo ole.

2 Pedro 2:20

Agwa kwian nu Jesucristo gaba mo Chugagwallale mo jwanngale siere ji chugege age me no gdale, Jesucristo giti kwian ene nu jogeba siere talla ulita age me noge, nga dba ai giti kwian ene ulita bai kaire mo ta bliteni naskuni age me no diali mo chuge ngwadi age talla me no kle ama kage age kare, kwian ene chege mo ta gbe age ma me no dare ngeru bebi Jesucristo gai uliage.

2 Pedro 3:18

Ba ulita gdaite gdaite mo ta gbadale Jesucristo che Chugagwalla che jwannga siere uñe ma no diali chui kaire kaire, ene Jesucristo ba ta gbe suge ma ngle diali Jesucristo no ba ole Jesucristo age no ba alin. Jesucristo che Chugagwalla kweri no no, ama giti che ulita gerudale no nege dale kaire diali chui tangle. Ene nobi. Geru ai ene ulita cha Simón-Pedro chada degu ba kwian Chubenu ulita alin. Che kle meni.

2 Pedro 3:2

Unsuialin kwian tanre Chube gerua ketanga gerudu trate Jesucristo be boi giti, ba geru e ulita uñe, cha takalin ba ulita tachke geru e giti. Kaire cha takalin ba ulita tachke geru giti kwian Jesucristo gerua ketanga ba tku tangle ama geru Jesucristonu ketu bage kare, Jesucristo che Chugagwalla che jwannga siere ama ulita gbu geru ulia ama giti kete kwiange, ba mo ta gbale diali chege geru uliadi, ene ba mi mo ta blite.

1 Juan 5:14

Che ta kle ule Chube ole che ta kle biale age ulita Chube takalin kare gire che kle mo ta gbe gerule Chube ole lle gweale giti, sugedale chege ulia Chube be che keruchuge ama be age che alin be che chudaboi ulita che kle kade amage kare.

Judas 1:3

Ba cha bitalla muirenu onbrenu Jesucristo giti, cha no ba ulita ole, cha ta chada degakalin ba ulita alin Jesucristo agedu giti ba ulita alin kaire cha alin, Jesucristo giti che ulita tiun gitiru ji chugege che age me no gdale. Cha ta chada degakalin e giti ba ulita alin agwa suge chage ma no cha gerule ba ole chada ai giti ba ulita mo ta gbadale kiraske diali geru Jesucristo gitidi. Ba ulita mo ta gbu geru e gai no gwangea ba mo ta gbadale no gwangerugu, ba me mo ta blite. Chube agali geru ulia Jesucristo giti ketu kwian amanuge tragadale kwian na ole, geru e amaña chku uñale bage, geru e me jwlite, geru e chege diali kwian ulita chudalla alin.