Tito 1:11 - Buglere

¹¹ Kwian gerunga geru ulia dollale, ama kle age me no, ba me ama chuge ngwadi daba tke tangle dare geru ngwalege. Ama kwian u gbaite tke tangle geru ngwalege gire kwian ulita geru ngwale gai ulia gire kwian ulita u ege joge siere geru uliage. Kwian daba tkanga tangle age kwian tanre ole ene u kaire kairege, ama tañachuge kwian tke tangle ene geru ngwalege ene ama igi gai ngle tke tangle geru ngwale ñanale.

Tito 1:11 ပူးပေါင်းရင်းမြစ်များ

Mateo 23:13

Jesu gerudu ene ulita kwian geru jwannga amage ole, gire Jesu mo ta gbu gerule kwian daba tkanga tangle Moisés chadalla giti ulita gwale kaire kwian fariseo ulita gwale, Jesu gerudu: —Ba kwian daba tkanga tangle Moisés chadalla giti kaire ba kwian fariseo, cha gerule ba ulita ole, ba ulita be ji chuge tirare bdagli ba kle age giti, ba kle gerule nganake ba kle age nganake. Ba kate ba kle gerule ba kle Chube gerua gai ulia ba kle Chube gai mo Chugagwallale, agwa ba tale ba me kle Chube gerua gai ulia ba me kle Chube gai mo Chugagwallale, malen ba me Chube uñe ba me Chubenu. Kwian na tanre ta Chube gerua uñakalin no trate ba giti agwa ba me takalin kwian e Chube gerua gai ulia mo alin ba me takalin ama Chube gai mo Chugagwallale, malen ba me kle ama chudaboi Chube gerua ulia uñe ba me kle ama tke tangle trate geru uliage. Age ene gdale ba ulita be ji chuge tanre bdagli.

Lucas 20:40

Chui ege gwangerugu kwian saduceo ulita me su geru kade dare Jesuge.

Juan 10:12

Agwa kwian lle boanga oveja mauña alin, kwian ene tañachuge igi alin gai oveja mauñage oveja manade giti, ama gwage oveja dolla gudedi chie oveja gitigu oveja gadale gire ama kige gude ngeru oveja jige gballa, kwian ene me oveja mananga ulia, ama kle tañachuge oveja me amanu ma no ama alin oveja chuge ngwadi dolla gudege. Ama age ene oveja ulita ole gire gude ñage chke ovejadi oveja gweda gute, oveja kige gdaite gdaite gballa bate gire oveja ulita jogenga gballa.

Romanos 3:19

Chube gerua degaba unsuialin gerule ene kwian ulita giti, geru e jo degaba che kwian israelita ulita alin, geru e giti chke uñale che kwian israelitage kwian israelita me israelita ulita agenga me no, ulita jiske Chube gwage, ene ni kwian gdaite ñage gerule: “Cha me agenga me no, cha me jiske Chube gwage.” Ulia kwian ulita agenga me no, kwian ulita jiske Chube gwage.

2 Corintios 11:10

Cha Cristo gai ulia, Cristo talla kle cha tale malen cha kle mo ta dbe gerule ulia diali, cha gerule ulia ba ulita ole cha mi igi kade dale mo alin ba daba Chubenu ulitage nga kweri Acayamu, e giti nga suga no chadi geru dbe giti ba ulitaske.

1 Timoteo 5:13

Ñage boi ene kaire muinga kle biale me chege ñengulage ñage kianchienga, ama chui chuge chagenga alin, kaire chui chuge ngwale gerule dabadi daba na ole, ama takalin kwian ulita kle boi chke uñale amage, geru mau me tragale ama geru trage daba na ole.

1 Timoteo 5:4

Muinga gweale me chege ñengulage, ama chege kirollage bdadallage, kirolla ñage mo chebia chudaboi kaire bdadalla ñage mo sulian chudaboi, kirolla kaire bdadalla me ñage chudaboi kade kwian nage mo chebia alin mo sulian alin. Chebia, sulian ama manadu no ulita jo juma, malen kirolla mo chebia chudaboadale bdadalla mo sulian chudaboadale, Chube gwage age ene e ulita no, Chubedi nga suga no kwian age ene mo bitalla alin.

1 Timoteo 6:5

Kwian ene ta me no, ama me ñage tañachuge no trate malen diali ama kira bate geru ngwale giti, ama me Chube gerua Jesucristo giti gai ulia. Kaire ama gerule kle kwian tke tangle ulia Chube geruage, agwa ulia me ene, ama tañachuge nganake, ama tañachuge mo tale: “Noare cha kwian tke tangle Chube giti, kwian tke tangle ñanale cha igi gai no.” Kwian ta enege ba jogedale siere.

2 Timoteo 2:18

ama me kle daba tke tangle geru uliage, ama kle gerule Chube be jaba gbeni gwade chuia jo tangle. Himeneo kaire Fileto me kle geru ulia kete dabage, ama daba gweale ta gbe tañachuge nganake, me uñale dabage geru bai ulia.

2 Timoteo 3:6

Kwian e gweale chage uge uge geru ngwale dbe muinga me ta molenge, muinga skate amage gwa uge kaire kaire, ama muinga anblite geru ngwaledi, muinga e agenga tanre me no, muinga tañachuge diali age me no.

Tito 1:7

Kwian Chubenu chugagwalla, ama kwian lle boanga Chube alin, malen noare kwian ene chage trate no kwian ulita gwa giti. Ama me mo gbadale ma no ma kweri daba nage. Ama me kwian ta skochienga. Ama mo ta gbe me lle gage janga me chage llale. Ama me kira batanga daba ole. Ama me tañachugadale igi gai lle giti ngwale daba ngeru.

Tito 1:9

Ama geru jwandale no geru uliage, ama mo ta gbadale geru e ulia gai diali, ene ama ñage kwian ulita tke tangle ñage kwian kira gbe geru uliage, kaire ñage gerule no kwian ole kwian bai kle gerule me no geru ulia dollale ene kwian gerule geru ulia dollale me ñage gerule dare. Ba kwian ene kare ulita gai gbe daba Chubenu ulita chugagwallale una kaire kairege nga Cretage.

Tito 3:10

Kwian Chubenu mneiteske kwian gweale ta daba tkakalin tangle geru ngwalege me gerule geru ulia gerule kare, gire kwian Chubenu ulita ta me chage salengwli, bonga be chage gdaite nate bonga be chage gdaite na nate. Ba kwian daba tkanga tangle ene kade, ba gerudale no no ama ole bitaite ama me ñage daba tke tangle geru ngwalege, ama me ba kerua gbe gdadi gire ba gerule no no nabitaite ama ole, ama me age ba gerule kare ba ama kage siere kwian Chubenu ulitage.