Santiago 5:9 - Buglere

⁹ Kaire cha gerule ba ulita ole, ba me ñage mo jwannge giti dabage ongoru ongoru daba na kle age giti ba ole, ene ba giti mi jogeba ji gbaba. Ulia me sbali Chube be gerule kwian ulita giti kwian bai jiske kwian bai me jiske, ama bebi ji gbe kwian giti kwian agedu me no gdale.

Santiago 5:9 ပူးပေါင်းရင်းမြစ်များ

Mateo 24:33

Ene kaire ba be gwage lle tanredi boi ulita cha gerudu kare ba ole sbaliga gire chkedale uñale bage cha be chieni chuia kle kodi kodi, me sbali gire cha be chieni.

Marcos 13:29

Ene kaire ba be gwage lle tanredi boi ulita cha gerudu kare ba ole sbaliga gire chkedale uñale bage cha be chieni chuia kle kodi kodi, me sbali gire cha be chieni.

1 Corintios 10:11

Boidu ene ulita che enusulian ole unsuialin, e jo degaba che alin che kle toi nege tangle chui bdagli ngnagu alin, ene chke uñale che ulitage chada jo degaba boidu ene enusulian oña ole giti, sugedale chege che me mo ta gbadale age che enusulian unsuialin agedu kare.

1 Corintios 4:5

Cristo alinge uñale trate kwian lle boanga Chube alin talla mine, Cristo alin ñage gerule trate kwian ene ulita kle age giti kwian kle lle boi no Chube alin o me kle lle boi no, ni kwian gdaite ñage gerule trate daba na giti kle lle boi no Chube alin o me kle lle boi no. Malen cha gerule ba ulita ole, ba me gerudale cha ulita lle boanga Chube alin giti blike kle lle boi no o me kle lle boi no Chube alin, ba manadale, nege cha ulita lle boanga Chube alin talla ulita kle skwlenre bage agwa che Chugagwalla Cristo chieni chuiage kwian lle boanga ulita talla ulita be chke uñale nate, chui ege Cristo be gerule trate ulita kwian lle boanga Chube alin ulita giti bai lle bo no Chube alin bai me lle bo no Chube alin, chui ege Chube be gerule no no lle boanga no ulita ole lle boanga lle bo no ama alin giti.

Gálatas 5:14

Chube gerua degaba unsuialin gerule: “Ba mo ta dbadale no daba na ulita ole salengwli ba no mo ole naskuni kare.” Geru e ma kweri che alin Chube gerua degaba na ulitage. Ba age no ene daba na ole ba mo ta gbe age mo ole kare, gire ba kle age ulita Chube gerua ulita kle gerule kare.

Santiago 4:11

Cha bitalla ulita Jesucristo giti, cha gerule ba ole, ba me gerudale modi me no ongoru ongoru. Kwian bai kaire kle gerule me no dabadi kaire kle daba gbe jiske gweale daba nage, ama kle age ene kle age me no Chube gerua dollale. Chube gerua kle gerule che nodale daba ole ulita, agwa che geru e gai geru ngwale kare gire ene che kle age me no geru e dollale. Ma no mo ta gbe Chube gerua gai dage ulia age diali ulita geru e kle gerule kare.

Santiago 4:12

Chube alin allabi geru jigu gbaba kwian ulita alin kwian toidale mine, kaire ene agwe Chube alin allabi ñage gerule kwian ulita giti kwian bai jiske kwian bai me jiske. Chube alin ñage kwian jwen siere ji chugege age me no gdale, kaire ama alin ñage kwian gbe ji chuge tirare kwian age me no giti. Agwa cha geru kade ba ulitage, ¿chema ba gbu daba gbanga jiske? Ba me mo ta gbale daba gbe jiske dare gerule me no dabadi ngwale.

Santiago 5:10

Daba Chubenu, ba mo ta gbadale tañachuge kwian Chube gerua ketanga unsuialin giti, ama boidu tanre daga ngwale Chube gerua kete kwiange gdale gire ama jagedu ta no ole me skwatigu boi daga ngwale agwa ama diali mo ta gbu nga suga no ole.

Santiago 5:7

Cha bitalla ulita Jesucristo giti, cha gerule ba ole, ba gbakle boi tanre daga ngwale gire ba mo ta gbadale jage ta no ole ba kle boi daga ngwalege me skwatige me skochie, ba manadale ta ngwedi ole eruda taleda che Chugagwalla Jesucristo be chieni chuia manade ngwange. Ba Jesucristo manadale ngwange salengwli kwian kle chude skie kle chude skute chuiage manade ngwange kare. Kwian kle nga bate chude ngama alin kle chude skie, gire ama kle noi chuia manade ngwange ta no ole tañachuge ama be chude no jwen gudegu tanre chude skute suialege.

1 Pedro 4:5

Kwian ene ulita agenga me no diali, chui bdaglige Cristo be kle biale ji gbe ama ulita alin ama agedu me no giti, chui ege kwian e be kle Cristo gwa giti be suge trate trate kwian ege ama jiske agedu giti ulita, chui bdaglige Cristo be ji gbe kwian gwade alin kaire kwian jaba chkeni gwade alin. Ba me talladale kwian ene ngeru, ba ama chugale ngwadi Cristoge, Cristo alin ñage ji gbe kwian ene agenga me no ulita alin.

1 Pedro 4:9

Ba ulita Chubenu ba daba basanga Chubenu na gadale ngwange no mo ullage ta no giti, ba ulita agedale ene modi ongoru ongoru, ba daba ulladale, kaire ba gbengwa ketadale gbegda daba alin, ba me gerule sidri me no daba basanga Chubenu gdaite ole u gdale bligda gdale.

Apocalipsis 3:20

Cha diali kle kwian keru manade, cha takalin kwian Chubenu ulita mo ta gbe ule cha ole diali. Kwian Chubenu bai kle mo ta dbe bate chage, cha takalin kwian ene mo ta bliteni naskuni cha ole, ene cha chege kwian e ole, kwian e talla chege cha ole kaire cha talla chege kwian e ole.