Santiago 4:5 - Buglere

⁵ Ba tañachugadale Chube gerua degaba unsuialin giti, geru e me kle degaba ngwale, geru e che ta gbe ulia, chada e gerule: “Chube mo Oña gbu toi che tale, Chube Oña e no che ole, ama me takalin che age ama dollale, ama takalin che mo ta gbe no ulia ama ole.”

Santiago 4:5 ပူးပေါင်းရင်းမြစ်များ

Juan 19:37

Chube gerua degaba amaña na gerule Jesu giti: “Kwian ama dagangu kwian na ule ulita ole be gwage ama jo dagabadi.”

Juan 7:42

Chube gerua degaba unsuialin gerule Cristo giti Cristo be chie chugagwalla rey David oña oindallaske una Belénge David toidu ngwadi unsuialin.

Hechos 7:9

’Jacob kirolla ulita gdataboko giti gdaboke e ulita che enusulian unsuialin. Jacob ma no mo kirolla José ole kirolla na ulita olege, e giti José daballa ulita semadu José ole. Malen José daballa ulita José chbadu kwiange kwian e José du nga Egiptoge, kwian José chbadu kwian nga Egiptomuge, José daballa agedu ene José ole, agwa Chube kledu José ole José manade,

Romanos 1:29

Kwian ene ulita agenga tanre daga ngwale me no ai kare: Muire onbre mo chuge ke giti. Kwian chage ta me no ole age me no diali. Kwian mo ta dbe lle tanre gai mau alin. Kwian mo ta gbe age tanre me no daba dollale. Kwian takalin lle dabanuge mau alin. Kwian daba gwangada. Kwian mo ta dbe kira bate daba na ulita ole diali. Kwian daba anblitanga agedale me no daba ole. Kwian me tañachuge no ni sidri. Kwian geru jinanga ngwale dabadi daba na ulita ole.

Romanos 9:17

Chube ñage age kwian ole Chube takalin kare, kwian bai kairege Chube takalin Chube tai dage kwian enege. Kaire kwian mo chuga gbe mno Chubege, Chube takalin Chube kwian ene chuga gbe ma mno me jain age no Chube takalin kare. Boidu ene unsuialin kwian nga Egiptomu chugagwalla kada Faraón ole, Chube gerua degaba unsuialin gerule e giti, chada e gerule: “Chube gerudu Faraón ole: ‘Ba kle age cha dollale, e gdale cha ñage ba gweda agwa cha ba jige kwian Egiptomu chugagwallale, ene ba age cha dollale giti cha age mo kirallaske ba ole, ene ulita boi ba ole giti chkedale uñale kwian nga ulitage ulia cha Chube kira molen tanre.’ ” Chube gerua degaba unsuialin gerule ene.

1 Corintios 6:19

¿Me uñale ba ulita Chubenuge ba jegwale kaire ba talla u kare Chube Oña alin? Chube mo Oña ketu bage toi ba ulita tale, ba mo jegwale mo talla manadale no trate Chube Oña alin. Jesucristo giti ba Chubenu, ba me mo mauña agali,

2 Corintios 6:16

Lle oña dodaba mo kodi kwian kle gai mo chubeale, ¿lle oña e talla tañachuge mine ule kwian talla ole? Lle oña e jaba, che talla me ñage tañachuge ule e ole. Che Cristo ganga ulia me kle lle oña jaba gai mo chubeale, che talla Chube gwadenu, che talla Chube gwade toingwalla, Chube gerua degaba unsuialin gerule e giti, chada e gerule: “Chube gerudu: ‘Kwian bai kaire cha gai dage, cha be toi kwian ene tale diali, baini kaire ama joge ngwadi cha be kle ama ole, cha ama Chubea, ama kwian chanu.’

Gálatas 3:8

Uñadu ngeru ulita Chubege ama be age mine kwian ulita alin, Chube gerua degaba unsuialin gerule e giti. Chada e gerule kwian ulita me israelita bai kaire be Chube alin gai ulia mo tale kwian ene be chege trate Chube gwage, Chube be kwian ene jwen siere ji chugege kwian agedu me no gdale. Chube gerudu Abraham ole Chube be age giti kwian ulita alin, Chube gerudu: “Kwian ulita kle toi nga dba dbi ai giti batre cha be age no ama alin ba giti.” Chube gerua degaba unsuialin gerule ene.

Tito 3:3

Che kaire ngeru kwian me no, che agedu tanre me no malen Chube gerua me sugedu chege, che me Chube gerua gau dage, che geru ngwale gau dage. Diali che tadu agekalin che takalin kare, diali che tadu agekalin ulita me no kwian me Chube uñe kle age kare, che tañachugu age ene giti nga be suga noare chedi chui tangle. Che toidu age me no daba ole daba gbale boi daga ngwale. Daba na lle no no molen, che tadu lle kaire gakalin mau alin. Che jainchku daba nadi ulita, kaire ama ulita jainchku chedi.