Santiago 3:9 - Buglere

⁹ Che kwira giti che kle gerule no che Ñenua Chube che Chugagwalla giti kaire che kle mo gate ama giti. Agwa kaire che kwira e amaña giti che kle gerule me no dabadi, ni che kle tañachuge Chube kwian ulita dodadu mau kare, gire che kle gerule me no kwian edige.

Santiago 3:9 ပူးပေါင်းရင်းမြစ်များ

Mateo 26:74

Pedro kwian keruchugu gerule ene gire ama ta skochiu tanre e gdale, ama gerudu: —Cha gerule ulia ulia ba ulita ole Chube gwa giti, cha me kwian onbre e ba kle gerule giti uñe. Cha me kle gerule ulia ba ole, gire ene Chube ñage cha gbe ji chuge tanre e gdale. Pedro gerudu ene gire sugetibi allabi antalan ngwanedu,

Mateo 5:44

Agwa cha gerule ba ole, ba mo ta dbadale no ba dolla ole kaire. Kwian kle ba oña boi me no, kwian ene ole ba gerudale: “Cha takalin Chube age no ba alin.” Kwian kle jainchke badi, kwian ene alin ba agedale no. Kwian kle ba ta gbe olire kle gerule me no badi kle kira bate ba ole, kwian ene giti ba gerudale Chube ole.

Hechos 2:26

Malen diali cha tale nga suga noare kaire cha mo gate tanre no Chube giti nga suga noare ole, uñale chage Chube be cha manade no.

Romanos 3:14

Kwian ta skochie tanre, ta skochie ole ama daba oña boi tanre me no.

1 Corintios 11:7

Ngeru Chube onbre dodadu salengwli mo kare, Chube me muinga dodadu ngeru, onbre giti Chube muinga dodadu, ene onbre chegu muinga chugagwallale, malen onbre gerudale Chube ole chuga ngwale mo litangwa Chube geruadi ngwadi, muinga onbre gadale dage malen me ñage gerule Chube ole chuga ngwale mo litangwa Chube geruadi ngwadi. Chube onbre dodadu salengwli mo kare, Chube onbre chugagwalla onbre Chube gadale dage. Muinga gda gweale me jo dodaba onbrere, agwa onbre gda gweale jo dodaba muingale, onbre giti Chube muinga dodadu, malen onbre muinga chugagwalla muinga onbre gadale dage.

Efesios 1:3

Che Jesucristo gau ulia mo Chugagwallale gire Chube Jesucristo Ñenua diali age tanre no che ulita alin, e giti nga suga noare chadi gerule no Chube ole, cha gerule no ama ole ene: “Chube toinga nga ngaña giti, ba noare ulia, ba kweri, ba diali age no cha ulita Jesucristo gerua gaba ulia alin.” Che gerudale no Chube ole ene. Ulia Jesucristo giti Chube ageba no tanre che alin.

Santiago 1:27

Che agekalin no trate ulia Chube che Ñenua gwa giti, che agedale ai kare: Kirogwa oli chegeba che ama chudaboadale kaire muinga chegeba oli mo ñengulallage che muinga ene chudaboadale. Che kwian oli ulita chudaboale ta giti ama manadale no, kwian ai kare ulita kle boi daga ngwale che kwian ene ta gbale nga suga no ole ama chudaboi diali ta no ole. Kaire che agali chagedale ta giti nga dba ai giti, che mo manadale no trate me age me no ni sidri kwian me Chubenu kle age me no kare. Che ta agekalin diali Chube takalin kare, gire ene che agedale chada ai kle degaba gerule kare.

Santiago 3:10

Che kle gerule no Chube giti kaire agwe che kle gerule me no daba nadi ama oña tke daga ngwale me no. Ba cha bitalla Jesucristo giti, cha gerule ba ole, che kwian Chubenu me gerudale ene ai kare dabadi, e me no me no Chube gwa giti.

1 Pedro 1:3

Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.