Santiago 1:9 - Buglere

⁹ Cha gerule ulia ba cha bitalla Jesucristo giti ole, kwian ulita bai kaire me lle molen daba na lle tanre molen kare, kwian ene ulita me mo ta gbale olire ama me lle molen giti, sugedale amage Jesucristo giti Chube kle age no ama alin negege tangle ama kle boi daga ngwaleske Chube ama chudaboi kaire chui bdaglige ama be kle Chube ole chui tangle dale Chube be age no ama alin. Chube gwa giti kwian ene ñanaske tanre, malen e giti kwian ene mo ta gbale toi nga suga no ole diali.

Santiago 1:9 ပူးပေါင်းရင်းမြစ်များ

Lucas 1:52

Kwian chugagwalla nga dba ai giti daba ulita kage age chugagwalla takalin kare, Chube kwian chugagwalla ene gbu kwian ngwale kare, ene kwian e me ñage daba kage dare. Kwian ngwale kwian ulitaske Chube kwian ene gbu daba chugagwallale.

Lucas 10:20

Ba ñage kirachke dolla ulitadi, agwa e giti ba me nga dbe suga no, ma no ba nga dbadale suga no mo kalla giti kle degaba nga ngaña giti Chube kle ngwadi.

Lucas 14:11

E kare ene kwian baige suge kweri mo tale kaire mo gbe no kweri kwian na gwa giti, Chube gwage kwian ene me kweri, ama ngwale ama soli. Agwa kwian baige suge soli mo tale kaire mo gbe kwian na chudaboangale, Chube gwage kwian ene kweri.

Lucas 9:48

Jesu gerudu kwian geru jwannga ulita ole: —Kwian bai kaire no cha ole ulia, kwian ene kle kirogwa ai kare gai ngwange no kle age no ama alin, kwian age ene me kle kirogwa alin allabi gai ngwange no, kaire ama kle cha gai ngwange no kle age no cha agali alin kare. Ene kaire kwian bai kaire cha gai ngwange no, kwian ene kle Chube cha kaganga nga dba ai giti gai ngwange no kaire. Kwian kle baske aini nga dba ai giti bai mo gbe soli daba na chudaboangale, kwian ene kweri Chube gwage —Jesu gerudu ene kwian geru jwannga amage ulita ole.

Romanos 8:17

Che Chube olia, malen Chube age no che alin Chube age no mo Kirolla Cristo alin kare, Cristo kle toi nga ngaña giti Chube kle ngwadi, kaire bdagli che ulita Chube olia be toi diali chui tangle Cristo ole nga ngaña giti Chube kle ngwadi. Cristo boidu tanre daga ngwale nga dba ai giti, che kaire boi daga ngwale nga dba ai giti Cristo gerua giti, che me talladale, bdagli che be kle ule Cristo ole nga ngaña giti, Chube be gerule no che giti Chube gerule no mo Kirolla Cristo giti kare.

2 Corintios 6:10

Cha tañachuge boi daga ngwale alin giti cha ta chege olire agwa eske cha tañachuge Jesucristo giti chadi nga suga no mo tale diali geru dbe giti. Cha me lle molen ketadale kwiange agwa geru kete giti ene kwian tanre geru ulia gai mo alin, e no. Cha me lle molen sidri mo alin nga dba ai giti agwa cha Jesucristo uñe, cha alin Jesucristo ma no ulitage.

Filipenses 3:14

Jesucristo alin cha ta lle boakalin no nga dba ai giti, ene nga ngaña giti bdagli Chube be age no cha alin be lle noare kete chage cha lle bo no nga dba ai giti ñanale.

Filipenses 3:3

Che ulia Chubenu, che gerule noare Chube ole, kaire nga suga noare chedi Jesucristo giti, Chube Oña kle che ta gbe che gerudale noare diali Chube alin ole. Che me tañachuge mo kwara giti che mo kwara tkangenga o me, e ngwale giti tangle me uñale ulia ta kle Chube ole o me.

1 Pedro 2:9

Agwa ba ulita Jesucristo gau ulia, Chube ba gau mo alin, ba Chube olia, Chube ba gau lle boangale Chugagwalla Jesucristo alin, Chube ba gau toidale no trate mo gwa giti, Chube ba gau mo alin Jesucristo giti, ba Chubenu ulia. Ngeru ba me Jesucristo uñu ba chagedu nga jereske kare, ba chagedu age me no sugekare Chubege, ba kledu ene gire Chube ba ta gbu suge Jesucristo giti salengwli jichra kle kwian gbe ten nga jereske kare, Jesucristo giti Chube ba ta blitu joge siere age me noge. Chube agedu no no ene Jesucristo giti ba alin, ama agedu ulita no ba alin ba tragadale kwian na ole.

Apocalipsis 2:9

cha gerule: Chage uñale ba kle boi daga ngwale tanre cha gerua gai gdale kaire uñale chage ba me lle molen nga dba ai giti agwa ulia ba lle no no ole cha giti, Chube agedu no no ba alin cha giti. Uñale chage kwian kle gerule me no badige, kwian e kle gerule ama kwian israelita malen ama Chubenu, agwa ama kle sole ngwale, ulia ama kwian israelita agwa ama che dolla Satanánu.