Santiago 1:6 - Buglere

⁶ Ba kle chudaboi kade Chubege, ba e kadadale ta giti, ba mo ta gbadale suge ulia Chube be ba chudaboi be lle kete bage ba kle lle kadege kare, agwa ba me tañachugadale Chubedi mo tale: “Cha kle lle kade Chubege agwa me uñale chage Chube be age cha alin o me.” Ba me tañachugadale ene, ba me mo ta gbe tañachuge gwangerugu gwanaskuda ba lle kade giti Chubege. Cha gerule ulia ba ole, kwian bai kaire kle lle kade Chubege me mo ta gbe ta gbaitre alin ole, kwian ene salengwli mleuda kle ble chuga dbe chite ongoru ongoru kare.

Santiago 1:6 ပူးပေါင်းရင်းမြစ်များ

Mateo 14:28

Jesu gerudu ene gire Pedro gerudu Jesu ole: —Cha Chugagwalla, ulia ba amaña kle chage, ba cha gbe chage seradi kaire chiga giti joge ba ngnagu.

Hechos 10:20

Ba mo gbe biale, joga dbigu, ba jogedale kwian kle chage ba jinade nate ole, ba me mo ta dbe chkenga joge ama ole. Cha Cornelio ta gbu kwian gdamai e kage ba jwen, nege ba jogedale Cornelio ngwadi kwian e ole.”

Efesios 4:14

Che kle mo ta gbe ulia ulia Cristo geruadi ene che mi chege kirogwa soli anblitakle ngwale kare lle gweale giti. Kwian tanre kle chage geru me ulia ngwale trage kwian ulita ole kle kwian anblite geru ngwaledi. Agwa che bai kle mo ta gbe ulia ulia Cristo geruadi, che mi mo chuge ngwadi mo anblitange kwian ege geru ngwale giti, che mi geru ngwale gai ulia.

1 Timoteo 2:8

Kwian nga ulitage bai nu Chube gerua Jesucristo giti gaba ulia nga bainige kaire kle mo lite geru trage Chube giti, kwian onbre kwian muire kle mo lite ene Chube geruadi cha takalin kwian onbre ulita gerudale ta no trate giti Chube ole, me gerule ta skole dabadi ole, me gerule tañachuge me no dabadi ka boi me no daba ole.

Hebreos 10:23

Sugedale chege Chube mi geru blite nganake, Chube gerudu kare Chube be age ulita che alin Jesucristo giti. Malen che mo ta gbadale Chube gerua Jesucristo giti gai ulia kiraske gwangerugu che geru gau kare tañachuge diali Chube be age no che alin giti ama gerudu kare che ole.

Hebreos 11:6

Ulia che takalin chege no trate Chube gwa giti che ta Chube ta gbakalin nga suga no ole che giti gire ene che mo ta gbadale no Chube ole age ulita ama takalin kare. Che ulitage sugedale Chube kle ulia, Chube agenga no ulita, kaire sugedale chege Chube be che chudaboi che ulita bai kaire chudaboi kade amage, Chube be age no che alin.

Hebreos 13:9

Ba me mo chugale ngwadi anblitange geru tanre ngwalege, ba mo ta gbadale kiraske Jesucristo gerua gai gwangerugu, ba me mo ta blitadale joge siere geru uliage. Chube no no che ole kaire ama kle age no diali che alin, malen che ñage kira gai amage toi no ulita ama takalin kare. Ma no che mo ta gbe kiraske tañachuge Jesucristo giti Chube agedu no che alin giti agwa me tañachuge age diali geru kledu gbaba unsuialin tangle che enusulian oña israelita alin bligda giti gerule kare. Geru e bligda giti chegu ngwale, age geru e kle gerule kare me kle che ta gbe trate Chube gwa giti, geru e giti che me kira gai toi no Chube takalin kare.

Santiago 1:7

Kwian bai kaire ta salengwli cha kle gerule ble giti kare, kwian ene diali kle tañachuge nege dale nganake suialin dale nganake diali kle mo ta blite. Kwian me kle mo ta gbe tañachuge lle gdaitre alin giti allabi, kwian e me kle Chube gerua gai ulia ama me kle mo ta gbe Chubege age Chube takalin kare. Ulia ulia kwian e alin Chube me age no, Chube me kwian chudaboi kwian kle tañachuge ta gbaboke kbiale tañachuge gwangerugu tañachuge gwanaskuda giti.

Santiago 5:15

Kwian Chubenu chugagwalla e mo ta gbe ulia Chube ole Chube ñage daba oga dodade, kwian Chubenu chugagwalla e mo ta gbe gerule no Chube ole ta giti, gire ama mo ta gbu Chube ole giti daba oga be joge chkeni noni. Chube ñage daba oga gbeni noni trate, kaire daba nu ageba me no Chube be ama agedu me no talla mlienga Chube mi tañachuge dare daba oga agedu me no giti, Chube daba oga ene dodade.

2 Pedro 2:17

Kwian ene ulita chi gwagwa ulen kare, kwian sie ole joge chi gwagwage chi jadale agwa chi gwagwa skwen ulen amage ama me ñage chi gwagwa ulen jai sie ole, chi me, ene kaire kwian daba tkanga tangle geru ngwalege me ñage kwian na ta gbe suge no. Kwian daba tkanga tangle geru ngwalege kaire salengwli bogakwa kle gwaluge noi ngwange noi gbale boi agwa noi me boi, mleuda bogakwa e dbe gire noi me boi, ene kaire kwian daba tkanga tangle geru ngwalege, ama kle gerule be age gire mo ta blite nganake ama gerule kare. Kwian daba tkanga tangle ene me ñage age no ni ñage daba chudaboi, nga dbigu giti nga jere jere, nga ege ji chuge kweri kle biale kwian ene ulita alin.