Romanos 8:8 - Buglere

⁸ Kwian ene diali talla age me no ole toi ama takalin kare, kwian ene me ñage age no Chube takalin kare, ta me suga no Chubedi kwian ene giti.

Romanos 8:8 ပူးပေါင်းရင်းမြစ်များ

Romanos 7:5

Ngeru che me Cristonu, che ene gire che ulita mo ta du age me no tanre diali che takalin kare, Moisés chadalla me che chudabo age no, Moisés chadalla gerudu che ole che me agedale me no, agwa che mo ta gbu age me no chada e dollale, che agedu ene giti che chegu sugekare Chubege.

Romanos 8:9

Agwa ba ulita me kle toi mo ta gbe age me no ngeru kare, nege ba ulita kle mo ta gbe age Chube takalin kare, Chube Oña kle ba ta gbe age no, Chube Oña kle toi ulia ba tale ba Cristonu. Chube Oña me kle kwian tale kwian me Cristonu.

Colosenses 1:10

Cha takalin Chube ba ta gbe suge no ene, ene ba be ñage toi no kwian na gwa giti ba Chugagwalla Jesucristo takalin kwian amanu toi kare, ba toi no ene gire Chubedi nga be suga noare, ba ulita kle age ama takalin kare. Chube ba ta gbe toi ama takalin kare ene ba be age no daba na ulita alin lle ulita giti diali kaire ba be Chube uñe ma no chui kaire kairege ba ta be chke ma ngle Chubedi.

Juan 3:3

Jesu gerudu Nicodemo ole: —Cha gerule ulia ulia ba ole, kwian me menga nabitaite me ñage joge Chube ngwadi, kwian ene me Chubenu.

1 Juan 3:22

Ulia che Chubenu ulita kle Chube gerua Chube gbu che alin gai ulia, kaire che kle age ulita ama takalin kare ama gwa giti, gire ene Chube be lle ulita che kade amage ama be kete chege che kle ama gai ulia ñanale.

Juan 8:29

Cha kaganga kle diali cha ole ule, ama cha Ñenua, ama me cha chuge ngwadi gballa dale, cha kle age ulita no diali ama gwa giti ama takalin kare.

1 Corintios 7:32

Ba ulita me mo jwanba ole cha gerule, cha ta ba ta gbakalin suge ma no ba chege gballa me mo jwen, ene ba me chege tañachuge kwian mo jwanba kle tañachuge kare. Kwian onbre gballa me mo jwanba, onbre ene me tañachuge salengwli onbre mo jwanba kare, onbre gballa mo ta gbe lle boi no diali Chube alin Chube takalin kare me tañachuge lle na giti.

1 Tesalonicenses 4:1

Cha daballa cha ibotea ulita Jesucristo giti, cha gerule ba ole, cha geru gbe ba ulita alin che Chugagwalla Jesu kalla giti: Ba ulita kle age kare Chube takalin kare cha ba tku tangle kare, Chube alin e no, ba agedale diali ene ngerugu ma no.

Mateo 3:17

Gire Chube gerudu nga ngaña giti Jesu giti, ama kerua sugedu nga dba ai giti, ama gerudu: “Ai cha Kirolla, cha no no ama ole, nga suga noare chadi ama giti.” Chube kerua sugedu ene gerule mo Kirolla Jesu giti.

Hebreos 13:16

Kaire ba ulita me ta jogedalenga mo ta gbe age no diali daba ulita alin daba chudaboi, kaire ba mo ta gbadale lle monu girabate daba na me lle molen ole, age ene daba alin e no no Chube gwage Chube no age ene ole. Age ulita ai kare e salengwli kwian bda ketu Chubege unsuialin tangle kare.

Colosenses 3:20

Ba kirogwa ulita muirenu onbrenu, ba mo ñenua mo chebia gadale dage chui tangle, ba mo ta gbadale age ba ñenua ba chebia gerule kare. Ba age ene, nga be suga no no Chubedi ba kle age ama takalin kare giti.

Filipenses 4:18

Ba igi kagu cha alin Epafrodito ole, igi e chku cha kote, igi e ngle cha alin, nege cha lle molen tanre ulita toigda no, ba kle cha chudaboi tanre igi giti, Chube gwage ba kle age no cha alin kaire ama alin, Chubedi nga suga noare e giti.

Romanos 1:21

Uñale kwiange Chube kle, agwa me gerule no Chube giti me Chube gai no kweri mo Chugagwallale me gerule no Chube ole Chube agedu no no giti ulita. Kwian tañachuge nganake Chube agedu no gitige, kwian mo ta gbe tañachuge age lle ngwale giti. Kwian tañachuge lle ngwale giti, malen tañachuge tanre age me no giti ta chege nga jereske geru uliage, geru ulia me suge me ñage age geru ulia gerule kare.