Romanos 3:3 - Buglere

³ Kwian israelita Chube gerua molen agwa kwian israelita ulita me Chube gerua gai ulia me age Chube gerua gerule kare, ¿e giti Chube be mo ta blite nganake Chube mi age Chube gerule kare?

Romanos 3:3 ပူးပေါင်းရင်းမြစ်များ

Mateo 24:35

Nga ngaña giti nga dba ai giti mi chege diali dale alin, nga ulita ulita be joge tangle, agwa cha gerua mi joge tangle dale, cha gerua be chege diali dale alin, be boi ulita cha gerua kle gerule kare.

Juan 1:16

Cristo diali age no che amanu ulita alin, diali ama kle age ma no dare che alin, ama ole age no ene diali me bidege.

Romanos 10:16

Kwian geru Jesucristo giti trage kwian ole, agwa kwian ulita me geru e gbe gdadi me geru e gai ulia mo alin. Boidu ene kaire unsuialin Isaías ole, Isaías Chube gerua ketanga, Isaías gerudu Chube ole: “Cha Chugagwalla, ba cha gbu kaire ba kwian na gbu ba gerua kete kwiange, kwian tanre ba gerua keruchugu, agwa kwian ulita me ba gerua gau ulia.”

Romanos 11:29

Unsuialin Chube gerudu kwian israelita enusulian ole: “Cha ba oindalla ulita gau mo alin, ba kwian chanu, cha be age no ba alin kaire ba oindalla ulita alin.” Chube gerudu ene, Chube age ulita ama gerudu kare, Chube me mo ta blite ama gerule kare.

Romanos 9:6

Chube gerudu Chube be age, e me Chube gerudu alin allabi, me ene, Chube agedu ulita Chube gerudu kare, Chube Cristo kagu kwian israelitaske Chube gerudu kare agwa kwian israelita ulita me Cristo gau ulia mo jwanngale siere, malen kwian ene me Chubenu ulia.

2 Corintios 3:18

Che ulita Jesucristo gau ulia, e giti che ulitage suge trate che Chugagwalla Jesucristo no no Jesucristo kweri, bedre bedre suge ma no ma trate che ulitage Jesucristo mine, chui kaire kairege Chube Oña kle che ta gbe ma no age Jesucristo kare, ene kwian na gwage Jesucristodi che giti.

2 Tesalonicenses 1:3

Cha daballa cha ibotea Jesucristo giti, cha diali mo ta gbe gerule no Chube ole ba ulita giti ene: “Chube, cha gerule ba ole kwian una Tesalónicamu nu ba gerua gaba ulia giti, nga suga no chadi ba kle ama ulita chudaboi toi no trate ba takalin kare. Ama ulita kle ba gerua gai jumale kle tañachuge chui kaire kairege ma ngle ba giti. Diali ama ulita no daba ole kle tañachuge mo chudaboi ongoru ongoru ta no giti nga suga no ole ma ngle ngeruge, malen nga suga noare chadige daba e kle age giti.” Cha kle gerule diali ene Chube ole ba giti, noare ba kle toi Chube takalin kare.

2 Timoteo 2:13

Che Chube gerua Jesucristo giti gai ulia gire bigwa che geru e chuge ngwadi che sole ama ole. Chube me ene, ama age ulita ama gerule kare, ama me sole ni sidri. Uñale chage geru ai gerule ulia ulita, malen cha mo ta gbe lle boi no Chube alin gwangerugu me tañachuge boi daga ngwale giti.