Romanos 1:3 - Buglere

³ Kwian jwannga siere e Jesucristo che Chugagwalla, ama Chube Kirolla, ama medunga nga dba ai giti kirogwa kare kwian israelita chugagwalla unsuialin kada David oindalla giti. Jesucristo kwian ulia,

Romanos 1:3 ပူးပေါင်းရင်းမြစ်များ

Mateo 1:1

Cha chada ai dege ulita Jesucristo giti, Jesucristo David oindalla, David kwian israelita enusulian unsuialin oña chugagwalla kweri, kaire Jesucristo kwian israelita enusulian unsuialin oña kada Abraham oindalla. Jesucristo enusulian unsuialin oña ulita kalla kle ai kare:

Mateo 1:16

Jacob kirolla José, José María ñengulalla, María kirolla Jesu. Jesu amaña kada Cristo, Chube ama kagu kwian Chugagwallale.

Mateo 1:6

Isaí kirolla kwian chugagwalla kweri David, David kirolla Salomón, Salomón chebia mo jun ngeru Urías ole, gire David muinga e junnga Urías ngeru chagedu ama ole, David kirolla muinga e giti ama Salomón.

Mateo 12:23

Kwian ulita gwagedu boi enedi chegu tañachuge Jesudi, ama geru kadu moge ongoru ongoru Jesu giti: —¡Kwian e kira molen tanre kwian oga dodade ene! ¿Ama che chugagwalla unsuialin David oindalla Chube be kage che alin che chugagwallale? ¿Ama e?

Mateo 15:22

ama jo chke kodi una boke ege gire muinga gdaite toinga nga ege chiu Jesu ngnagu, muinga e me kwian israelita, ama kwian cananea, ama chku Jesudi, ama ngautu: —Ba kwian chugagwalla unsuialin David oindalla, uñale chage Chube ba kagu nga dba ai giti. Ba tai dage chage, cha jian jwligebanga dolla kote, ba cha jian dodade dolla kage siere amage.

Mateo 26:63

Kwian gerunga Chube ole chugagwalla ma kweri gerudu ene Jesuge agwa Jesu me jaindunga dale, Jesu chegu kamne. Kwian gerunga Chube ole chugagwalla ma kweri gerudu nakwaite Jesu ole: —Cha gerule ba ole Chube gwa giti, Chube kle gwade ama kle che keruchuge che kle gerule giti, malen ba gerudale ulia mo giti cha ulita ole: ¿Ba Cristo, Chube nu ba kagaba ulia kwian alin o me? ¿Ba Chube Kirolla ulia o me?

Mateo 3:17

Gire Chube gerudu nga ngaña giti Jesu giti, ama kerua sugedu nga dba ai giti, ama gerudu: “Ai cha Kirolla, cha no no ama ole, nga suga noare chadi ama giti.” Chube kerua sugedu ene gerule mo Kirolla Jesu giti.

Mateo 9:27

Jesu jo chage ngeru ne ngwadi gire kwian gdaboke gwagwa me chagedu Jesu nate jonkare ngaute Jesuge: —¡Ba che chugagwalla unsuialin David oindalla, ba tai dage chage, ba cha gdaboke gwagwa dodade!

Lucas 1:35

Gabriel jaindunga María kalen: —Chube Oña be chke badi, ene Chube kiralla giti ba be kirogwa molen, kirogwa e no trate ama Chube Kirolla.

Lucas 1:69

Chube be che jwannga siere kage che alin, ama kira molen, ama David oña oindalla, David che enusulian oña lle boanga Chube alin unsuialin.

Juan 1:14

Chube Cristo kagu nga dba ai giti, ama chku kwian kare, ama toidu chagedu kwianske ama ta du no diali kwian ulita ole, ama agedu tanre no kwian alin, ene kwian gwage amadi chkedale uñale ama Ñenua mine ulia. Ama kledu kwianske agedu no ulita kwian alin gire cha chada ai deganga, cha ule cha chagemanalla ulita ole gwagedu amadi, ama agedu ulita uñale cha ulitage, uñale cha ulitage ama ulia Chube Kirolla gdaitre alin, ama mo Ñenua kirallaske agedu no ulita.

Juan 1:34

Cha gwagedu Chube Oñadi chie ama gití Chube gerudu kare cha ole, e giti chku uñale chage trate ama Chube Kirolla —Juan-Bautista gerudu ene ulita Jesu giti.

Juan 1:49

Gire Natanael gerudu Jesu ole: —Kwian tkanga tangle geruge, ¡ulia ba Chube Kirolla ba kwian israelita ulita Chugagwalla!

Juan 10:30

Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Juan 10:36

Chube gerudu ene ba enusulian unsuialin giti ama ulita chube kare, gire geru e giti ba me mo ta dbe skochie, ba kle geru e gai ulia. ¿Mineade nege cha gerule ba ole cha Chube Kirolla gire ba ta skochie? ¿Mineade suge bage cha kle gerule Chube dollale? Cha Ñenua Chube cha gau cha kagu nga dba ai giti, ba me ñage gerule cha ole cha kle age me no Chube dollale.

Juan 20:28

Tomás gerudu no Jesu ole: —¡Ba amaña ulia cha Chugagwalla, ba ulia cha Chubea!

Juan 20:31

Agwa chada ai chege degaba Jesu giti kwian ulita alin, kwian chada ai batenga ene chke uñale chada ai giti ulia Jesu Chube Kirolla, amaña kada Cristo kwian ulita jwannga siere ji chugege age me no gdale, kaire chke uñale kwiange chada ai giti kwian ulita bai kaire Jesu gai ulia kwian ene toi diali chui tangle Chube ole Jesu gai ulia giti.

Juan 5:25

Cha gerule ulia ba ulita ole, kwian bai kaire me Chube uñe kle toi sugekare Chubege, kwian ene ulita salengwli kwian jogebada kare, chui be chke, kaire chui kle nege gire kwian ene be cha kerua keruchuge, cha Chube Kirolla be kwian tke tangle cha Ñenua giti, kwian ulita bai kaire cha kerua gai ulia ama be toi chui tangle diali cha Ñenua ole cha ole.

Juan 7:42

Chube gerua degaba unsuialin gerule Cristo giti Cristo be chie chugagwalla rey David oña oindallaske una Belénge David toidu ngwadi unsuialin.

Hechos 2:30

David chada degu kare suge chege David kle gerule mau giti agwa me ene. Ama daba nga dba ai giti chugagwalla ama kwian Chube gerua ketanga. Uñadu amage Chube be age ulita Chube gerudu kare. Chube gerudu no ulia ama ole Chube be David oindalla gdaite gbe kwian ulita Chugagwallale kweri.

Hechos 3:13

Chube che enusulian unsuialin Abrahamnu Isaacnu Jacobnu Chube che enusulian ulitanu amaña mo Kirolla Jesu gbu kweri kiraske. Jesu e amaña kledu lle boi nga dba ai giti Ñenua alin ba ulitaske. Ba ama ketu kwian ba chugagwalla nga dba ai gitige gwaleda. Agwa Pilato me tadu agekalin Jesu ole ba ulita tadu agekalin kare, Pilato tadu Jesu skajwennga. Gire ba ulita me tadukalin Pilato Jesu chuge ngwadi gbale.

Hechos 8:36

Bdagli ama jo tangle nga gwealege chi kledu jonkare gire kwian nga Etiopíamu gerudu Felipe ole: —Aini chi kle cha alin mo ñeangwa chiske. ¿Ba ña cha ñe chiske aini Jesu kalla giti?

Hechos 9:20

eni Saulo chagedu gerule no Jesu giti u mo litangwa Chube gerua jwanngwa ulitage una Damascoge, Saulo gerudu kwian israelita ulita ole Jesu giti Jesu ulia Chube Kirolla.

Romanos 1:9

Cha kle mo ta gbe no no ulita lle boi Chube alin Chube takalin kare, cha geru Chube Kirolla giti traganga kwian ole. Chubege uñale diali cha kle gerule Chube ole gire cha kle tachke ba ulita giti, cha gerule ba ulita giti Chube ole: “Chube, cha takalin ba kwian banu una Romamu chudaboi, ba ama manade no.

Romanos 4:1

Ale tañachuge Abraham che enusulian unsuialin giti, ama kwian israelita che kare, agwa ama me chegu no trate Chube gwage ama agedu no giti, Abraham agedu no giti Abraham chegu no trate Chube gwage ene Abraham ñadu gerule no mo giti Abraham agedu giti, agwa me boidu ene, Abraham agedu no giti Abraham me chegu no trate Chube gwage, Abraham chegu no trate Chube gwage Abraham mo ta gbu Chube gai ulia giti.

Romanos 9:5

Kwian israelita ulita enusulian kada Abraham kada Isaac kada Jacob oindalla, ama ulitaske Cristo chiu, Cristo Chube Kirolla, Cristo amaña Chube, ama kweri, ama lle ulita nga ulita kwian ulita Chugagwalla, kwian ulita gerudale no ama giti diali, ene no no gerule no ama giti.

1 Corintios 1:9

Chube ba ulita gau ba ulita ta gbu mo Kirolla Jesucristo uñe, Chube ba ta gbu Jesucristo ole, Chube me takalin ba ta chege sugekare Jesucristoge. Chube agedu no ene ba ulita alin, Jesucristo giti ba ulita Chubenu malen ñage suge trate ba ulitage Chube be ba ulita manade no chui bdagli alin Chube gerudu kare, Chube gerudu be kwian amanu ulita manade no chui bdagli alin, Chube age ama gerule kare.

1 Corintios 10:18

Ba tachkedale kwian israelita ulita giti, ama mo lite samla guge samla gugangwa giti u gerungwa Chube olege, gire ama samla e gweale gute ule, ama age ene ama kle mo ta gbe ule daba na ole Chube olladale, ene ama ulita kle Chube gai mo Chubeale.

Gálatas 4:4

Che kledu ene gire Chube chui gbaba unsuialin chuia chku Chube mo Kirolla kagu cheske, Chube Kirolla medunga muinga kote nga dba ai giti kwian israelitaske, Chube Kirolla mo ta gbu age ulita Moisés chadalla gerule kare.

1 Tesalonicenses 1:10

Kaire kwian ulita kle gerule ba ulita giti ba ulita kle Chube mo Kirolla Jesu gbuni gwade manade ngwange, ba takalin Jesu chieni ba alin, Jesu alin allabi be che ulita jwen siere Chube be ji gbe tirarege kwian me Jesu gau ulia alin chuia be chiege.

1 Timoteo 2:5

Chube gdaitre alin allabi kwian ulita alin, ngeru kwian ulita Chube dollale, Jesucristo alin ñage kwian ta gbe no Chube ole.

1 Timoteo 3:16

Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.

2 Timoteo 2:8

Ba tachkedale Jesucristo giti, ama chku nga dba ai giti kwian kare David oindallaske, ama jokeda gire ama jaba chkuni gwade, cha kle geru e ulia Jesucristo giti trage kwian ole.

1 Juan 1:3

Cha ba ulita ta gbe chke Jesucristo giti, cha ulita gwagedudi mo gwagwa giti kaire cha ulita geru keruchugu mo olodi, cha geru e kete ba ulitage chada ai giti, ene ba ulita ta chege ule kwaitre alin mo skatemanallale cha ulita ole Jesucristo giti cha ulita kle mo ta gbe Chube che Ñenua ole kare kaire cha ulita kle mo ta gbe ule Jesucristo ole kare.

1 Juan 3:23

Chube geru jigu gbaba che alin ulita, geru e kle gerule ene: Che Chube Kirolla Jesucristo gadale ulia mo Chugagwallale kaire agwe che mo ta dbadale no diali daba ole ulita ongoru ongoru Chube che gbu age kare ulita.

1 Juan 3:8

Agwa kwian bai kaire kle age me no diali ama kle tañachuge kare, kwian ene che dolla Satanánu, che dolla Satanás agedu me no gwangeabi kaire kle age diali, malen Chube Kirolla Jesucristo chku kwianske nga dba ai giti, ama chku kirachke che dolla Satanádi ene che dolla Satanás me chege age ulita Satanás takalin kare.

1 Juan 4:15

Kwian bai kaire gerule Jesucristo giti Jesucristo Chube Kirolla, kwian ene tale Chube Oña kle toi Chube Oña kle ama ta gbe gerule ene no Jesucristo giti, kwian e kle mo ta gbe ulia toi Chube ole Chube kle toi ama tale.

1 Juan 5:1

Kwian ulita bai kaire mo ta gbe Jesucristo gai ulia, suge kwian enege ulia Jesucristo Chube Kirolla Chube nu ama kagaba kwian ulita jwanngale siere ji chugege age me no gdale, kwian ene Chube olia. Kwian Chubenu ulita bai kaire mo ta dbe no Chube ole kwian ene kaire mo ta dbe no kwian na Chube olia ulita ole.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.

1 Juan 5:5

Ulia cha gerule ba ole, kwian ulita bai kaire kle mo ta gbe Jesucristo gai ulia Chube Kirollale, kwian ene kirachke che dolla Satanádi Chube kiralla giti, kwian ene chege kiraske toi no trate Chube takalin kare kwian me Chubenu gwa giti.

2 Juan 1:7

Ulia cha gerule ba ole, nga ulita nga dba ai gitige kwian tanre daba tkanga tangle geru ngwale me uliage kle chage kwianske kwian anblite geru ngwalege, kwian e ulita kle gerule Jesucristo me chku dale ulia kwian kare nga dba ai giti. Kwian ene kare ulita me kle gerule ulia trate Jesucristo giti ama kle kwian anblite ama kle mo ta gbe age Cristo dollale.

Apocalipsis 2:18

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Tiatiramu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha Chube Kirolla, cha gwagwa gwadenga tanre salengwli jita kare, kaire cha sera gwadenga no salengwli lle mno kadakle bronce mliakle jige kle gwadenga kare. Cha amaña kle gerule ba ulita kle mo lite Chube geruadi una Tiatirage ole,