Mateo 8:6 - Buglere

⁶ —Cha ba gai kweri, cha takalin ba cha chudaboi, kwian lle boanga cha alin gdaite kle gwa ama oga jabale, ama skliebadba trate jegwale, ama skibachie tanre me ña jwlitenga. Noare ba cha chudaboi, noare ba lle boanga chanu oga dodade cha alin, ene ama joge chkeni noni.

Mateo 8:6 ပူးပေါင်းရင်းမြစ်များ

Mateo 4:24

Jesu kledu chage age ene nga ulita Galileage gire geru Jesu giti jo chke nga na kada Siriage, nga ulita Siriage geru Jesu giti chageduda kwian ulitaske Jesu kwian oga dodanga, malen kwian ngle nga Siriage oga jingme tanre kote dbachku Jesudi, kwian e gweale skibachie tanre, kwian na jwligebanga che dolla kote, kwian na gweale oga jingme tirare ole kwian e oga jwligebanga kare, kwian na gweale skliebadba trate jegwale, Jesu kwian oga ene ulita dodadu kwian chegu no trate.

Mateo 8:7

Jesu jaindunga: —Cha ta ba chudaboakalin, cha be joge ule ba ole oga kle ngwadige jingme jwennga siere amage.

Mateo 9:2

Ne ngwadi kwian oga skliebada trate jegwale dule ankwa giti Jesudi, Jesu gwagedu kwian ogadi gire uñadu Jesuge kwian oga kaire kwian oga dbanga ulita mo ta gbaba ulia Jesu ole Jesu ñage kwian oga dodade, malen Jesu gerudu kwian oga ole: —Ba mo ta gbe suga no. Cha gerule ba ole, ba ageba me no ulita talla cha mlienga, nege ba chege no trate me jiske Chube gwa giti.

Hechos 10:7

Lle boanga Chube alin gerudu ene ulita Cornelio ole gbire gire lle boanga joni. Gire Cornelio kwian lle boanga boke ama alin kadu kaire guardia donga gdaite Chube gai dage kadu kagadale Pedro ngwadi.

Hechos 8:7

Felipe lle daga ngwale no ai kare dodadu una ege: Kwian tanre jwligebanga dolla kote Felipe kwian ene dodadu, Felipe gerudu dolla ole Jesu kalla giti gire dolla jo siere kwiange ngwanenga sugekare kwiange. Kaire kwian tanre oga skliebadba trate jegwale kaire kwian seragda kwebanga, Felipe kwian e ulita dodadu Chube kiralla giti.

Hechos 9:33

Una Lidage onbre gdaite kada Eneas skwendu Pedroge oga, onbre e kledu oga chura gdapa ama me ñage chage, ama kle ankwa giti chui gdale, ama skliebadba trate jegwale ama me ñage chage.

Colosenses 3:11

Ba Cristo gerua gau ulia, geru e chegu gbaba kaire kwian na ulita alin, me tallade kwian chudalla mine. Chube gwa giti kwian ulita salengwli, kwian bai kaire Chube gerua Cristo giti gai ulia kwian ene agedale ulita salengwli Chube gerua kle gbaba gerule kare. Chube gwa giti kwian israelita kwian me israelita kaire kwian mo kwara tkabanga kwian israelita kare kwian me mo kwara tkabanga, kaire kwian nga namu gerule kwira nale, kaire kwian me geru uñanga, kaire kwian lle boanga mo mauña alin kwian lle boanga mo alin agali, kwian ulita ai kare salengwli Chube gwa giti. Malen che ulitage sugedale trate Chube gerua kle gbaba che ulita alin, che kaire agwe agedale Chube gerua kle gbaba gerule kare. Che ulita Cristo gerua gai ulia gire Cristo kle che ulita ole diali, che ama gadale mo Chugagwalla kweri ama ma kweri ma kiraske kwian ulitage.

Colosenses 4:1

Ba ulita kwian lle boanga chugagwalla, ba tañachugadale kwian lle boanga monu giti ama kle lle boi giti ba me ñage ama boi jere jere ba takalin kare, ba taidale dage amage ba ama manadale no ba ñage mangire batre, kaire ba gerudale ta no giti ama ole. Chkedale uñale bage ba kaire mo Chugagwalla molen nga ngaña giti, ama kle gwage badi ba kle age giti, ama be gerule ba ole ba agedu no giti ba agedu me no giti.

1 Timoteo 6:2

Kwian Chubenu daba na Chubenu gai gbe lle boi mau alin, lle boanga toi lle boi mo mauña alin ama me tañachugadale mo tale mo mauña giti: “Ama cha daballa Chube giti malen ama me ñage cha kage, cha me ama gadale dage.” Lle boanga me tañachugadale ene dale. Ama boke Chubenu, ma no tañachuge lle boi no no mo mauña alin diali. Mo mauña Chube gerua gau ulia, kaire Chube noare ama boke ole, malen lle boanga Chubenu lle boadale no mo mauña Chubenu alin. Ba kwian ulita tke tangle, ba gerule kwian ole ama agedale cha chada ai ulita degu gerule kare.

Filemón 1:16

me lle boanga alin allabi ba alin agwa ba ama gadale mo daballanu kare Jesucristo giti ba nodale ama ole, ene chege ma no ba alin. Cha no Onésimo ole kaire ba mo ta dbadale ma no ama ole, me tai dage amage mo chudaboanga kareni allabi agwa ba mo ta gbale no ama ole, ama ba daballanu Jesucristo giti.