Mateo 7:7 - Buglere

⁷ Jesu gerudu dare kwian ole: —Ba lle kade diali Chubege, e salengwli kwian kle lle kade dabage diali kare gire lle ketakle amage, e salengwli kwian kle lle jinade nate diali kare gire lle kle skwen amage, e salengwli kwian kle ugaka dagenga kare ta jogekalin gwa daba ullage gire daba kle ugaka degenga ama alin jogedale gwa.

Mateo 7:7 ပူးပေါင်းရင်းမြစ်များ

Mateo 18:19

Kaire cha gerule ba ulita ole, ba gdabokle alin allabi mo ta gbe ule tañachuge salengwli daba gweale giti, ba gdabonate gerule ule ama giti Chube ole, ba chudaboi kade Chubege, Chube be ta kete bage ba agedale mine daba alin.

Mateo 21:22

E kare ene ba gerule Chube ole lle gweale giti ba takalin ama age ba alin kare, kaire ba mo ta gbe ulia Chube ole Chube be age ba alin ulia ba gerudu ama ole kare, ba lle kade Chubege ta ene giti gire ulia Chube be age ba alin ba takalin kare.

Mateo 6:33

Ba mo ta gbadale Chube gai ma no diali mo Chugagwallale, ba ama gadale dage, ba mo ta gbadale age no trate ama takalin kare diali, ene Chube be ba manade no be lle toigda kete bage lle bai me ba ole ene ba toi no nga dba ai giti.

Mateo 7:11

Ba ulita talla agenga me no, agwa gire ba me lle me no kete ba kirogwallage, ba kle mo ta gbe age no mo kirogwalla alin, ba lle no ketakalin diali ba kirogwallage. Chube ba Ñenua kle nga ngaña giti, ama no trate ulita, ama ñage age ma no ulita ba alin ba kle age ba kirogwalla alinge, ama lle ma no kete bage, ama ta agekalin no no ba alin diali, ba bai lle kade Chubege Chube lle no kete bage.

Mateo 7:8

Kwian ulita bai kaire lle kade diali, kwian enege lle keta. Kwian bai kaire lle jinade nate diali, kwian enege lle skwen. Kwian bai kaire ugaka dagenga diali, kwian ene alin ugaka tigenga. Ene kaire ba lle kade Chubege, Chube be ba keruchuge Chube be age ba alin.

Marcos 11:24

E kare ene ba gerule Chube ole lle gweale giti ba takalin ama age ba alin kare, kaire ba mo ta gbe ulia Chube ole Chube be age ba alin ulia ba gerudu ama ole kare, ba lle kade Chubege ta ene giti gire ulia Chube be age ba alin ba tadukalin kare.

Lucas 13:25

ba me mo kira gbe joge tangle blike ugaka ka ulege, u mauña ugaka jege gire ba ulita be chege goga ba be ta jogekalin gwa ba be ugaka dagenga ba be gerule u mauña ole: “Cha chugagwalla, ugaka degenga cha alin.” Chugagwalla be gerule ba ulita ole: “Cha me ñage ugaka degenga ba alin, me uñale chage ba chema.”

Lucas 18:1

Jesu kwian geru jwannga amage tku tangle ama ulita gerudale diali Chube ole, ama ulita me skwatigedale chudaboi kade Chubege. Jesu geru ñachugu kwian geru jwannga amage ulita alin ene suge trate geru jwannga ulitage Jesu kle ama tke tangle giti,

Juan 15:16

Cha ba ulita gau mau alin, ba ulita me mo ta gbu cha gai mau alin, cha ba ulita gau gbu cha Ñenua gerua dbe kwian nage age tanre no cha Ñenua takalin kare, ene ba giti kwian tanre be cha Ñenua uñe, cha Ñenua gerua be chege diali kwian tale. Ene cha Ñenua be age no ba ulita alin, ba ulita lle bai kaire kade ba takalin kare cha Ñenuage cha giti ama be age ba alin.

Juan 15:7

Ba ulita ta chege diali ule cha ole, kaire ba ulita mo ta gbe diali age ulita trate cha ba tku tangle kare, ene ba lle gweale kade cha Ñenuage cha Ñenua be age ba alin.

Juan 4:10

Jesu jaindunga: —Noare bage suge chema kle gerule ba ole, cha giti Chube ta chi no ketakalin bage. Suge trate ene bage, ba chi kade chage blike, ene cha chi gwade kete bage.

Romanos 2:7

Kwian ulita bai kaire nu mo ta blitaba Chube ole, kwian ene toikalin no diali chui tangle Chube ole nga noge, takalin Chube gerule no ama giti, malen kwian e mo ta gbe chage no Chube ole age no Chube takalin kare diali. Bdagli Chube be kwian ene ulita gbe toi diali chui tangle mo ole ule.

Romanos 3:11

Kwian ulita me Chube uñe, ni gdaitege suge Chube mine, ni gdaite tañachuge chage Chube ole age Chube takalin kare.

Hebreos 11:6

Ulia che takalin chege no trate Chube gwa giti che ta Chube ta gbakalin nga suga no ole che giti gire ene che mo ta gbadale no Chube ole age ulita ama takalin kare. Che ulitage sugedale Chube kle ulia, Chube agenga no ulita, kaire sugedale chege Chube be che chudaboi che ulita bai kaire chudaboi kade amage, Chube be age no che alin.

Santiago 5:15

Kwian Chubenu chugagwalla e mo ta gbe ulia Chube ole Chube ñage daba oga dodade, kwian Chubenu chugagwalla e mo ta gbe gerule no Chube ole ta giti, gire ama mo ta gbu Chube ole giti daba oga be joge chkeni noni. Chube ñage daba oga gbeni noni trate, kaire daba nu ageba me no Chube be ama agedu me no talla mlienga Chube mi tañachuge dare daba oga agedu me no giti, Chube daba oga ene dodade.

1 Juan 3:22

Ulia che Chubenu ulita kle Chube gerua Chube gbu che alin gai ulia, kaire che kle age ulita ama takalin kare ama gwa giti, gire ene Chube be lle ulita che kade amage ama be kete chege che kle ama gai ulia ñanale.