Mateo 7:11 - Buglere

¹¹ Ba ulita talla agenga me no, agwa gire ba me lle me no kete ba kirogwallage, ba kle mo ta gbe age no mo kirogwalla alin, ba lle no ketakalin diali ba kirogwallage. Chube ba Ñenua kle nga ngaña giti, ama no trate ulita, ama ñage age ma no ulita ba alin ba kle age ba kirogwalla alinge, ama lle ma no kete bage, ama ta agekalin no no ba alin diali, ba bai lle kade Chubege Chube lle no kete bage.

Mateo 7:11 ပူးပေါင်းရင်းမြစ်များ

Mateo 23:9

Kaire ba me ñage kwian ngwale nga dba ai giti kade mo ñenua kare ba Chube ka jwen kare. Ba Ñenua gdaitre alin allabi kle toi nga ngaña giti, ba Ñenua Chube, ba ama gadale dage.

Mateo 7:10

Ba kirogwalla ngwe kade bage gutale, ¿gire ba be jorisi kete amage gutadale? Me dale, ba mi mo ta gbe age ene mo kirogwalla ole.

Juan 3:16

Chube no no kwian ulita ole, malen ama mo Kirolla gdaitre alin kagu nga dba ai giti kwian ulita alin, ene kwian ulita bai kaire Chube Kirolla gai ulia mi chege sugekare Chubege ji chuge, be toi no chui tangle diali Chube ole nga ngaña giti.

Romanos 3:19

Chube gerua degaba unsuialin gerule ene kwian ulita giti, geru e jo degaba che kwian israelita ulita alin, geru e giti chke uñale che kwian israelitage kwian israelita me israelita ulita agenga me no, ulita jiske Chube gwage, ene ni kwian gdaite ñage gerule: “Cha me agenga me no, cha me jiske Chube gwage.” Ulia kwian ulita agenga me no, kwian ulita jiske Chube gwage.

Romanos 3:9

¿Che kwian israelita mine Chube gwage? ¿Che ñage tañachuge che ma no kwian na me israelitage? E me ene, cha gerudu kare ngeru, Chube gwage che kwian israelita me israelita ulita agenga me no, ulita jiske age me no giti, ni gdaite agali gballa ñage joge siere age me noge.

Romanos 8:32

Chube mo ta du no che ulita alin, ama mo Kirollanu gdaitre alin Jesucristo ketu gwadaleda che agedu me no giti, Chube agedu no tanre ene che ulita alin Jesucristo giti, ene kaire Chube be age no dare che alin, che me ñage tañachuge Chube be che jige gballa Chube mi che chudaboi dare.

Santiago 1:17

Ulia Chube me kle age ene dale, Chube no trate malen ulita kle boi no che ole, e che Ñenua Chube kle age che alin, lle ulita no bai chke chege, e chie Chubege, diali Chube kle age no che alin kle lle no kete chege. Chube nga ulita dodanga ama nga gbu chrale nga ngaña giti ama dai gbu ama beu gbu ama chui gbu chratigenga nga ulitage nga dba ai giti, Chube agedu ene no che alin ulita. Chube diali no ama me kle mo ta blite nganake, ama kle chege amaña diali, ama diali kle age no che kwian amanu alin.

1 Juan 3:1

Ulia cha takalin bage suge Chube giti trate, che Ñenua Chube no no che ulita ole, che ama gerua gai ulia gire che ulita chege ama oliale, uliabi Chube che gau ama oliale, malen kwian me Chubenuge me suge che kwian Chubenu mine, kwian ene me Chube uñe malen kwian ege me suge che Chube olia kle toi giti.

1 Juan 4:10

Chube talla no no che ole ngeru chege, che bebi mo ta dbe no Chube ole Chube nu mo ta gbaba no che ole ngeru, Chube tale agedu no che ulita alin ama ta no no che ole, malen Chube mo Kirolla gdaitre alin kagu nga dba ai giti mo kete gwaleda kruge che agedu me no giti, ene Chube Kirolla giti che ulita me chegedale jiske che agedu me no giti gdale.