Mateo 5:26 - Buglere

²⁶ Cha gerule ulia ba ole, guardia donga ba tke skage ba mi ñage joge siere ne ngwadige blike, ngeru ba igi ulita ba agedu me no ñanalla ketale mo giti gire ene ba ñage skachienga. E kare ene ba me ta chegekalin me no jiske Chube gwa giti, ba me ta dbe skochie daba na ole age me no daba ole.

Mateo 5:26 ပူးပေါင်းရင်းမြစ်များ

Mateo 10:29

Chube kle ba ulita manade no malen ba me mo ta dbadale kennga kwian agenga me no ba oledi. Bdada soli gai gbaboke bdada soli chbade, igi gai sidri bdada ñanale, bdada me ñanaske. Ba ulita me ene, ba ñanaske tanre Chube alin. Bdada me ñanaske agwa Chube kle bdada manade no diali, Chube tale ama me bdada talla kagenga gbaite. Kaire ene Chube kle ba manade ma no bdadage, ba chugaga ulita Chubege uñale gdamangire. Ulia Chube kle ba manade no no malen ba me mo tallade kwian kle age me no ba ole giti, ba me ta dbe kennga cha gerua trage kwian ulita ole.

Mateo 18:34

Chugagwalla ka bo ene kwian lle boanga ole, ama skochiu tanre kwian lle boanga edi gire chugagwalla kwian lle boanga e kaitu dbadale skage ji chugadale, ama chegedale skage, ama igi ulita ketale naskuni ama chugagwallage ama jiske batre gire ama ñage chienga skage.

Mateo 25:41

’Cha kwian Chugagwalla be gerule no ene kwian ulita ole bai mo ta gbu age no kle cha ko taingwli ngnagu ole, gire cha be gerule kwian ulita ole bai mo ta gbu age me no kle cha ko jole ngnagu ole: “Joga siere chage, ba jiske kweri Chube gwa giti, ji kle ngle ba giti ba agedu me no gdale, joga nga dbigu giti, ne ngwadi jita me kle jogekeda dale, nga e kle dodaba biale ji chugangwa dolla chugagwalla Satanás alin kaire Satanás chudaboangalla ulita alin. ¡Joga nga ege kaire!

Mateo 25:46

Cha be kwian mo ta gbanga age me no kage boi daga ngwale tanre nga dbigu giti chui diali chui tangle. Agwa kwian mo ta gbanga ulia cha ole age no cha takalin kare, kwian ene be joge toi nga ngaña giti cha ole kaire cha Ñenua Chube ole diali chui tangle —Jesu gerudu ene ulita kwian geru jwannga amage ole.

Marcos 12:42

kaire agwe ama gwagedu muinga chegeba oli onbrege gdaitedi chie igi monu ulita dbe, muinga e me lle molen ama igi gabokle alin allabi molen agwa ama igi e ulita tku igi litangwa olege Chube alin. Ulia igi e bedreare me ñanaske kwian na gwa giti,

Lucas 12:58

Ale gerule ba jiske daba gwealege age gweale me no ama ole giti, daba e ba dbe chugagwalla ngwadi ba gbale jiske chugagwallage, daba age ene ba ole ma no jonkare ba mo ta gbadale no kwian ba dbanga ole, ba gerule no ama ole: “Cha me ta jogekalin chugagwalla ngwadi, ma no cha alin cha agedu me no che chege e trage modi ta no giti aini jonkare, gire ene ulita ñage chege no trate ba tale kaire cha tale, ene ba me cha gbe jiske chugagwallage.” Ba gerule ene ba dbanga ole jonkare, gire kwian ba dbanga me ba dbe chugagwalla ngwadi, ene chugagwalla me ba kete kwian guardia dongage tkale skage.

Lucas 12:59

Cha gerule ba ole, guardia donga ba tke skage ba mi ñage joge siere ne ngwadige blike, ngeru ba igi ulita ba agedu me no daba ole ñanalla ketadale mo giti gire ene ba ñage skachienga. E kare ene ba mo ta gbadale no Chube ole nege, ene ba me chege jiske Chube gwa giti, ene Chube mi ba gbe ji chuge ba agedu me no gdale —Jesu gerudubi ene ulita kwian nglea ulita ole.

Lucas 16:26

Kaire kwian aini me ñage joge ba ngwadi, kwian llani me ñage chke aini cha ngwadi, kegde kweri kle cha ngwange ba ngwange, cha me ñage Lázaro kage ba ngwadi.”

2 Tesalonicenses 1:9

Jesucristo be kwian e gbe ji chuge diali dale ji chuge daga ngwale ngwadi nga dbigu giti Jesucristo be chieni gire, kaire kwian e be chege sugekare Jesucristoge ni ama be ñage gwage bdagli Jesucristo age no mo kirallaske ngledige.

Santiago 2:13

Kwian bai kaire me kle tai dage dabage ama kle daba chuge ngwadi boi daga ngwale gballa, kwian ene giti Chube be ji gbe chui bdaglige, ji chuge chuia chke gire ni Chube be tai dage kwian ege salengwli kwian e me taidu dage daba nage kare, kwian e daba chugu ngwadi boi daga ngwale gballa e gdale Chube be ji gbe ama giti mno. Agwa kwian bai kaire tai dage dabage ama age no daba alin daba kle boi daga ngwale gire, kwian ene be chege nga suga no ole Chube gwa giti chui bdaglige.