Mateo 4:4 - Buglere

⁴ Jesu gerudu: —Cha mi age ba takalin kare, Chube gerua degaba unsuialin gerule: “Me bligda alin allabi giti kwian ñage toi, agwa kaire Chube gerua gai ulia giti kwian ñage toi no.”

Mateo 4:4 ပူးပေါင်းရင်းမြစ်များ

Mateo 15:11

Ni lle gdaite kwian kle gute kle kwian gbe me no jiske Chube gwa giti, agwa kwian kle tañachuge me no mo tale gire kwian kle gerule me no age me no ama kle tañachuge kare, e ulita kle kwian gbe me no jiske Chube gwa giti.

Mateo 4:10

Satanás gerudu ene ulita gire Jesu jaindunga Satanás kalen: —Cha mi age ba takalin kare, cha mi ba gai dage dale. ¡Joga siere chage Satanás! Chube gerua degaba unsuialin gerule: “Chube kwian ulita Chugagwalla, kwian ulita mo Chugagwalla Chube alin allabi gadale dage gerule no ama alin giti, kaire kwian ulita mo ta gbadale lle boi ama alin allabi.”

Mateo 4:7

Jesu jaindunga Satanás kalen: —Cha mi age ba takalin kare, Chube gerua degaba unsuialin gerule: “Chube kwian ulita Chugagwalla, kwian me mo chugadale mo Chugagwalla Chube ole.”

Marcos 7:20

Gire Jesu gerudu gwangerugu kwian geru jwannga amage ulita ole: —Cha gerule ba ulita ole, kwian kle tañachuge me no mo tale, talla e giti kwian kle age me no kle gerule me no ama kle tañachuge kare, e kle kwian gbe jiske Chube gwa giti.

Lucas 4:12

Jesu jaindunga: —Cha mi age ba takalin kare, Chube gerua degaba unsuialin gerule: “Chube kwian ulita Chugagwalla, kwian me mo chugadale mo Chugagwalla Chube ole.”

Lucas 4:4

Jesu gerudu: —Cha mi age ba takalin kare, Chube gerua degaba unsuialin gerule: “Me bligda alin allabi giti kwian ñage toi, agwa kaire Chube gerua gai ulia giti kwian ñage toi no.”

Lucas 4:8

Satanás gerudu ene ulita Jesu ole gire Jesu jaindunga Satanás kalen: —Cha mi age ba takalin kare, cha mi ba gai dage dale, Chube gerua degaba unsuialin gerule: “Chube kwian ulita Chugagwalla, kwian ulita mo Chugagwalla Chube alin allabi gadale dage gerule no ama alin giti, kaire kwian ulita mo ta gbadale no lle boi Chube alin allabi.”

Juan 15:26

’Cha be jogeni cha Ñenua ngwadi gire cha be Chudaboanga kage ba ulita alin, e Chube Oña, Chube Oña diali no, ama gerule ulia diali, ama be gerule ba ulita tale cha giti diali, be ba ta gbe geru cha giti trage kwian na ole kaire. Gwangea cha chagedu kwian tke tangle cha Ñenua giti ba ulita chagedu ule cha ole, ba me cha chugu ngwadi chage gballa, nege che kle chage kaire ule, uñale bage cha agedu mine ulita ba gwa giti, e giti ba ñage gerule, Chube Oña be ba ulita ta gbe chke gerule kwian na ole cha gerudu ba ulita ole giti.

Juan 6:63

Cha gerudu ba ole cha me gerudu ba ulita cha jegwale gutadale ulia ene ba be toi diali chui tangle, me ene dale, ba ulita tañachugadale ba ta giti ba ta mine cha ole, ba cha gadale ulia mo tale, e alin allabi giti ba ulita ñage toi diali chui tangle cha Ñenua ole.

Romanos 15:4

Ulita Chube gerudu unsuialin Chube gerua e jo degaba che alin, ene che geru e jwen, e giti che tachke Chube takalin mine che ulita alin, kaire geru e giti suge chege chui be chke gire che be joge siere boi daga ngwale ulitage che be toi ule Cristo ole diali chui tangle, geru e che ta gbe kiraske nga suga no ole, ene che boi daga ngwale che ñage jage che me joge siere Cristoge.

Efesios 6:17

Guardia donga kle lle gbe mo chugage ene ama mi lentige chugage, e kare ene ba Cristo gerua gai mo jwangda siere ji chugege age me no gdale, ene chke uñale bage ulia dolla Satanás me ñage kirachke badi, ene ba chege kiraske dolla Satanás me kirachke badi. Guardia donga kle chage sbadi ole mo manale, e kare ene Chube Oña kle Chube gerua gbe suge bage mo tale gire ba Chube gerua gadale gbadale no mo chugale ene Chube gerua sbadi kare e giti ba ña dole dolla Satanás ole, geru e ba gbe kirachke dolla Satanádi.