Mateo 4:24 - Buglere

²⁴ Jesu kledu chage age ene nga ulita Galileage gire geru Jesu giti jo chke nga na kada Siriage, nga ulita Siriage geru Jesu giti chageduda kwian ulitaske Jesu kwian oga dodanga, malen kwian ngle nga Siriage oga jingme tanre kote dbachku Jesudi, kwian e gweale skibachie tanre, kwian na jwligebanga che dolla kote, kwian na gweale oga jingme tirare ole kwian e oga jwligebanga kare, kwian na gweale skliebadba trate jegwale, Jesu kwian oga ene ulita dodadu kwian chegu no trate.

Mateo 4:24 ပူးပေါင်းရင်းမြစ်များ

Mateo 12:22

Jesu kledu ngwadige kwian onbre jwligebanga dule, dolla nu onbre e gbaba jwligebanga malen ama gwagwa me keru me. Jesu dolla kagu siere onbre ege gire onbre jo chkeni noni, ama ñadu gerule kaire ñadu ten.

Mateo 14:1

E suiale kwian kada Herodes ama kwian nga Galileamu chugagwalla rey, Herodes kwian gweale keruchugu gerule Jesu giti.

Mateo 15:22

ama jo chke kodi una boke ege gire muinga gdaite toinga nga ege chiu Jesu ngnagu, muinga e me kwian israelita, ama kwian cananea, ama chku Jesudi, ama ngautu: —Ba kwian chugagwalla unsuialin David oindalla, uñale chage Chube ba kagu nga dba ai giti. Ba tai dage chage, cha jian jwligebanga dolla kote, ba cha jian dodade dolla kage siere amage.

Mateo 17:15

—Kwian chugagwalla, ba tai dage cha kirollage, dolla kle nga kagenga ama chuga giti, ama oga jabale dolla kote, diali ama kle skwetenga kle joge chke dba jitaske kaire kle joge chke dba chiske. Cha chiu cha kirolla dbe kwian geru jwannga banuge dodadale, agwa ama me ñadu dolla kage siere cha kirollage, malen cha chiu ba nate, ba tai dage cha kirollage, ba cha kirolla dodade.

Mateo 17:18

Jesu gerudu ene kwian ulita ole gire kirogwa dule Jesuge, Jesu ka bo mno dolla ole: —¡Joga siere kirogwage! Jesu gerudu ene gire dolla jo siere kirogwage, sugeti kirogwa cheguni no trate.

Mateo 4:23

Jesu jo chage una kaire kairege nga ulita Galileage ule geru jwannga amage ulita ole, una gdaite gdaitege Jesu kwian tku tangle u mo litangwa Chube gerua jwanngwage. Jesu chagedu gerule kwian ulita ole kwian ñage Chube uñe, kwian mo ta blitadale Chube ole Chube gai mo Chugagwallale, ene Chube be kwian e jwen siere ji chugege agedu me no gdale. Kaire agwe Jesu kwian jingmere dodadu kaire kwian oga lle na tanre kote Jesu ama ulita dodadu.

Mateo 8:28

Jesu jo chage dare duge chiga giti kwian geru jwannga amage ulita ole, Jesu jo chke chi kagda giti ongoru nga ka jwankle Gadarage. Ne ngwadi Jesu jo kedagu gire kwian gdaboke jwligebanga dolla kote chku ten Jesu ngwange, kwian jwligebanga gdaboke e kledu toi kwian jaba ogakle keugage ngwadi. Kwian jwligebanga gdaboke e saingwli tanre, malen kwian na ulita ta kendunga chage ne ngwadi jon e giti. Kwian jwligebanga e chku Jesudi,

Mateo 8:33

Gire kwian chunchi mananga ulita gwagedu chunchi boidu ene ulitadi gire ama ulita jo jrite kwachieske ama jo geru kete kwian ngleage unaske, ama geru tragu boidu chunchi ole giti kaire geru tragu Jesu kwian jwligebanga boke dodadu giti.

Mateo 8:6

—Cha ba gai kweri, cha takalin ba cha chudaboi, kwian lle boanga cha alin gdaite kle gwa ama oga jabale, ama skliebadba trate jegwale, ama skibachie tanre me ña jwlitenga. Noare ba cha chudaboi, noare ba lle boanga chanu oga dodade cha alin, ene ama joge chkeni noni.

Mateo 9:26

Jesu kirogwa muire jaba gbuni gwade ene, gire geru e jo chage kwian ulitaske nga e ulitage Jesu kirogwa muire jaba gbuni gwade giti.

Mateo 9:35

Jesu jo chage una kaire kairege kwian tke tangle u mo litangwa Chube gerua jwanngwage. Una ulita baini kaire Jesu jo chke ngwadi ama gerudu kwian ulita ole kwian ñage Chube uñe, kwian mo ta blitadale Chube ole Chube gai mo Chugagwallale, ene Chube be kwian e jwen siere ji chugege agedu me no gdale. Jesu chagedu gerule ene kwian ole, kaire agwe Jesu kwian jingmere dodadu, kaire kwian oga lle na tanre kote Jesu kwian oga ene dodadu ulita.

Marcos 1:28

Ai ulita kledu boi ene Jesu ole, gire nga ulita nga Galileage geru chagedu kwianske, chku uñale kwiange Jesu kledu age kiraske tanre kwian gwa giti kwian ngwale me ñage age kare.

Marcos 1:32

Chui amañage ngabi nga jo jere gire kwian tanre una ege jo chke u Jesu kle ngwadige daba oga dbe Jesuge dodadale. Kwian ngle oga jingme tanre ole dule Jesu kle ngwadi, kaire kwian ngle jwligebanga dolla kote dule Jesu kle ngwadi dodadale.

Marcos 2:3

gire kwian gdabaga chku daba oga dbe ankwage mo kaskwada dodadale Jesuge. Kwian e oga skliedba trate jegwale me ñage chage.

Marcos 2:4

Kwian chku daba oga dbe goga ugakage agwa me ñadu tien gudegu ugakage kwian tanre kledu ugakage, gire ama ulita jo u giti bdugu kalerage daba oga ole, jo chke u giti gire udrega junnga ankwa tien mangire batre gire ama ankwa ska tku giska giti, ankwa tku dbige daba oga ole Jesu gwangnaru Jesu kle ngwadi gwa.

Marcos 2:9

¿Bai ma mno cha alin: kwian oga ai ageba me no ulita talla mlienga o kwian oga ai dodade jingmege? Cha alin ai me mno ulita gdabonate.

Lucas 4:14

Satanás mo chugu ene ulita Jesu ole nga gballage gire Chube Oña kiralla giti Jesu joni nga Galileage, Jesu jo chkeni nga Galileage gire geru Jesu giti chagedu nga ulitage nga Galileage.

Lucas 4:38

Jesu jo siere u mo litangwa Chube gerua jwanngwage gire ama jo Simón ullage Simón ñemaña oga ngwadi, Simón ñemaña oga jabale nganagda ole, kwian tanre gerudu Jesu ole: —Cha takalin ba Simón ñemaña oga nganagda ole dodade.

Lucas 5:15

Chui ege gwangerugu geru Jesu giti chagedu ma dare kwian ulitaske malen diali kwian tanre kledu mo lite Jesudi Jesu gerua keruchuge, kaire kwian tanre oga chku Jesudi Jesu ama dodadale.

Lucas 5:24

Nege cha be kwian oga ai dodade ba ulita gwa giti ene be chke uñale bage ulia Chube cha kagu nga dba ai giti kwian kare, Chube kiralla giti cha ñage kwian oga dodade jingmege kaire agwe cha ñage kwian age me no ulita talla mlienga kwian gbe no trate me jiske Chube gwa giti. Jesu gerudu ene kwian fariseo ulita ole kaire kwian daba tkanga tangle Moisés chadalla giti ulita ole, gire Jesu gerudu kwian oga ole: —Nege cha gerule ba ole, chkede gdate mo ankwalla gai blienga dbadale, jogani chage ba kle toi ngwadige.

Lucas 7:17

Kwian nga Judeage ulita kaire kwian toinga nga Judeadi tangle, ulitage geru chku nate uñale Jesu kwian jaba gbuni gwadeni.

Juan 10:21

Agwa kwian israelita mne gdaite na jaindunga: —Ni kwian gdaite jwligebanga dolla kle ama tale ñage gerule ene ama kle gerule kare. Kaire kwian jwligebanga me ñage kwian gwagwa dodade ama kle age kare. Kwian israelita mne boke kira batu ene Jesu giti.

Hechos 10:38

Uñale bage e suiale Jesu una Nazaremu mo chugu ngwadi Juan-Bautistage mo ñeange chiske gire Chube kira ketu Jesuge age ulita kwianske Chube Oña kirallaske. Gire chui ege gwangerugu Jesu chagedu age no ulita kwian oga dodade jingme ulitage kaire kwian jwligebanga dolla Satanás kote dodade. Chube kle Jesu ole diali malen Jesu ñadu age no ene ulita kwian alin.

Hechos 15:23

Kwian Jesu gerua ketanga kaire kwian Chubenu chugagwalla ulita una Jerusalénge chada degu kagale Silas ole Judas ole kwian me israelita Chubenu ulita alin, ama chada degu ene: “Cha ulita aini una Jerusalénge Jesu gerua ketanga gdataboko giti gdaboke kaire kwian Chubenu chugagwalla ulita, cha ulita ba daballa Jesu giti gbi kage ba ulita cha daballa me israelita alin kle toi una Antioquíage kaire nga Siriage kaire nga Ciliciage.

Hechos 15:41

Ama chagedu nga ulita Siriage nga ulita Ciliciage kwian Jesu gerua gaba ta gbe chage ma no kiraske Jesu geruadi.

Hechos 28:9

Publio ñenua jo chkeni no giti geru chageduda kwianske, kwian na ulitage chku uñale Pablo kwian oga dodanga, gire kwian oga ulita nga ege chiu Pablo ngwadi mo dodange. Kwian oga ulita chku Pablo ngwadi, Pablo kwian oga e ulita dodadu.

Hechos 8:7

Felipe lle daga ngwale no ai kare dodadu una ege: Kwian tanre jwligebanga dolla kote Felipe kwian ene dodadu, Felipe gerudu dolla ole Jesu kalla giti gire dolla jo siere kwiange ngwanenga sugekare kwiange. Kaire kwian tanre oga skliebadba trate jegwale kaire kwian seragda kwebanga, Felipe kwian e ulita dodadu Chube kiralla giti.