Mateo 3:10 - Buglere

¹⁰ Ba me mo ta blite ulia, ba salengwli gli me no kare me gbachie no, gli ene alin gli mauña kle biale mochuga ole gli datagda, gli mauña be gli ene date guge ulita, ene kaire Chube kle biale ji gbe kwian me no giti bai kaire me mo ta blitakalin ulia Chube ole.

Mateo 3:10 ပူးပေါင်းရင်းမြစ်များ

Mateo 21:19

Jesu gwagedu gli kadakle higueradige jonke gire ama jo gli e gitigu gligba gweale jwen gutadale, gligba me skwenduge gutadale glinanga jegwale, gliga alin skwendu Jesuge gire Jesu gerudu glige: —¡Chui aige gwangerugu ba mi gbachie dare, ni kwian gdaite be ñage ba gba gute! Jesu gerudu ene gire sugeti allabi gli jokeda.

Mateo 7:19

Kaire gli me no me gbachie no, ama datakle gugakle jitaske.

Lucas 23:31

Cha agali ole kwian kle age me no ba ulita gwa giti, ba ole bdagli be boi ma tirare. Cha gli lere kare, kwian kle age tanre me no cha ole. Ba gli dra kare, ba ole be boi ma tirare bdagli —Jesu gerudu ene muinga e ulita ole.

Lucas 3:9

Ba me mo ta blite ulia, ba salengwli gli me no kare, me gbachie no, gli ene alin gli mauña kle biale mochuga ole gli datagda, gli mauña be gli ene date guge ulita, ene kaire Chube kle biale ji gbe kwian me no giti bai kaire me mo ta blitakalin ulia Chube ole.

Juan 15:2

kwian ulita chanu uva girananga kare. Uvananga me gbachie no uva ngama gbanga be uvananga tkenga be mlienga, agwa uvananga gbachie no uva ngama gbanga be uvananga litenga trate, ene uvananga gbachie ma ngle.

Juan 15:6

Bai kaire me ta chege ule cha ole, kwian ene be chege sugekare cháge ji chuge, ama me no me ñage age no salengwli uvananga chege sugekare girage me ñage gbachie kare, uvananga ene lita ole ama mlianga sugekare uva girage, uvananga be junbate gire uvananga draba guga.

Hebreos 12:25

Malen ba mo ta gbadale no Chube gerua Jesucristo giti ole Chube gerule kare ba ole me geru e kagenga ngwale, ba Chube gerua gbadale gdadi diali. Unsuialin tangle kwian israelita che bitalla me jaindu age Chube Moisés ta gbu gerule kare malen kwian e me cheguda sugekare ji chugege. Chube kwian ulita gbu ji chuge tanre daga ngwale kwian me Moisés gerua gbu gdadi gdale. Che ulita nege tangle me mo ta gbe geru Jesucristo giti ngerule kare me geru e gbe gdadi mo alin che geru e kagenga ngwale, che be ji chuge ma tirare daga ngwale che enusulian oña unsuialin tanglege.