Mateo 24:6 - Buglere

⁶ Ba be geru keruchuge kwian kle dole tanre kweri modi nga tanrege, ba geru e keruchuge ba me mo ta dbe kennga kle boi giti. Boidale ene ulita ngeru agwa chui bdagli bebi chke.

Mateo 24:6 ပူးပေါင်းရင်းမြစ်များ

Mateo 2:3

Kwian chugagwalla rey Herodes tañachugu tanre ta me no ole gerudre ama ole giti kwian chugagwalla jagere ñage chege kwian chugagwallale Herodes taneage, kaire kwian una Jerusalénmu ulita chegu tañachuge tanre gerudre giti.

Mateo 24:14

Chube gerua no ulia cha giti jogedale ketaba kwian nga ulitamuge, ene chke uñale kwian nga ulitamuge ama cha gai mo Chugagwallale ene ama chege no Chube gwa giti ama Chubenu, kwian nga ulitamu geru e keruchugadale ngeru, gire chui bdagli be chke —Jesu gerudu ene ulita kwian geru jwannga ole.

Mateo 26:54

Agwa cha mi age ene, cha age ene gire me ñage boi ulita cha ole Chube gerua degaba unsuialin gerule kare, Chube gerua kle gerule kwian agenga me no be cha gbe boi daga ngwale.

Lucas 21:19

Kwian age me no ba ole ba me mo tallade, ba bai me mo chuge ngwadi joge siere cha geruage boi daga ngwaleske, ba mo ta gbe cha gerua gai ulia mo tale diali gwangerugu mo ta gbe age no diali Chube takalin kare, ba bai mo ta gbe ene, chui bdagli be chke gire ba be toi no diali chui tangle cha ole Chube ngwadi.

Lucas 21:9

Ba be geru keruchuge kwian kle dole tanre kweri modi nga tanrege, kaire kwian kle mo lite ole ngle kira batadale gobierno dollale giti, geru ene chke ba kote ba me mo ta dbe kennga kle boi giti, boidale ene ulita ngeru agwa chui bdagli bebi chke.

Lucas 22:37

Chube gerua degaba unsuialin gerule cha giti, chada e gerule: “Kwian be gerule ama kwian me no, kwian be ama gbe jiske kwian me no kare, ama gwabeda kwian me no ole ule.” Cha boabe ene ulia, cha be boi ene chuia kle kodi chada degaba unsuialin gerule kare.

Juan 14:1

Jesu gerudu ene Pedro ole gire Jesu gerudu dare kwian geru jwannga gdataboko giti gdaite ole: —Ba ulita me chegedale tañachuge tanre be boi giti, ba me ta dbadale kennga, ba me ta dbadale olire, ba mo ta gbadale Chube gai ma no, kaire ba mo ta gbadale cha gai ma no diali.

Juan 14:27

Cha be jogeni cha Ñenua ngwadi gire cha be ba ulita ta jige suga no, cha ba ta gbe suga no me salengwli kwian kle ta dbe suga no sugeti alin lle gweale giti, cha ta suga no kete, e chege diali ba tale. Malen ba me chegedale tañachuge tanre be boi giti, ba me ta dbadale olire, ba me ta dbadale kennga.

Apocalipsis 6:4

Lle gwade gerudu ene cha ole, gire sugetibi cha gwagedu ja na gdaite daberedi, kwian kledu chage skwenba ja dabere e giti, amage sbadi kweri jeike ketre, ama gbere kiraske tanre ene ama ñage kwian ulita nga dba giti gbe kira bate modi ongoru ongoru mo gweda, kwian nga dba giti mi ñage toi dare ule nga suga no ole, boi tirare ulita nga dba giti.