Mateo 23:7 - Buglere7 Kaire agwe kwian e kle chage jonkare, kwian na ten ama ngwange ama takalin kwian e ulita ama gai dage tañachuge ama kwian kweri, ama takalin kwian gbi kade no amage kwian kle gbi kade mo chugagwalla kwerige kare. Kaire ama takalin kwian gerule no ama ole: “Ba daba tkanga tangle geruge no.” Ama takalin kwian gerule diali no ene ama ole. အခန်းကိုကြည့်ပါ။ |
Jesu gerudu jonlekanga kwian ulitage ene, gire Jesu gerudu kwian geru jwannga ole: —Cha me takalin ba age kwian fariseo ulita kaire kwian daba tkanga tangle Moisés chadalla giti ulita kle age kare. Ba me mo gbe ma kweri daba nage, kaire ba me daba na chuge ngwadi ba kade daba tkanga tangle geruge, ba ulita salengwli modi, cha alin allabi ba ulita tkanga tangle.
Jesu chegu kwian tke tangle dare, Jesu gerudu: —Ba mo manadale ta giti kwian daba tkanga tangle Moisés chadalla giti ulitage, ba me ama chuge ngwadi ba anblite. Ama ulita takalin kwian na ama gai ngwange no mo chugagwallale kweri, ama ta chegekalin no kwian na ulita gwa giti, malen ama diali ñometra jeike no dbe modi mo kaite kwian ngleaske, kaire nga ulita baini kaire ama kle chage ngwadi ama takalin kwian ulita gbi kade no amage ama gai dage kwian chugagwallale.
’Ba kwian fariseo ulita be ji chuge tanre bdagli, diali ba mo gbakalin ma kweri daba na ulitage. Ba kle joge u mo litangwa Chube gerua jwanngwage gire ba ta toikalin toingwa ma no giti kwian na ulita gwa giti. Ba kle chage jonkare, kwian na ten ba ngwange ba takalin kwian e ulita ba gai dage tañachuge ba kwian kweri, ba takalin kwian gbi kade bage kwian kle gbi kade mo chugagwallage kare.
Chui gbaite ngajrege Nicodemo e jo tienda Jesudi gerule Jesu ole, Nicodemo gerudu: Nicodemo geru trage Jesu ole —Kwian tkanga tangle geruge, chage uñale kaire kwian na tanrege uñale Chube ba kagu cha ulita tke tangle Chube giti. Diali ba kle lle daga ngwale no dodade kwian gwa giti, e giti suge trate chage ba kle age Chube kiralla giti, Chube me kle ba ole ba me ñage age ene ba kle age kare.
Kwian geru jwannga Juan-Bautistage ulita jo gerule Juan-Bautista ole: —Cha tkanga tangle geruge, cha gerule ba ole kwian gdaite giti kledu ba ole chi Jordánge tanglegu, ama giti ba gerudu no cha ole, ama ngwadi kwian ulita kle joge, ama kle kwian geru jwannga amage ulita gbe kwian ñe chiske, nege kwian ulita kle chage ama nate.