Mateo 18:4 - Buglere

⁴ Kwian bai kle Chube gai dage ulia, bai kle mo gbe suge soli daba na chudaboangale, kwian ene kle mo ta gbe tañachuge salengwli kirogwa soli ai tañachuge kare, kwian ene ma kweri Chube gwa giti.

Mateo 18:4 ပူးပေါင်းရင်းမြစ်များ

Mateo 18:1

E suiale kwian geru jwannga Jesuge ulita chku Jesudi geru kadu Jesuge: —Chui be chke ba be gerule nga ulita giti kwian ulita Chugagwallale gire chui ege ¿cha ulitage bai be chege ma kweri Chube gwa giti?

Mateo 18:3

gire Jesu gerudu: —Cha gerule ulia ba ulita ole, ba me mo ta blite ta gbe tañachuge kirogwa soli ai kare cha gai ulia mo tale, ba me ñage kle ule cha ole cha chuiage cha be gerule nga ulita giti kwian ulita Chugagwallale gire.

Mateo 18:5

Kwian bai kaire no cha ole ulia, kwian ene kle kirogwa ai kare gai ngwange no kle age no ama alin, kwian age ene me kle kirogwa alin allabi gai ngwange no, kaire ama kle cha gai ngwange no kle age no cha agali alin kare, kwian ene be ma kweri Chube ngwadi.

Marcos 10:43

Agwa ba ulita me ñage tañachuge kwian chugagwalla nga dba ai giti ulita kle tañachuge kare, ba tañachugadale nganake. Ba me mo ta gbe daba kage age ba takalin kare, agwa ba mo ta gbale diali age no daba na ulita alin daba chudaboi ta no giti, ba age ene gire Chube gwa giti ba chege kweri daba chugagwallale.

Lucas 14:11

E kare ene kwian baige suge kweri mo tale kaire mo gbe no kweri kwian na gwa giti, Chube gwage kwian ene me kweri, ama ngwale ama soli. Agwa kwian baige suge soli mo tale kaire mo gbe kwian na chudaboangale, Chube gwage kwian ene kweri.

Lucas 9:48

Jesu gerudu kwian geru jwannga ulita ole: —Kwian bai kaire no cha ole ulia, kwian ene kle kirogwa ai kare gai ngwange no kle age no ama alin, kwian age ene me kle kirogwa alin allabi gai ngwange no, kaire ama kle cha gai ngwange no kle age no cha agali alin kare. Ene kaire kwian bai kaire cha gai ngwange no, kwian ene kle Chube cha kaganga nga dba ai giti gai ngwange no kaire. Kwian kle baske aini nga dba ai giti bai mo gbe soli daba na chudaboangale, kwian ene kweri Chube gwage —Jesu gerudu ene kwian geru jwannga amage ulita ole.

Santiago 4:10

Ba mo ta gbadale Chube gai mo Chugagwalla kweri ene Chube be tai dage bage be ba chudaboi ba ta gbe nga suga no ole.

1 Pedro 5:5

Ene kaire cha gerule ba kwian Chubenu ulita ole kle mo lite Chube geruadi, ba ulita mo ta gbale no daba ba chugagwallale ole ongoru kaire ulita mo ta dbe salengwli modi, ba ulita daba ba chugagwallale gadale dage diali. Kaire ba ulita Chubenu mo ta gbadale daba na ulita gai dage ongoru ongoru moske me sugedale mo tale ma kweri daba nage. Chube gerua degaba unsuialin gerule e giti, chada e gerule: “Kwian me ñage tañachuge mo tale: ‘Cha ma kweri daba nage.’ Chube me age no kwian ene alin me kwian ene chudaboi, agwa kwian tale suge soli Chube mo ta dbe no kwian ene chudaboi.” Chube gerua degaba unsuialin gerule ene.