Mateo 18:32 - Buglere

³² Chugagwalla geru e keruchugu gire ama kwian lle boanga daba tkanga skage kadu mo ullage gerudu ama ole: “Ba kwian agenga me no me no. Ba jiske tanre chage, cha igi kaduni bage ba gerudu cha taidale dage bage gire cha agedu ba gerudu kare, ba me chegu jiske chage, cha ba jiske ulita talla mliunga.

Mateo 18:32 ပူးပေါင်းရင်းမြစ်များ

Mateo 18:27

Kwian lle boanga e gerudu ene mo chugagwalla ole gire chugagwalla taidu dage kwian lle boanga amanuge, ama gerudu lle boanga e ole: “Ba me igi ketadaleni chage, cha mi ba chbade dale, ba me jiske chage dare, cha be ba jiske talla mlienga ulita.” Chugagwalla gerudu ene gire chugagwalla lle boanga e chugu ngwadi ngwedi ngeru kare.

Mateo 18:31

Kwian lle boanga na ulita gwagedu kwian lle boanga gdaite edi daba na tke skage igi gerua giti gire kwian lle boanga e ulita jo geru kete chugagwallage boidu giti.

Mateo 18:33

¿Gire mineade ba me taidu dage ba skatemanallage cha taidu dage bage kare? ¿Mineade ba me agedu no ba skatemanalla ole cha agedu no ba ole kare? Ulia ba agedu me no me no.”

Mateo 25:26

Gire chugagwalla jaindunga lle boanga e kalen: “Ba kwian lle boanga me no kaire ba kwian kianle tanre. Ba tañachugu chadi cha kle kwian gbe lle boi mno gire cha kle lle ulita jwen ama ngeru mau alin, e uñale bage ene ¿mineade ba me jo igi oge kwian kle igi oge ngwadi? Ene llani kwian na ñadu lle boi igi e giti, cha chieni gire ama igi na kete chage ma ngle cha igia kledu llani ñanale.” Chugagwalla gerudu ene kwian lle boanga me no ole.

Lucas 19:22

Chugagwalla gerudu lle boanga e ole: “Ba kwian lle boanga ta me no, ba me lle bo igi ole cha tadukalin kare. Uñale bage kwian me lle boi no cha alin cha skochie, kaire uñale bage baini cha me lle boi ngwadi cha kle lle ene geruade nate mo alin.

Romanos 3:19

Chube gerua degaba unsuialin gerule ene kwian ulita giti, geru e jo degaba che kwian israelita ulita alin, geru e giti chke uñale che kwian israelitage kwian israelita me israelita ulita agenga me no, ulita jiske Chube gwage, ene ni kwian gdaite ñage gerule: “Cha me agenga me no, cha me jiske Chube gwage.” Ulia kwian ulita agenga me no, kwian ulita jiske Chube gwage.

Santiago 2:13

Kwian bai kaire me kle tai dage dabage ama kle daba chuge ngwadi boi daga ngwale gballa, kwian ene giti Chube be ji gbe chui bdaglige, ji chuge chuia chke gire ni Chube be tai dage kwian ege salengwli kwian e me taidu dage daba nage kare, kwian e daba chugu ngwadi boi daga ngwale gballa e gdale Chube be ji gbe ama giti mno. Agwa kwian bai kaire tai dage dabage ama age no daba alin daba kle boi daga ngwale gire, kwian ene be chege nga suga no ole Chube gwa giti chui bdaglige.