Mateo 17:9 - Buglere

⁹ Boidu ene ulita jwichuga giti gire Jesu joni chage jwichugadi gwajimogu ule kwian geru jwannga gdamai ole, Jesu gerudu ama ole jonkare: —Mo gwagwa giti ba gwagedudi jwichuga giti nege kaire ba geru keruchugu cha giti, ba me e trage ni kwian na gdaite ole. Cha chiu nga dba ai giti kwian kare, cha be jogekeda, cha be chkeni gwade gire ba ñage boidu nege gerua ulita trage kwian na ole.

Mateo 17:9 ပူးပေါင်းရင်းမြစ်များ

Mateo 12:16

Jesu gerudu kwian e ulitage: —Ba me cha trage ni kwian gdaite ole cha ba dodadu giti.

Mateo 17:12

Agwa cha gerule ba ole, Elías chkubi kwianske, agwa kwian me ama gau ngwange no jumale, kwian ama gau kwian ngwale kare, kwian agedu dagale ama ole me no kwian tadukalin kare. Ene kaire kwian e amaña be age dagale cha ole me no, cha Chube Kirolla chiu kwian kare nga dba ai giti, agwa kwian e cha gai kwian ngwale kare, ama be cha gbe boi dagale tanre me no salengwli ama Elías gbu boi daga ngwale tanre me no kare.

Mateo 17:20

Jesu jaindunga: —Ba me kle mo ta gbe cha gai ulia malen ba me ñadu. Cha gerule ulia ba ulita ole, ba mo ta gbe sidri alin cha gai ulia, gire bedre bedre cha be ba ta gbe cha gai ma ngle, e salengwli mostaza chudea soli tkakle kle tige kle joge kweri kare. Ba mo ta gbe cha gai ulia ene, gire ba ñage dolla kage siere kwiange cha kiralla giti. Ene kaire ba ñage lle na tanre boi cha kiralla giti, ba ñage gerule jwichuga ai ole: “¡Joga siere aini, joga nga nage!”, ba gerule ene gire jwichuga be joge nga nage ba gerudu kare. Ba cha gadale ulia mo tale, ene ba ñage lle ulita boi cha kirallaske.

Mateo 17:22

Jesu kledu chage nga Galileage ule kwian geru jwannga amage ulita ole, gire Jesu gerudu ama ole: —Chube cha kagu nga dba ai giti kwian kare, cha ketabe kwian agenga me no cha dollalege gwaleda,

Mateo 17:23

ama be cha gweda, agwa chui mongikege cha jaba be chkeni gwadeni. Jesu gerudu ene gire kwian geru jwannga Jesuge nga chiu olire tanre ama ulitadi Jesu kle gerule giti.

Mateo 17:8

Ama gdamainate gwa gaunga ngaña tienda mo giti me gwagedu kwian kledu geru trage Jesu oledige, Jesu alin kleduni gballa.

Mateo 8:20

Jesu gerudu kwian e ole: —¿Ulia ulia ba ñage chage cha ole baini kaire cha be joge chage ngwadige? Bliski ugara molen gbengwa kaire bdada ugara molen gbengwa, agwa cha me dale. Chube nu cha kagaba nga dba ai giti kwian kare, cha me u molen agali gbengwa.

Mateo 8:4

Jesu gerudu oga jo chkeni no ole: —Ba me gerule ni kwian gdaite ole cha ba dodadu giti agwa ba agedale Chube nu geru gbaba unsuialin kwian alin Moisés giti gerule kare, chada e gerule ba agedale ai kare: Joga u gerungwa Chube olege mo kaite kwian gerunga Chube ole daba alinge, ba bdada gbaboke dbadale ule gugadale Chube gwa giti u ege ba chegu no trate ñanale, joga age ene ulita gire be chke uñale kwian ulitage ba jo chkeni no ba jingmeage —Jesu gerudu ene kwian onbre jo chkeni ole.

Marcos 8:30

Pedro gerudu ene Jesu giti gire Jesu gerudu kwian geru jwannga ulita ole: —Pedro gerudu trate, agwa ba me geru e trageni kwian gdaite na ole, me gerule kwian na ole cha Cristo Chube nu cha kagaba nga dba ai giti —Jesu gerudu ene kwian geru jwannga amage ulita ole.

Lucas 9:36

Chube kerua sugedu ene bogakwaske gire Pedro kaire Juan kaire Santiago gwageduni Jesudi Jesu kle gballa. Ulita gwagedu Jesudi boi ene me su gerule kwian na ole gdaite Jesu boidu giti, ama chegu kamne, gerudu modi alin allabi gwagedudi giti.