Mateo 16:16 - Buglere

¹⁶ Simón-Pedro jaindunga Jesu kalen: —Ba Cristo, ba Chube gwade ulia Kirolla, Chube ba kagu nga dba ai giti kwian kare kwian jwen siere ji chugege agedu me no gdale.

Mateo 16:16 ပူးပေါင်းရင်းမြစ်များ

Mateo 1:16

Jacob kirolla José, José María ñengulalla, María kirolla Jesu. Jesu amaña kada Cristo, Chube ama kagu kwian Chugagwallale.

Mateo 14:33

Boidu ene gire kwian geru jwannga Jesuge ulita Jesu gau dage gerudu no no Jesu ole: —Ulia ulia ba Chube Kirolla.

Mateo 16:15

Kwian geru jwannga gerudu ene Jesu ole gire Jesu geru kadu dare ama ulitage: —Kwian na kle gerule ene cha giti, ¿agwa ba gerule mine? ¿Cha chema?

Mateo 26:63

Kwian gerunga Chube ole chugagwalla ma kweri gerudu ene Jesuge agwa Jesu me jaindunga dale, Jesu chegu kamne. Kwian gerunga Chube ole chugagwalla ma kweri gerudu nakwaite Jesu ole: —Cha gerule ba ole Chube gwa giti, Chube kle gwade ama kle che keruchuge che kle gerule giti, malen ba gerudale ulia mo giti cha ulita ole: ¿Ba Cristo, Chube nu ba kagaba ulia kwian alin o me? ¿Ba Chube Kirolla ulia o me?

Mateo 27:54

Guardia donga chugagwalla gdaite kledu ne ngwadi ule guardia donga na ngle ole Jesu gdachuge giti, ama ulita gwagedu dbi jwliendudi kaire lle na tanre kledu boi Jesu giti, kwian e ulita kendunga tanre kaire ama gerudu Jesu giti: —¡Ulia ulia kwian onbre ai Chube Kirolla!

Mateo 4:3

Uñadu Satanáge Jesu bli ole gire Satanás chku Jesudi mo chuge Jesu ole, Satanás gerudu Jesu ole: —Ba Chube Kirolla ulia ba ke ai blite bligdale mo alin ba gute. Ba ke blite bligdale ene be suge chage ulia ba Chube Kirolla.

Marcos 14:61

Kwian gerunga Chube ole ma kweri gerudu ene Jesuge agwa Jesu me jaindunga dale, Jesu chegu kamne. Kwian gerunga Chube ole chugagwalla ma kweri gerudu nakwaite Jesu ole: —Cha geru kade bage, ba jainnga ulia cha kalen, ¿ulia ba Cristo Chube Kirolla? ¿Chube nu ba kagaba nga dba ai giti kwian alin o me?

Lucas 2:11

Cha geru kete ba ulitage, nege ba enusulian oña David unallaske kirogwa no no chku chebia kote, kirogwa e kwian ulita jwannga siere ji chugege kwian agedu me no gdale. Sbali Chube gerudu be ama kage, nege ama chku kwian ulita alin kaire agwe ba ulita alin, ama kada Cristo, ama che Chugagwalla.

Juan 1:49

Gire Natanael gerudu Jesu ole: —Kwian tkanga tangle geruge, ¡ulia ba Chube Kirolla ba kwian israelita ulita Chugagwalla!

Juan 11:27

Marta gerudu: —Ima cha Chugagwalla, ba kle gerule kare cha gai ulia, uñale chage ba Cristo ba Chube Kirolla, sbali Chube gerudu Chube be gdaite kage nga dba ai giti, e ba amaña Chube gerudu giti, cha ba gai ulia.

Juan 20:31

Agwa chada ai chege degaba Jesu giti kwian ulita alin, kwian chada ai batenga ene chke uñale chada ai giti ulia Jesu Chube Kirolla, amaña kada Cristo kwian ulita jwannga siere ji chugege age me no gdale, kaire chke uñale kwiange chada ai giti kwian ulita bai kaire Jesu gai ulia kwian ene toi diali chui tangle Chube ole Jesu gai ulia giti.

Juan 6:57

Chube cha Ñenua, ama cha kagu nga dba ai giti, ama gwade, ama gwade agali molen, cha toi ama giti gwade, ene kaire kwian bai cha gai mo tale kwian ene be toi cha giti chui tangle diali cha Ñenua ole.

Juan 6:68

Simón-Pedro jaindunga Jesu kalen: —Cha Chugagwalla, cha ulita gdataboko giti gdaboke mi joge siere bage dale, cha joge siere bage ¿cha be chema gai cha Chugagwallale? Chugagwalla na me ba kare, ba gerua ulita ulia, geru e kwian ta gbagda toi diali chui tangle Chube ole.

Juan 6:69

Cha ulita mo ta gbaba ba gerua ulita gai ulia diali, uñale trate cha ulitage ba Cristo ba Chube Kirolla.

Hechos 14:15

—¿Mineade ba ulita kle cha boke gai mo chubeale? E me no age ene, cha boke kwian ba ulita kare, cha me Chube, cha kwian. Cha boke chiu aini geru ulia Jesu giti dbe bage, geru e giti ñage suge bage lle e ngwale ba kle gai mo chubeale ulita ba chugadale ngwadi. Ba ulita mo ta blitadale Chube ulia gdaitre alin ole, ama gwade, ama nga ngaña dodadu nga dba dodadu ble dodadu lle ulita nga ulitage ama dodadu, ba ama alin gadale ulia mo Chubeale.

Hechos 8:36

Bdagli ama jo tangle nga gwealege chi kledu jonkare gire kwian nga Etiopíamu gerudu Felipe ole: —Aini chi kle cha alin mo ñeangwa chiske. ¿Ba ña cha ñe chiske aini Jesu kalla giti?

Hechos 8:37

Gire Felipe gerudu: —Ba Jesucristo gerua gai ulia mo tale, gire cha ñage ba ñe chiske. Kwian nga Etiopíamu jaindunga: —Cha Jesucristo gerua gai ulia, chage suge trate ama Chube Kirolla. Cha takalin ba cha ñe chiske ama kalla giti.

Hechos 9:20

eni Saulo chagedu gerule no Jesu giti u mo litangwa Chube gerua jwanngwa ulitage una Damascoge, Saulo gerudu kwian israelita ulita ole Jesu giti Jesu ulia Chube Kirolla.

Romanos 1:4

agwa kaire ama Chube, ama no trate ulita. Kwian gwagedu amadi jogeda, kaire kwian gwagedu amañadi chkeni gwadeni, e giti sugedu trate kwiange ulia ama Chube Kirolla ama kira molen tanre.

2 Corintios 1:19

Cha ta chagekalin age no ulita Chube Kirolla Jesucristo agedu kare nga dba ai giti, malen cha me sole ba ole. Cha kaire Silvano kaire Timoteo cha gdamai chagedu ba ulitaske Jesucristo gerua trage ba ulita ole cha me sodu ba ole, cha gerudu ulia ba ole Jesucristo giti. Jesucristo diali gerudu ulia ni sodu sidri, Jesucristo agedu ulia diali ama gerudu kare.

2 Corintios 3:3

Cristo agedu tanre no ba ulita tale cha Cristo gerua du baske giti, cha chage nga kaire kairege e trage kwian ole, e salengwli cha kle chada degaba gerule no ba giti dbe kaite kwian ulitage kare, agwa e me chada ulia degaba mo kodi chada degagda giti ni chada jo degaba ke kwale giti kare, me e kare, Cristo agedu ba ulita tale Chube Oña giti, Chube gwade, kaire Chube Oña gwade, Chube Oña agedu ba ulita tale e chege diali ba tale me chada degaba batenga alin kare.

2 Corintios 6:16

Lle oña dodaba mo kodi kwian kle gai mo chubeale, ¿lle oña e talla tañachuge mine ule kwian talla ole? Lle oña e jaba, che talla me ñage tañachuge ule e ole. Che Cristo ganga ulia me kle lle oña jaba gai mo chubeale, che talla Chube gwadenu, che talla Chube gwade toingwalla, Chube gerua degaba unsuialin gerule e giti, chada e gerule: “Chube gerudu: ‘Kwian bai kaire cha gai dage, cha be toi kwian ene tale diali, baini kaire ama joge ngwadi cha be kle ama ole, cha ama Chubea, ama kwian chanu.’

1 Tesalonicenses 1:9

Kwian ulita agali kle gerule cha jo chke baske ngwadi giti, ama kle gerule no ba giti, ba ulita cha gau ngwange no, ba Chube gerua keruchugu, ba mo ta blitu Chube ole, ba lle oña ngwale dodaba mo kodi gai chubere chugu ngwadi ulita gire ba tachku lle boi Chube gwade Chube ulia alin.

1 Timoteo 4:10

Uñale chege e ulia, malen che mo ta gbe diali lle boi no Chube alin. Kwian tanre ka boi che ole Chube gerua giti, che me tallade, che mo ta gbaba Chube alinge. Chube gwade, ama alin ñage kwian jwen siere bai kaire Jesucristo gai ulia, ene kwian me ji chuge bdagli agedu me no gdale.

Hebreos 10:31

Chube kweri kiraske malen tirare kwian ulita alin mo ta gbe age Chube dollale joge siere Chubege, kwian age ene giti Chube be ji gbe mno tirare kwian alin.

Hebreos 12:22

Boidu ene unsuialin kwian israelita ole, agwa nege tangle ba ulita me jogedale jwichuga Sinaí giti gerudale Chube ole kaire Chube keruchuge. Ba me kwachiedale gerule Chube ole kwian israelita kwachiu kare unsuialin tangle. Nege tangle ba ulita agali ñage gerule Chube ole lle ulita giti, Chube gerunga kwian ulita giti kwian bai jiske kwian bai me jiske, Chube no gwade, ama kle toi nga ngaña gitige, nga e kada una Jerusalén nga amaña kada jwichuga Sión, nga ege Chube kle ngwadige ba kerua kle suge amage diali. Kaire ne ngwadi lle boanga Chube alin tanre tanre kle mo litaba nga suga no ole gerule no Chube giti diali. Kaire kwian na ulita Chube gerua gaba ulia ama jogebakeda ama oña kle mo litaba eni ule nga ngaña giti, Chube ama ulita gbubi no trate me jiske Chube gwa giti, ama ulita oña kle toi ule Chube ole nga ngaña giti. Kaire kwian ulita kle toi nga dba ai giti bai nu Chube gerua Jesucristo giti gaba ulia kwian e ulita kalla kle degaba chada giti nga ngaña giti.

Hebreos 3:12

Cha bitalla ulita Jesucristo giti, cha gerule ba ole, ba chagedale ta giti Chube geruage ene ba mi mo ta blite Chube gerua dollale che enusulian tanre agedu unsuialin kare, kaire ba mi chege ta me no ole Chube ulia dollale me Chube gerua gai giti gdale. Ulia cha gerule ba ole, ba mo ta gbadale Chube gerua Jesucristo giti gai ulia kiraske gwangerugu age diali Chube takalin kare.

Hebreos 9:14

Agwa ulia bda bea kledu kwian gbe trate sugetidale alin e suiale, gire ene ulia che mo ta gbadale suge Jesucristo jokeda giti e ma no bda beage, Jesucristo giti che ta chege trate no ulita Chube gwa giti diali chui tangle. Jesucristo noare trate ni ama agedu me no sidri, Chube Oña Jesucristo kira gbu mo kete gwaleda boi daga ngwale Chube gwa giti kwian ulita alin salengwli unsuialin tangle kwian gerunga Chube ole daba alin bda gweale no no trate guda Chube gwa giti daba na kle age me no giti kare. Jesucristo jokeda che agedu me no giti, che ama gerua gai ulia gire Jesucristo che ta lite no trate che ta chege trate Chube gwa giti che me age me no che agedu ngeru kare. Ene che ñage lle no boi Chube alin toi diali Chube takalin kare, Chube ulia no trate ama ulia Chube gwade kiraske.

1 Juan 4:15

Kwian bai kaire gerule Jesucristo giti Jesucristo Chube Kirolla, kwian ene tale Chube Oña kle toi Chube Oña kle ama ta gbe gerule ene no Jesucristo giti, kwian e kle mo ta gbe ulia toi Chube ole Chube kle toi ama tale.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.

1 Juan 5:5

Ulia cha gerule ba ole, kwian ulita bai kaire kle mo ta gbe Jesucristo gai ulia Chube Kirollale, kwian ene kirachke che dolla Satanádi Chube kiralla giti, kwian ene chege kiraske toi no trate Chube takalin kare kwian me Chubenu gwa giti.