Mateo 15:6 - Buglere

⁶ Ba kle kwian tke tangle age me no ene mo chebia ole mo ñenua ole ba kle age Chube gerua dollale, ba ulita nu Chube gerua mliabanga me mo ñenua mo chebia manade Chube geru gbu kare unsuialin tangle, ba kle ba enusulian unsuialin suia gai dage ma no Chube gerua uliage.

Mateo 15:6 ပူးပေါင်းရင်းမြစ်များ

Mateo 15:5

Moisés Chube gerua degu ene ulita unsuialin, agwa ba ulita agali me kle geru e gbe gdadi, kaire ba kle daba na tke tangle age nganake me age chada e gerule kare. Ba kle kwian ta gbe me mo ñenua mo chebia gadale dage no me ama chudaboadale me lle ketadale amage ama llea me gire. Ba kle kwian tke tangle gerule mo ñenua ole mo chebia ole: “Mama, tata, cha me ñage ba chudaboi, lle ulita chanu cha ketu Chubege, cha ole lle me ba chudaboagda.”

Mateo 15:7

¿Mineade ba kle gerule kate ba kle Chube gerua gai dage, gire ba me kle age ba kle gerule kare? Ba ulita ta me no. Kwian Chube gerua ketanga kada Isaías Chube gerua degu unsuialin ba ulita giti, chada e gerule:

Marcos 7:13

Ba kle age me no ene malen cha gerule ba ole, ba ulita nu Chube gerua mliabanga me mo ñenua mo chebia manade Chube geru gbu kare unsuialin tangle, ba kle ba enusulian unsuialin suia gai dage ma no Chube gerua uliage. Ba kle kwian tke tangle geru na tanre ngwale giti.

Romanos 3:31

Che kwian israelita mo ta gbe Jesucristo gai ulia, e me gerule che kle Moisés chadalla gai ngwale me ñanaske che me age dare chada e gerule kare, me ene, che mo ta gbe Jesucristo gai ulia, ene kaire che ñage mo ta gbe age ma no Chube takalin kare Moisés chadalla gerule kare.

1 Timoteo 5:16

Onbre Chubenu gweale, muire Chubenu gweale bitalla chege gballa, ñengula jogeda, ama mo bitalla chudaboadale, ama me ñage kwian na Chubenu ulita chuge ngwadi mo bitalla manade, ama agali mo bitalla manadale. Ama age ene mo bitalla alin, ene kwian na Chubenu ulita ñage muinga na chudaboi, ulia muinga me bitallage kwian Chubenu ulita ama chudaboadale.

1 Timoteo 5:8

Kwian Chubenu gweale gwage mo bitalladi, mo bitalla me kle toi no, kaire chebialla, sulianlla, kwian Chubenu me tañachuge mo bitalla ene giti chudaboi, kwian Chubenu ene me kle age Chube takalin kare, ama me kle Chube gerua gai dage. Kwian me Chube uñe age ma no kwian e Chube uñege, kwian me Chube uñe tai dage mo bitallage, ama age no mo bitalla alin. Kwian Chube uñe me mo ta dbe no mo bitalla chudaboi ama ta me kle Chube ole ni kle Chube gai ulia.