Mateo 14:28 - Buglere

²⁸ Jesu gerudu ene gire Pedro gerudu Jesu ole: —Cha Chugagwalla, ulia ba amaña kle chage, ba cha gbe chage seradi kaire chiga giti joge ba ngnagu.

Mateo 14:28 ပူးပေါင်းရင်းမြစ်များ

Mateo 14:27

Gire Jesu gerudu ama ulita ole: —Ba me kennga, ba mo ta gbe kiraske, cha amaña kle chage.

Mateo 14:29

Jesu gerudu Pedro ole: —Bai cha gitigu chage seradi chiga giti. Gire Pedro jo siere duge jo chage seradi chiga giti Jesu ngnagu.

Mateo 19:27

Gire Pedro gerudu Jesu ole: —Cha ulita geru jwannga bage kle chage ba ole diali geru jwen bage, cha ulita mo llea ulita nga dba ai giti chugu ngwadi gire cha ulita mo ta gbu chage diali ba ole baini kaire ba kle joge ngwadi. Cha ulita agedu ulita ba gerudu kare onbre lle molen tanre ole, ¿cha ulita be llema gai bdagli mo ta gbe chage no ene ba ole ñanale?

Marcos 14:31

Jesu gerudu ene Pedroge agwa Pedro gerudu dare: —Me dale, cha mi age ene ba kle gerule kare cha ole, cha me mo tallade cha be jogekeda ba ole ule, cha mi gerule kwian ole cha me ba uñe. Pedro gerudu ene gire kaire kwian geru jwannga Jesuge na ulita gerudu gdaite gdaite salengwli Pedro gerudu kare.

Juan 6:68

Simón-Pedro jaindunga Jesu kalen: —Cha Chugagwalla, cha ulita gdataboko giti gdaboke mi joge siere bage dale, cha joge siere bage ¿cha be chema gai cha Chugagwallale? Chugagwalla na me ba kare, ba gerua ulita ulia, geru e kwian ta gbagda toi diali chui tangle Chube ole.

Romanos 12:3

Chube mo ta gbu no cha ole, ama cha gbu ama gerua ketangale. Cha gerule ba ulita ole, ba gweale me ñage tañachuge mo tale mo giti: “Cha ma no daba nage, cha kle lle boi Chube alin ma no daba na ulitage.” Me no tañachuge ene mo giti, agwa ma no gdaite gdaite tañachuge trate mo kaire kaire Chube ba ta gbu kare ba mo ta gbu Chube gai kare, ba gdaite gdaite mo kaire kaire tachkedale lle boi no Chube alin, gweale lle ma kweri boi, gweale lle soli boi Chube ba ta gbe lle boi kare, Chube ba ta gbe mo kaire kaire lle boi ama alin ama takalin kare.

Santiago 1:6

Ba kle chudaboi kade Chubege, ba e kadadale ta giti, ba mo ta gbadale suge ulia Chube be ba chudaboi be lle kete bage ba kle lle kadege kare, agwa ba me tañachugadale Chubedi mo tale: “Cha kle lle kade Chubege agwa me uñale chage Chube be age cha alin o me.” Ba me tañachugadale ene, ba me mo ta gbe tañachuge gwangerugu gwanaskuda ba lle kade giti Chubege. Cha gerule ulia ba ole, kwian bai kaire kle lle kade Chubege me mo ta gbe ta gbaitre alin ole, kwian ene salengwli mleuda kle ble chuga dbe chite ongoru ongoru kare.