Mateo 13:41 - Buglere

⁴¹ Chui ege cha be lle boanga Chube alin nga ngaña giti tanre kage ji gbe kwian agenga me no ulita alin, kwian agali kle age me no Chube dollale kaire kwian kle daba na gwabate age me no Chube dollale, lle boanga Chube alin nga ngaña giti be chie kwian ene ulita jwen gbale ji chuge agedu me no ulita giti.

Mateo 13:41 ပူးပေါင်းရင်းမြစ်များ

Mateo 13:49

Ai kaire be boi ene chui bdaglige, lle boanga Chube alin nga ngaña giti tanre be chie kwian agenga me no ulita jwen siere kwian no ulitage,

Mateo 18:7

Nga dba ai giti lle me no tanre kle diali kwian ulita takalin age, kwian bai age me no diali ama ta agekalin kare, kwian ene be boi daga ngwale age me no ene kbiale. Agwa kwian bai daba na gbe age me no, kwian e be boi daga ngwale ma tirare, ama be ji chuge daga ngwale tanre daba gbe age me no kbiale.

Mateo 24:31

Lle ngwanegda kada trompeta be gdade kweri kweri gire cha be lle boanga cha alin nga ngaña giti ngle kage cha ngeru nga ulitage nga dba ai giti, ama be kwian nga ulitamu bai kaire cha nu gaba mau alin lite ole ulita dbale nga ngaña giti toi cha ole Chube kle ngwadi.

Mateo 3:12

Kwian gdaite be chie cha nate kle biale kwian chage no Chube takalin kare jwen sugekare kwian me noge, kwian no be toi no Chube ole diali, agwa kwian me no be toi sugekare diali Chubege ji chuge chui tangle, kwian ni ñage joge siere ji chuge ege. E salengwli kwian kle trigo kwara batenga kare, trigo tagla no alin chege sugekare trigo kwara me noge, trigo tagla ogakle no agwa trigo kwara gugakle jitaske, malen cha gerule ba ulita ole, ba tienkalin gitiru ji chugege ba mo ta blitadale Chube ole —Juan-Bautista gerudu ene ulita kwian ole.

Mateo 8:20

Jesu gerudu kwian e ole: —¿Ulia ulia ba ñage chage cha ole baini kaire cha be joge chage ngwadige? Bliski ugara molen gbengwa kaire bdada ugara molen gbengwa, agwa cha me dale. Chube nu cha kagaba nga dba ai giti kwian kare, cha me u molen agali gbengwa.

Marcos 13:27

Cha be lle boanga cha alin nga ngaña giti ngle kage cha ngeru nga ulitage nga dba ai giti, ama be kwian nga ulitamu bai kaire cha nu gaba mau alin lite ole ulita dbale nga ngaña giti toi cha ole Chube kle ngwadi.

Hebreos 1:14

Ulia lle boanga Chube alin nga ngaña giti ama kle lle boi Chube alin Chube kle ama kage kare, Chube kle ama kage kwian ulita bai kaire Jesucristo gerua gaba manade no kaire kwian e chudaboi, lle e kare alin allabi Chube kle lle boanga amanu nga ngaña giti gbe age, lle boanga Chube alin me kweri kiraske Chube Kirolla Jesucristo kare.

Apocalipsis 21:27

Kaire una ege ni lle sugaska me no gdaite kle, ni kwian gdaite ta me no agenga me no ni kwian gdaite geru jinanga ngwale ñage joge una ege. Agwa kwian ulita bai kaire kalla kle degaba chada no Bda Corderonu giti ama alin ñage toi ule una no ege chui tangle diali Chube kaire Jesucristo chrallaske ulita.