Mateo 10:26 - Buglere

²⁶ ’Kwian me no cha gerua ole ba gbe boi daga ngwale ba me mo ta dbadale kennga amadi, kwian ene age me no ba ulita ole skwlenre, e mi chege skwlenre diali, chui be chke gire kwian e agedu me no ulita ba ole be chke uñale nate kwian na ulitage.

Mateo 10:26 ပူးပေါင်းရင်းမြစ်များ

Mateo 10:28

Cha gerule ba ole, ba me mo ta dbadale kennga kwiandi kwian bai ba gwakalinda cha gerua gdale, ama ñage ba gweda alin allabi, ama me ñage age ba oña ole. Ma no ba mo ta dbe kennga Chubedi, Chube ñage kwian gweda, kaire Chube ñage age kwian oña ole ñage kwian oña kage nga dbigu giti ji chuge diali. Chube ñage age ene malen ma no ba mo ta dbadale kennga Chubedi mo ta gbadale Chube gai dage no.

Marcos 4:22

Ene kaire Chube gerua me chege skwlenre, kwian Chube gerua ganga giti geru e be chke uñale kwian nage, kwian Chube gerua ganga me ta chegedale skwlenre Chube gerua ole kwianske.

Lucas 24:47

Geru e Cristo giti tragadale ngerule kwian una Jerusalénmuge ole, bigire geru tragadale kwian nga ulitage ole, geru tragadale kwian ulita kle age me no kwian ta jwlitedale Chube ole me age me no dare, gire kwian agedu me no ulita ngeru Chube be talla mlienga.” Chube gerua degaba unsuialin gerule ene.

Lucas 8:17

Ene kaire Chube gerua me chege skwlenre kwiange, kwian Chube gerua ganga giti geru e be chke uñale kwian nage malen kwian Chube gerua ganga me chagedale ta skwlenre Chube gerua ole kwianske.

Hechos 1:8

Chui e giti ba me chegedale tañachuge tanre, ma no ba mo ta gbe lle boi no Chube alin Chube gerua cha giti kete daba nage. Chube Oña ama noare, ama be chke ba ulita tale gire ba be kira gai ba be joge gerule no cha giti kwian ulitaske una aini Jerusalénge kaire nga na ulita nga kweri Judeage kaire nga Samariage kaire ba giti geru e be joge tragaba bate kwian nga ulitamu ole, ba be chege kwian cha gerua ketanga daba na ulitage.

Hechos 4:13

Kwian israelita chugagwalla ulita gwagedu Pedrodi Juandi gerule no Jesu giti me ta kennga ole ama ngeru gerule trate ama ulita kle mo litaba gwa giti. Kwian e ulita chegu tañachuge tanre Pedrodi Juandi, ama boke me geru jwanba mineade ama ñage gerule no trate kwian geru jwanba tanre kare. E giti chku uñale kwian israelita chugagwalla ulitage Pedro kaire Juan geru jwannga Jesuge chagedu diali ule Jesu ole Jesu kledu nga dba ai giti gire.

Hechos 4:19

Agwa Pedro, Juan gerudu kwian israelita chugagwalla ole: —Ba ulita tañachugadale no no mine ma no Chube gwa giti, ¿ma no cha ba ulita gadale dage age ba ulita takalin kare o ma no cha Chube gadale dage age Chube takalin kare?

1 Corintios 4:5

Cristo alinge uñale trate kwian lle boanga Chube alin talla mine, Cristo alin ñage gerule trate kwian ene ulita kle age giti kwian kle lle boi no Chube alin o me kle lle boi no, ni kwian gdaite ñage gerule trate daba na giti kle lle boi no Chube alin o me kle lle boi no. Malen cha gerule ba ulita ole, ba me gerudale cha ulita lle boanga Chube alin giti blike kle lle boi no o me kle lle boi no Chube alin, ba manadale, nege cha ulita lle boanga Chube alin talla ulita kle skwlenre bage agwa che Chugagwalla Cristo chieni chuiage kwian lle boanga ulita talla ulita be chke uñale nate, chui ege Cristo be gerule trate ulita kwian lle boanga Chube alin ulita giti bai lle bo no Chube alin bai me lle bo no Chube alin, chui ege Chube be gerule no no lle boanga no ulita ole lle boanga lle bo no ama alin giti.

1 Pedro 3:14

Agwa kwian gweale age daga ngwale ba ole ba kle mo ta gbe age no Chube takalin kare giti, ba me mo ta dbale olire, Chube be age no no ba alin malen ba ñage mo ta dbe nga suga no ole. Ba me kwachiedale kwian ba oña boi dagale ba kle age no giti,