Mateo 10:18 - Buglere

¹⁸ Kaire agwe ba dbabe kwian chugagwalla tanre ma kweri ngwadi, chugagwalla e ulitage ba gbabe jiske cha gerua gdale, ba kle chugagwalla e ngwadi gire ba be ñage gerule no cha giti chugagwalla e ulita gwa giti kaire kwian me israelita na tanre gwa giti.

Mateo 10:18 ပူးပေါင်းရင်းမြစ်များ

Mateo 10:17

Ba ulita kledale ta giti, kwian gweale me ta cha gerua keruchugakalin, ta me no ole kwian ene be ba gai be ba kete kwian israelita chugagwallage boadalenga daga ngwale cha gerua gdale, kwian chugagwalla e be ba dbe u mo litangwa Chube gerua jwanngwage be ba batange obere giska giti kwian na ulita gwa giti.

Mateo 10:19

Ba ulita be geru cha giti kete kwiange, e giti kwian tanre be ba dollale be ba gai be ba dbe gbale jiske kwian chugagwalla kweri ulitage, ba boi ene gire ba me mo tallade ba be gerule mine mo giti kwian chugagwalla kweri e ulita gwa giti. Ba be kle eni kwian e gwa giti gire chui ege ba mi gerule mau tale, ba Ñenua Chube ama Oña be ba ta gbe ba gerudale mine kwian ole, ulia Chube Oña be ba chudaboi be ba ta gbe geru ulita giti.

Mateo 8:4

Jesu gerudu oga jo chkeni no ole: —Ba me gerule ni kwian gdaite ole cha ba dodadu giti agwa ba agedale Chube nu geru gbaba unsuialin kwian alin Moisés giti gerule kare, chada e gerule ba agedale ai kare: Joga u gerungwa Chube olege mo kaite kwian gerunga Chube ole daba alinge, ba bdada gbaboke dbadale ule gugadale Chube gwa giti u ege ba chegu no trate ñanale, joga age ene ulita gire be chke uñale kwian ulitage ba jo chkeni no ba jingmeage —Jesu gerudu ene kwian onbre jo chkeni ole.

Marcos 13:9

Jesu gerudu ene kwian geru jwannga amage ole gire gerudu dare: —Ba ulita kledale ta giti, kwian che dollale be ba ulita cha gerua ganga gai be ba kete kwian israelita chugagwallage boadalenga daga ngwale cha gdale, kwian chugagwalla e be ba dbe u mo litangwa Chube gerua jwanngwage ba batange obere giska giti kwian na ulita gwa giti. Kaire ba dbabe kwian chugagwalla tanre ma kweri ngwadi, chugagwalla e ulitage ba gbabe jiske cha gerua gdale, ba kle kwian chugagwalla e ngwadi gire ba be ñage gerule no cha giti kwian e ulita gwa giti.

2 Timoteo 1:8

Ba me ibule gerule kwian na ole che Chugagwalla Jesucristo giti, kaire me ibule cha giti cha kle skage ama gerua giti. Ba boi daga ngwale cha boakle kare ba me geru Jesucristo giti chugadale ngwadi, ba Jesucristo gerua dbadale ngerugu kwiange, Chube kiralla giti Chube be ba kira gbe.

Apocalipsis 1:9

Che ulita Jesucristo gau mo Chugagwallale gire ene Jesucristo giti che ulita Chubenu. Cha Juan ba daballa Jesucristo giti kaire agwe kle boi daga ngwale ba ulita Chubenu kle boi kare Jesucristo gerua gai gdale. Jesucristo kle kira kete che ulitage ene che ñage jage boi daga ngwaleske, ene che ñage chege ta no ole che kle boi ulita tanre daga ngwalege. Jesucristo cha ta gbu geru ulia Chubenu giti gire cha Jesucristo gerua du gdale cha dule skadi ngadrega bleske ka jwankle Patmoge.

Apocalipsis 11:7

Ama gdaboke e lle bo ulita ama kagle kare ama Chube gerua tragu ulita kwian ole gire nga tira dbiugage lle gdaite me no tirare chiu kira bate gerunga Chube giti gdaboke e ole, lle tirare kirachku gerunga Chube giti gdabokedi lle tirare gerunga Chube giti gdaboke e guda.

Apocalipsis 6:9

Gire Bda Cordero lle chada gatagda gdatigadale junnga gire cha gwagedu kwian Chubenu tanre guleda oñadi ama ulita kledu lle gugangwa Chube gwa giti ngwadi gwaru, ama nu Chube gerua gaba ulia ama nu Chube gerua tragaba kwian na ole nga dba giti, e gdale ama ulita guleda nga dba giti.