Mateo 1:22 - Buglere

²² Ai boidu ulita Chube gerudu kare kwian Chube gerua ketanga unsuialin kada Isaías ole, Isaías Chube gerua degu unsuialin, chada e gerule:

Mateo 1:22 ပူးပေါင်းရင်းမြစ်များ

Mateo 12:17

Ai ulita boidu ene Chube gerua degaba gerule kare, kwian Chube gerua ketanga ka jwankle Isaías Chube gerua degu unsuialin tangle, chada e gerule ene Jesu giti:

Mateo 13:35

Diali Jesu geru ñachugu kwian ulita alin kwian ta gbagda Chube giti, ai ulita boidu ene kwian Chube gerua ketanga kada Isaías Chube gerua degu unsuialin gerule kare Jesu giti, chada e gerule: “Chube nga ulita dodadu unsuialin tangle nge jondege, chui ege gwangerugu Chube gerua tanre chegu ogaba skwlenre kwian ulitage, agwa cha be geru e ulita trage kwian kle toi nege tangle ole geru ñachuge giti.” Isaías Chube gerua degu ene Jesu giti unsuialin tangle.

Mateo 2:15

Ama ulita jo chke nga Egiptoge, eni José chegu toi kirogwa ole kirogwa chebia ole gire chuia jo sbali Herodes jokeda. Ai ulita boidu ene kwian Chube gerua ketanga unsuialin kada Oseas Chube gerua degu kare, chada e gerule: “Chube gerudu: ‘Nga Egiptoge cha mo Kirolla kadu toi naskuni mo jwiage.’ ” Chube Oseas ta gbu chada dege ene unsuialin Jesu giti.

Mateo 2:23

José jo toi una soli ka jwankle Nazarege nga Galileage. Ai ulita boidu ene kwian Chube gerua ketanga chada degu unsuialin kare Jesu giti, chada e gerule: “Cristo una Nazaremu.”

Mateo 5:17

Jesu gerudu dare: —Cha me chiu gerule ba ole ba me agedale dare Moisés nu Chube gerua degaba unsuialin kle gerule kare, ni cha chiu gerule ba ole kwian Chube gerua ketanga dabage unsuialin geru amanu ngwale. Cha chiu ba ulita tke tangle no trate geru amaña giti Moisés chada degu kare kaire kwian Chube gerua ketanga chada degu kare, cha chiu geru e ulita trennga bage.

Mateo 8:17

Ai ulita boidu ene kwian Chube gerua ketanga kada Isaías Chube gerua degu unsuialin gerule kare, chada e gerule: “Ama che boi daga ngwale ulita chegu ama kote kaire che oga ama che dodadu.” Isaías chada degu ene unsuialin Jesu giti.

Lucas 21:22

Chui ege Chube be ji gbe tirare kwian ulita agenga me no alin, be boi ulia ulita Chube gerua degaba unsuialin gerule kare.

Lucas 24:44

gire Jesu gerudu ama ulita ole: —Ngeru cha kledu ba ole gire cha gerudu tanre ba ole Chube gerua degaba unsuialin giti, Moisés nu Chube gerua degaba, kwian Chube gerua ketanga dabage nu Chube gerua degaba, kaire chada kada Salmos, chada e ulita gerule cha giti cha boidale ulita ene ba gwagedu kare chadi boi.

Juan 15:25

Boidale ene ulita Chube gerua jo degaba unsuialin cha giti gerule kare ama ulita alin, chada e gerule: “Cha me jiske, agwa kwian jainchke chadi ngwale mo tale.”

Juan 17:12

Nege cha kle ama ulita ole nga dba ai giti chage ule ama ole, ba ama ulita gbu chage cha ole, cha ama ulita manadu no ba kiralla giti, ene cha ama ulita ta gbu chage no ba geruage. Ba ama ulita ta gbu chage cha ole, ama ulita mo ta gbu cha gai ulia, ama kle chage cha ole diali, ni gdaite jonga chage, agwa ama gdaitre alin me mo ta gbu cha gai ulia, ama chagedu alin cha ole agwa ama ta me kledu ule cha ole, ama jonga sugekare chage, ama gdaite e boidale ene ba gerua degaba unsuialin gerule kare.

Juan 18:9

Boidu ene ulita salengwli Jesu agali gerudu kare ngeru Ñenua ole: “Cha Ñenua, ba kwian ulita ta gbu chage cha ole cha gai ulia, ni gdaite jonga chage.”

Hechos 3:18

Chube agedu Chube gerudu kare ulita unsuialin. Kwian Chube gerua ketanga unsuialin Chube kwian e ulita ta gbu chada dege Cristo giti, Chube be Cristo kage nga dba ai giti kwian alin, agwa Cristo boadale tanre daga ngwale kwian kote. Gire boidu ulita Jesu ole Chube gerua degaba unsuialin gerule kare.

Romanos 1:2

Unsuialin Chube geru e tragu kwian Chube gerua ketanga ole, Chube gerudu Chube be kwian jwannga siere kage kwian ulita alin, kwian Chube gerua ketanga Chube gerua e degu.

Apocalipsis 17:17

Chube be kwian chugagwalla gdataboko e ta gbe ule ulita age Chube takalin ama age kare muinga ole, Chube be kwian ta gbe lle gude chadale kare gbe mo chugagwallale ene be chege boiba ulita Chube gerua kle gerule kare.