Mateo 1:2 - Buglere

² Abraham kirolla Isaac, Isaac kirolla Jacob, Jacob kirolla gdataboko giti gdaboke molen, ama gdaite kadakle Judá,

Mateo 1:2 ပူးပေါင်းရင်းမြစ်များ

Mateo 1:1

Cha chada ai dege ulita Jesucristo giti, Jesucristo David oindalla, David kwian israelita enusulian unsuialin oña chugagwalla kweri, kaire Jesucristo kwian israelita enusulian unsuialin oña kada Abraham oindalla. Jesucristo enusulian unsuialin oña ulita kalla kle ai kare:

Mateo 1:3

Judá kirolla gdaboke Fares kaire Zara, Fares kaire Zara chebia kadakle Tamar, Fares kirolla Esrom, Esrom kirolla Aram,

Hechos 7:8

Esteban gerudu dare kwian israelita chugagwalla ole Abraham giti: —Kaire Chube gerudu Abraham ole: “Ba agedale cha gerule kare.” Gire Chube Abraham gbu mo kwara tkangenga sidri, ene chke uñale kwian na ulitage ama kwian Chubenu. Malen Abraham kirolla Isaac kledu bebitra, chui gbapa chkeba kirolla solige, Abraham mo kirolla kwara tkunga sidri. Isaac jo juma Isaac agedu kaire mo kirolla Jacob ole. Jacob jo juma Jacob agedu kaire mo kirolla gdataboko giti gdaboke ulita ole, Jacob kirolla e gdataboko giti gdaboke ama ulita kwian israelita mne gdataboko giti gdaboke chugagwalla unsuialin.

Hebreos 11:11

Kaire agwe Abraham mo ta gbu ulia Chube ole Chube gai ulia malen Abraham ñadu kirogwa molen mo muira Sara ole. Ulia Sara me ñadu kirogwa manade ama kledu biale gire, Sara muinga gballa, gire Sara jo juma juma kaire Abraham jo salengwli juma Sara ole gire ama ñadu kirogwa molen gdaite juma giti Chube kirallaske. Abraham mo ta gbu Chube gai dage gire Chube agedu no Abraham alin Chube gerudu kare Abraham ole.

Apocalipsis 7:5

Kwian israelita unsuialin kada Judá oindalla, mne e kwian ngle doce mil kledu gbaba egdage. Kwian israelita unsuialin kada Rubén oindalla, mne e kwian ngle doce mil kledu gbaba egdage. Kwian israelita unsuialin kada Gad oindalla, mne e kwian ngle doce mil kledu gbaba egdage.