Mateo 1:1 - Buglere

¹ Cha chada ai dege ulita Jesucristo giti, Jesucristo David oindalla, David kwian israelita enusulian unsuialin oña chugagwalla kweri, kaire Jesucristo kwian israelita enusulian unsuialin oña kada Abraham oindalla. Jesucristo enusulian unsuialin oña ulita kalla kle ai kare:

Mateo 1:1 ပူးပေါင်းရင်းမြစ်များ

Mateo 1:18

Jesucristo bebi menga gire boidu ene: María Jesu chebia ama mo chuia tku mo jwen José ole, María bebi chage ule José ole mo ñengula kare gire María chegu gaba Chube Oña kiralla giti.

Mateo 1:2

Abraham kirolla Isaac, Isaac kirolla Jacob, Jacob kirolla gdataboko giti gdaboke molen, ama gdaite kadakle Judá,

Mateo 15:22

ama jo chke kodi una boke ege gire muinga gdaite toinga nga ege chiu Jesu ngnagu, muinga e me kwian israelita, ama kwian cananea, ama chku Jesudi, ama ngautu: —Ba kwian chugagwalla unsuialin David oindalla, uñale chage Chube ba kagu nga dba ai giti. Ba tai dage chage, cha jian jwligebanga dolla kote, ba cha jian dodade dolla kage siere amage.

Mateo 3:16

Juan-Bautista Jesu ñeu chiske Jesu gau ngaña chigage, Jesu jo kedagu gire nga ngaña giti nga tigedunga, Jesu gwagedu nga ngaña ngnagu Chube Oñadi beusi kare chie gwadbiguda ama giti.

Mateo 9:27

Jesu jo chage ngeru ne ngwadi gire kwian gdaboke gwagwa me chagedu Jesu nate jonkare ngaute Jesuge: —¡Ba che chugagwalla unsuialin David oindalla, ba tai dage chage, ba cha gdaboke gwagwa dodade!

Lucas 1:33

Kirogwa e be chege kwian israelita ulita Chugagwallale diali, ama kiralla mi bidege dale.

Juan 7:42

Chube gerua degaba unsuialin gerule Cristo giti Cristo be chie chugagwalla rey David oña oindallaske una Belénge David toidu ngwadi unsuialin.

Hechos 2:30

David chada degu kare suge chege David kle gerule mau giti agwa me ene. Ama daba nga dba ai giti chugagwalla ama kwian Chube gerua ketanga. Uñadu amage Chube be age ulita Chube gerudu kare. Chube gerudu no ulia ama ole Chube be David oindalla gdaite gbe kwian ulita Chugagwallale kweri.

Romanos 1:3

Kwian jwannga siere e Jesucristo che Chugagwalla, ama Chube Kirolla, ama medunga nga dba ai giti kirogwa kare kwian israelita chugagwalla unsuialin kada David oindalla giti. Jesucristo kwian ulia,

Romanos 4:13

Chube gerudu Abraham ole nga kweri ulita giti Abraham oindalla alin: “Cha be nga ai ulita kete bage ba alin kaire ba oindalla alin toingwa.” Chube gerudu ene Abraham ole Chube be age giti Abraham alin kaire Abraham oindalla alin. E suiale Moisés chadalla me, Abraham mo ta gbu Chube alin gai ulia mo tale, ene Chube gwagedu Abrahamdi Abraham no trate me jiske, e giti Chube agedu ulita Abraham alin Chube gerudu kare. Abraham mo ta gbu age kwian mo ta gbu Moisés chadalla kledu degaba chuiage tangle kare age geru e gerule kare, age ene me Abraham chudabo Chube gwa giti, Abraham Chube gau ulia mo tale giti Chube gwagedu Abrahamdi Abraham no trate, e giti Chube agedu no Abraham alin kaire Abraham oindalla alin.

Romanos 9:5

Kwian israelita ulita enusulian kada Abraham kada Isaac kada Jacob oindalla, ama ulitaske Cristo chiu, Cristo Chube Kirolla, Cristo amaña Chube, ama kweri, ama lle ulita nga ulita kwian ulita Chugagwalla, kwian ulita gerudale no ama giti diali, ene no no gerule no ama giti.

Gálatas 3:16

Ene kaire Chube agedu Abraham ole, Chube gerudu Abraham oindallaske Chube be kwian gdaite gbe, Chube gerua degaba unsuialin me kle gerule oindalla ulita giti, agwa kle gerule oindalla gdaitre alin giti, e Cristo.

1 Timoteo 2:5

Chube gdaitre alin allabi kwian ulita alin, ngeru kwian ulita Chube dollale, Jesucristo alin ñage kwian ta gbe no Chube ole.

2 Timoteo 2:8

Ba tachkedale Jesucristo giti, ama chku nga dba ai giti kwian kare David oindallaske, ama jokeda gire ama jaba chkuni gwade, cha kle geru e ulia Jesucristo giti trage kwian ole.

Apocalipsis 22:16

Jesucristo gerule nakwaite ene: “Cha Jesu, cha lle boanga cha alin nga ngaña giti gdaite kagu geru ulia chada ai giti gbe chke uñale ba kwian ulita cha gerua gangage. Cha amaña kwian israelita chugagwalla unsuialin tangle kada David oindalla kaire cha beu ngliaña kle gwadenga no ngabebita bduge kare.” Jesucristo gerule ene ulita.