Marcos 9:49 - Buglere

⁴⁹ ’Cha gerule ulia ba ulita ole, che me takalin samla tuge gire che cho bate ngle samlage, ene samla me joge chegale, e kare ene Chube kle ba kwian amanu gbe boi daga ngwale gweale ba ta gbagda ama gai ma ngle, ene ba me mo ta blite age me no Chube dollale.

Marcos 9:49 ပူးပေါင်းရင်းမြစ်များ

Mateo 5:13

Jesu gerudu dare kwian geru jwannga amage ulita ole: —Cho mana noare agwa cho joge skeke gire cho ene me ñage jwliteni naskuni bale gutadale. Cho sketigeda me no, kwian cho ene mlienga goga tangle, kwian chage cho e giti ama me tallade, cho e ngwale. Ene kaire ba me toi no daba gwa giti Chube takalin kare, Chube be ba gbe ji chuge, ene ba be chege salengwli kwian kle cho sketigeda mlienga kare. Ba toidale no kwian ulita gwa giti Chube takalin kare, ene Chube ñage ba gbe lle boi ama alin nga dba ai giti Chube takalin kare.

Marcos 9:48

Ji chuge daga ngwale ngwadi lle ulita joge chegale sugaska gutaba gwita kote, gwita e ulita mi jogekeda dale ne ngwadi, kaire jita diali be kle gwade kwian agenga me no gbagda boi daga ngwale, jita e mi joge gwabada jita e chege diali chui tangle.

Marcos 9:50

Cho mana noare, agwa cho joge skeke gire che me ñage cho gbeni naskuni bale, che cho skeke mliadalenga, cho e ngwale. E kare ene ba kle gerule modi chema chema ma kweri daba na ulitage, ba mo gbakalin ma kweri daba nage ba me ñage lle boi no Chube alin, ene ba kle chege cho skeke kare ngwale. Ba me mo gbe ma kweri daba nage, ba mo ta gbadale toi no daba na ulita ole daba ulita chudaboangale —Jesu gerudu ene ulita kwian geru jwannga amage ole.