Marcos 9:42 - Buglere

⁴² Jesu gerudu dare: —Cha gerule ulia ba ulita ole, kwian bai kaire age me no kwian chanu ole kwian cha gerua gaba ulia me sbali kwian na daba ene ta gbeni bliteni naskuni age gweale me no Chube dollale, ma no kwian daba gbanga age me no ene alin ke kweri lugaba mo siroge mlienga ble jereske age me no giti gdale kwian chanu ole, ene kwian e be jogekeda mi ñage chege dare kwian chanu ta gbe age me no joge siere cha geruage.

Marcos 9:42 ပူးပေါင်းရင်းမြစ်များ

Mateo 17:27

Agwa cha me takalin kwian skochie kaire kwian tañachuge chadi cha me kle Chube gai dage malen suge chage ma no che igi kete kwian ulita kle igi kete kare. Joga chibitage ngwe jwen, ngwe ngerutabi be blire ba ole, ngwe e kate igi be skwen bage. Ba igi e kete che gdaboke giti kwian igi gangage u gerungwa Chuge ole manangage. Jesu gerudu ene ulita Pedro ole gire Pedro agedu ulita Jesu gerudu kare.

Mateo 18:10

Jesu gerudu: —Cha gerule ba ole, ba mo ta gbadale me daba na cha gerua gaba ibade, ba daba ene gweale ibade ba me kle age sugekare Chube gwage, me ene, diali lle boanga ulita cha Ñenua Chube alin nga ngaña giti kle cha Ñenua ole, cha Ñenua kle ama kage kwian cha gerua gaba manade.

Mateo 18:6

Jesu gerudu dare kwian geru jwannga amage ulita ole: —Cha gerule ulia ba ulita ole, kwian bai kaire age me no kwian chanu ole kwian cha gerua gaba ulia me sbali kwian na daba ene ta gbeni bliteni naskuni age gweale me no Chube dollale, ma no kwian daba gbanga age me no ene alin ke kweri lugaba mo siroge mlienga ble jereske age me no giti gdale kwian chanu ole, ene kwian e be jogekeda mi chege dare kwian chanu ta gbe age me no joge siere cha geruage.

Hechos 9:4

Jichra chralla kote Saulo jo chke dba gire Saulo geru keruchugu gerule: —Saulo, Saulo, ¿mineade ba kle age cha dollale cha gbe boi tanre daga ngwale?

Romanos 14:13

Bdagli che agali mo kaire kaire be gerule Chube ole mo giti che agedu giti, malen nege che me chagedale gerule dare ongoru ongoru modi kle age giti, ma no ba mo ta gbadale daba na ulita chudaboi, ba chagedale age ta giti daba na gwage, ba age gweale giti ñage suge daba nage e me trate ama alin, daba gwage badi age ene ama ñage joge siere geru uliage ba kle age giti, malen ba mo ta gbadale age trate daba na gwa giti.

Romanos 15:21

Cha kle geru Cristo giti dbe gwangea kwian ni geru keruchugabage, ene cha geru dbe giti kle boi Chube gerua degaba unsuialin gerule kare, chada e gerule: “Kwian me geru keruchugaba ama giti ni bitaite, kwian ene be geru ama giti keruchuge, geru e be suge kwiange kwian be ama gai ulia.”

Romanos 16:17

Cha daballa cha ibotea Jesucristo giti, ba geru ulia jun tanre, kwian Jesucristo gerua ketanga ba tku tangle no geru ulia Jesucristo gitige, ba ulita geru e gau ulia, nege kwian gweale kle chage baske geru nganake dbe, ba mo lingadale siere kwian enege, ama takalin ba ulita kira bate modi geru giti kaire ama takalin ba joge siere geru uliage, cha gerule trate trate ba ulita ole cha takalin ba kledale ta giti kwian ene ulitage.

2 Corintios 6:3

Cha kle lle boi Chube alin geru Jesucristo giti dbe kwian ulitaske, diali cha kle mo ta gbe chage ta giti trate me age sidri me no kwian ulita gwa giti, ene kwian gdaite me ñage gerule me no Jesucristo geruadi cha kbiale.

Filipenses 1:10

Ta ene ole be chke uñale bage ba chagedale trate Chube takalin kare, ene ba be ñage chage trate no kwian na gwa giti kwian na mi ñage gerule me no ba giti, Jesucristo chieni chuia ngwange ba skatedale chage trate me age me no.

1 Timoteo 5:14

Malen cha takalin muinga kle biale me chege ñengulage ama mo jwandale, ene ama kirogwa molen ama kirogwa manade no ama lle boi no mo ullage. Ene kwian me Chube uñe me ñage gerule sidri me no muinga enedi kaire kwian Chubenu ulitadi.

2 Pedro 2:2

Kwian daba tkanga tangle geru ngwalege ama daba tke tangle Chube giti agwa me kle gerule ulia Chube giti, kwian daba tkanga tangle ene ulita agenga me no tanre daga ngwale, kwian e nate kwian na ngle joge chage geru jwen amage, kwian geru jwannga amage mo ta gbe age me no me no tanre kaire daba tkanga tangle kle age kare, ene kwian me Chubenu be gwage kwian edi age giti kwian me Chubenu be gerule me no Chube gerua uliadi, kwian kle age kwian takalin kare, kwian ene me age Chube gerua gerule kare.